BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«شالقيا» قورعاسىن-مىرىش كەن ورنىن يگەرۋ جوباسى ىسكە قوسىلدى

يندۋستريالاندىرۋ كۇنىنە ارنالعان جالپىۇلتتىق تەلەكوپىر بارىسىندا قىزىلوردا وبلىسى جاڭاقورعان اۋدانىندا «شالقيا» قورعاسىن-مىرىش كەن ورنىن يگەرۋ جوباسى ىسكە قوسىلدى.

«شالقيا سينك لتد» اق باسقارما ٴتوراعاسى بولات رامازانوۆ كەن ورنى دۇنيە جۇزىندە مىرىش قورى بويىنشا ەڭ ٴىرى بەستىكتىڭ قاتارىنا كىرەتىنىن جەتكىزدى. كاسىپورىندا رۋدانى تىككونۆەيەرلى ادىسپەن ٴوندىرۋدىڭ يننوۆاسيالىق تەحنولوگياسى قولدانىلادى. كەن ورنىن يگەرۋ جوباسى تولىق قۋاتتا ىسكە قوسىلعان كەزدە 1500 ادام تۇراقتى جۇمىسپەن قامتىلادى. «شالقيا» كەن ورنىن يگەرۋ قازاقستان ٴۇشىن مىرىشتى ٴوندىرۋشى ەڭ ٴىرى ەلدەردىڭ قاتارىنا ەنۋگە سونداي-اق، قورعاسىن شىعارۋعا مۇمكىندىك بەرەدى. الەم بويىنشا مەتاللدىڭ بۇل تۇرلەرىنە سۇرانىس وتە جوعارى.
ايتا كەتەيىك، «شالقيا» پوليمەتالل كەن ورنىن «جەراستى ٴادىسى» ارقىلى ونەركاسىپتىك يگەرۋ» جوباسى ەكى كەزەڭ بويىنشا جۇزەگە اسادى. 2018 جىلى جىلدىق قۋاتى 2 ملن. تونناعا دەيىن جەتەتىن كەنىش سالىنادى، ال 2020 جىلى تاۋ-كەن ونەركاسىبىنىڭ ٴوندىرىس كولەمى 4 ملن. تونناعا دەيىن ۇلعايادى. وندىرىلگەن ٴونىم تمد ەلدەرىنە جانە الىس شەت مەملەكەتتەرگە جىبەرىلەدى. بۇگىندە جوبانىڭ تەحنيكالىق-ەكونوميكالىق نەگىزدەمەسى ازىرلەندى، ەۋروپا قايتا قۇرۋ جانە دامۋ بانكى ارقىلى قارجىلاندىرۋ تەتىكتەرى پىسىقتالۋدا، سونىمەن بىرگە تاۋ-كەن بايىتۋ كومبيناتىنىڭ قۇرىلىسىن سالۋشى مەردىگەردى انىقتاۋ ماقساتىندا كونكۋرستىق راسىمدەر جۇرگىزىلۋدە.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي