وڭدەۋ سەكتورىنىڭ ٴوسىمى اعىمداعى جىلى 15،4%-دى قۇرادى - ەكونوميكا|30 قىركۇيەك 2016، 09:31
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭدەۋ سەكتورىنىڭ ٴوسىمى اعىمداعى جىلى 15،4%-دى قۇرادى

بۇل تۋرالى قىزىلوردا وبلىسىنىڭ اكىمى قىرىمبەك كوشەربايەۆ وبلىستىق ٴماسليحات سەسسياسىندا جاساعان بايانداماسىندا مالىمدەدى.
- وڭدەۋ سەكتورىنىڭ ٴوسىمى اعىمداعى جىلى 15،4%-دى قۇرادى. ال، ەگەر نەعۇرلىم ۇزاق مەرزىمدى ٴۇردىستى (ديناميكانى) الىپ قارايتىن بولساق، وندا، مىسالى، 2012 جىلدىڭ ۇقساس كەزەڭىمەن سالىستىرعاندا، وبلىستاعى شيكىزاتتىق ەمەس سەكتوردىڭ ٴوندىرىس كولەمى 2،8 ەسەگە ارتسا، رەسپۋبليكا بويىنشا بۇل كورسەتكىش ورتا ەسەپپەن نەبارى 17،8%-عا عانا وسكەن. وسى كەزەڭدە وڭىرىمىزدەگى ونەركاسىپتىڭ شيكىزاتتىق ەمەس سەكتورىنداعى ەڭبەك ونىمدىلىگى 5،2 ەسەگە (قر – 195%) ارتتى، ال، وڭدەۋ ونەركاسىبىنىڭ ٴوڭىردىڭ جالپى ونىمىندەگى ۇلەسى 2 ەسەدەن ارتىق (2012 ج. 2،3%-دان 2015 ج. 5،2%-عا دەيىن) ٴوستى،- دەدى وبلىس اكىمى قىرىمبەك كوشەربايەۆ.
بۇدان بولەك، ايماق باسشىسى شيكىزاتتىق ەمەس سەكتوردىڭ دامۋ قارقىنى بويىنشا قىزىلوردا وبلىسى بۇگىنگى كۇنى رەسپۋبليكانىڭ وزگە وبلىستارى اراسىندا كوشباسشى ەكەندىگىن تىلگە تيەك ەتتى. وبلىس اكىمى قىرىمبەك كوشەربايەۆتىڭ ايتۋىنشا، وڭدەۋ سالاسىنىڭ قارقىندى ٴوسىمى 2014 جىلدىڭ قىركۇيەگىنەن باستاپ بايقالۋدا. ياعني، بۇل – ايماق ەكونوميكاسىن ٴارتاراپتاندىرۋدىڭ ناقتى دالەلى.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي