ەسكى كولىكتەردى جوياتىن زاۋىت اشىلماق - ەكونوميكا|07 قازان 2016، 09:58
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەسكى كولىكتەردى جوياتىن زاۋىت اشىلماق

ەلىمىزدە ەسكى كولىكتەردى جوياتىن زاۋىت ىسكە قوسىلۋى مۇمكىن. كاسىپورىن ورنالاساتىن ايماقتار دا بەلگىلى.

بۇل جونىڭدە بۇگىن ورتالىق كوممۋنيكاسيالار بريفينگىندە ينۆەستيسيالار جانە دامۋ ٴمينيسترىنىڭ ورىنباسارى البەرت راۋ مالىمدەدى. جوسپار بويىنشا زاۋىت ٴۇش قالادا، ناقتىراق ايتساق استانا، الماتى جانە شىمكەنتتە سالىنادى. ال كونەرگەن كولىكتەردى قابىلدايتىن ارنايى ورتالىقتار ٴار وبلىستا بولادى. اتالعان جوبا ەلىمىزدىڭ ماشينا قۇراستىرۋ سالاسىن جاڭا بەلەسكە شىعارادى دەگەن ۇلكەن ٴۇمىت بار. جالپى، شيرەك عاسىردا سالاداعى ٴوندىرىس كولەمى اقشاعا شاققاندا 17 ەسەگە ٴوستى. ەڭ جوعارى كورسەتكىش 2013-2014 جىلدارى بايقالدى. بۇل كەزەڭدە وتاندىق كولىكتەردىڭ ٴوندىرىسى 950 ملرد تەڭگەنى قۇرادى. ال ەكسپورتقا كەلسەك، قازاقستاندىق تەمىر تۇلپارلار ورتا ازيا، اراب امىرلىكتەرى جانە گرۋزيا ەلدەرىندە سۇرانىسقا يە.
مەيرام پىشەمبايەۆ، «قازاقستان ماشينا جاساۋشىلار وداعى» زتب باسقارماسىنىڭ ٴتوراعاسى:
- 2015 جىلى وزدەرىڭىزگە بەلگىلى سەبەپتەرمەن ٴوندىرىس تومەندەدى. 2014 جىلمەن سالىستىرعاندا 30%-دان جوعارى ٴوندىرىس ازايدى. بىلتىر كۇزدەن باستاپ ٴوندىرىس قالىپتاسا باستادى، ال بيىلعى جىلى ٴبىز سول تومەندەگەن كورسەتكىشتى جىلدىڭ اياعىندا 91%-عا جەتكىزەمىز.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي