BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە 23 جاڭا يندۋستريالاندىرۋ جوباسى ىسكە قوسىلدى

جۋىردا ەلوردادا قر پرەزيدەنتى-نىڭ «قازاقستاننىڭ ۇزدىك تاۋار» «التىن ساپا» سىيلىعى رەسپۋبليكالىق كورمە-بايقاۋى، بيزنەستىڭ الەۋمەتتىك جاۋاپكەرشىلىگى جونىندەگى «پارىز-2016» بايقاۋى جەڭىمپازدارىن ماراپاتتاۋمەن قاتار يندۋستريالاندىرۋ كۇنى اياسىندا جالپىۇلتتىق تەلەكوپىر وتكىزدى.

جىلداعى ٴداستۇر بويىنشا، مەملەكەت باسشىسى نۇرسۇلتان نازاربايەۆتىڭ قاتىسۋىمەن يندۋستريالدىق جانە ينفراقۇرىلىمدىق جوبالار ىسكە قوسىلىپ، جۇمىستارىن باستاپ كەتتى.

ەلباسىنىڭ تاپسىرماسىمەن «نۇرلى جول» ەكونوميكالىق باعدارلاماسى اياسىندا ەكىنشى جول قۇرىلىسى جۇزەگە اسىرىلۋدا. قۇرىلىسقا پايدالانىلعان ماتەريالدىڭ 90%-ى وتاندىق ٴونىم.

سونىمەن قاتار وتاندىق جاڭا ۇلگىدەگى كەڭ قوراپتى جولاۋشىعا ارنالعان ۆاگوندار پايدالانۋعا بەرىلدى. بۇل تۋرالى تەمىرجول ٴبولىمىنىڭ باسشىسى سەزبەك الىشەۆ تەلەكوپىر كەزىندە ەلباسىمەن تىكەلەي ەفەردە باياندادى.

تەمىرجول سەلولىق وكرۋگىنىڭ ماڭىندا جاڭادان سالىنعان كوپىردىڭ قاسىنا اۋدان اكىمى جانداربەك دالابايەۆتىڭ باسشىلىعىمەن اۋىل تۇرعىندارى مەن تەمىرجول قىزمەتكەرلەرى تەلەكوپىرگە قاتىسىپ، وزگە دە وڭىرلەردە اشىلىپ جاتقان نىساندارعا كۋا بولدى.

الەمدىك دامۋدىڭ داڭعىل جولىنداعى قازاقستانمەن وزگە شەتەلدەر تىعىز قارىم-قاتىناستا بولۋعا ەرەكشە ٴمان بەرەتىنى راس. بۇعان شەتەلدەن تارتىلعان ينۆەستيسيالار كولەمى دالەل بولادى.

دۇنيەجۇزىلىك بانك رەيتينگىسى بويىنشا كاسىپتەن ٴناسىپ تابۋ جولىندا قازاقستان 190 ەلدىڭ ىشىنەن ٴ35-شى ورىنعا تابان تىرەگەنى دە زور قۋانىش.

باقتيار ايتالى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي