استانادا «بولاشاق ەنەرگياسى: بارشاعا قۋات» حالىقارالىق فورۋمى باستالدى - ەكونوميكا|15 قىركۇيەك 2016، 17:02
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «بولاشاق ەنەرگياسى: بارشاعا قۋات» حالىقارالىق فورۋمى باستالدى

14 قىركۇيەكتە استانادا «بولاشاق ەنەرگياسى: بارشاعا قۋات» حالىقارالىق فورۋمى ٴوز جۇمىسىن باستادى. بۇل «استانا ەكسپو-2017» ۇلتتىق كومپانياسىنىڭ استاناداعى ەكسپو-2017 حالىقارالىق مامانداندىرىلعان كورمەسى قارساڭىندا وتكىزىلەتىن ماڭىزدى تاقىرىپتىق شارالاردىڭ ٴبىرى.

بۇل «بولاشاق ەنەرگياسى» فورۋمىنىڭ: سو2 شىعىندارىن ازايتۋ، ەنەرگوتيىمدى ٴومىر سالتى، بارشاعا قۋات تاقىرىپتارىنان قۇرالعان ٴۇش جىلدىق سيكلىن اياقتايدى. ٴىس-شارا ەكسپو-2017 كورمەسىنىڭ تاقىرىبى مەن تاقىرىپشالارى بويىنشا زەرتتەۋ جوبالارىنىڭ الاڭىنا اينالدى.
فورۋم – كورمەنىڭ «بولاشاق ەنەرگياسى» تاقىرىبىن اشادى، وندا ەنەرگەتيكا سالاسىنىڭ مايتالمان ماماندارى، جەتەكشى ساراپشىلار، عالىمدار، قوعامدىق جانە ۇكىمەتتىك ەمەس ۇيىم مۇشەلەرى، مەملەكەتتىك ورگان سەكتورى قاتىستى.
باسقوسۋ اياسىندا تۇراقتى ەنەرگەتيكا، ەنەرگوۇنەمدىلىك پەن ەنەرگوتيىمدىلىك، سو2 شىعىندارىن ازايتۋ ماسەلەلەرى الەۋەتىنىڭ دامۋى تالقىلانىپ، سونداي-اق، بۇل ماقساتقا جەتۋدەگى حالىقارالىق ۇيىم ٴرولى قارالدى.
«ٴبىز استانادا بولاتىن كورمەگە حالىقارالىق قاۋىمداستىق تاراپىنان ۇلكەن قىزىعۋشىلىقتىڭ بار ەكەندىگىن كورىپ وتىرمىز. بۇگىندە ەكسپو-2017 كورمەسىنە 103 مەملەكەت پەن 18 حالىرالىق ۇيىم قاتىساتىندىعىن راستادى» - دەدى فورۋمنىڭ سالتاناتتى اشىلۋ ساتىندە «استانا ەكسپو-2017» ۇك» اق باسقارما ٴتوراعاسىنىڭ ورىنباسارى احمەتجان ەسىموۆ.
كورمە نىساندارىنىڭ قۇرىلىسى كەستەگە سايكەس جۇرگىزىلىپ كەلەدى. قازىرگى تاڭدا قۇرىلىس جۇمىستارىنىڭ 85 پايىزى ٴبىتتى.
ەكسپو-2017 كورمەسىنە حالىقارالىق دەڭگەيدە بيلەت ساتىلۋ باستالدى. حالىقارالىق كورمەلەر بيۋروسىمەن كەلىسۋلەر ناتيجەسىندە بيلەت قۇنىنىڭ مەيلىنشە تومەن باعادا ساقتاپ قالۋعا قول جەتكىزىلدى. بۇل قازاقستاندىقتاردىڭ باسىم بولىگى كورمەگە كەلىپ، مەيلىنشە شەتەلدىك تۋريستەردى تارتۋ ٴۇشىن جاسالدى.
ەرتەڭ ٴبىز «ۇزدىك تاجىريبەلەر ايماعى» پاۆيلونىنا ورنالاستىرۋ ٴۇشىن دۇنيە ٴجۇزى بويىنشا قولدانىستاعى ۇزدىك تاجىريبەلەردى ىرىكتەۋ بويىنشا بايقاۋدى ٴتامامدايمىز. ۇزدىك تاجىريبەلەر ايماعى – نەگىزىنەن كورمە تاقىرىبىنا قاتىستى الەمدەگى جۇزەگە اسىرىلىپ جاتقان ەڭ مىقتى تەحنولوگيالار، جوبالار، قۇرال-جابدىقتار، ونىمدەر جيناقتالعان «كورمەنىڭ جۇرەگى» - دەدى ٴوز ٴسوزىن قورىتا كەلە ا.ەسىموۆ.
حالىقارالىق قاۋىمداستىقتىڭ دامۋى جولىنداعى ەكسپو-2017 ماڭىزدىلىعىن حالىقارالىق كورمەلەر بيۋروسىنىڭ باس حاتشىسى ۆيسەنتە لوسسەرتەلەس ەرەكشە اتاپ ٴوتتى. «ەكسپو-2017» حالىقارالىق كومپانيالاردى قولداۋدا اسىرەسە، بۇگىنگى ەكونوميكانىڭ ەڭ ٴبىر پەرسپەكتيۆالى سالاسى – جاڭعىرتىلاتىن ەنەرگيا كوزدەرىن يگەرۋدە ايرىقشا مۇمكىندىك ۇسىنىپ وتىر.
جالپى، فورۋم جۇمىسىنا 60-تان اسا حالىقارالىق ۇيىم وكىلدەرى قاتىستى.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي