ارنايى جوبا جۇزەگە اسىرۋدا. - ەكونوميكا|13 قازان 2016، 09:29
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارنايى جوبا جۇزەگە اسىرۋدا.

«استانا ەكسپو-2017» national geographic-پەن بىرگە ارنايى جوبا جۇزەگە اسىرۋدا. بۇل تۋرالى «استانا ەكسپو-2017» ۇلتتىق كومپانياسىنىڭ ىلگەرىلەتۋ جانە تۋريزم دەپارتامەنتىنىڭ ديرەكتور ورىنباسارى روزا اسانبايەۆا، national geographic traveler باس رەداكتورى ولگا ياكوۆينا جانە ىلگەرىلەتۋ جانە تۋريزم دەپارتامەنتىنىڭ باس مەنەدجەرى دانيەل سەرجان ۇلىنىڭ قاتىسۋىمەن بولعان ٴباسپاسوز ٴماسليحاتىندا بەلگىلى بولدى.

«حالىقارالىق national geographic travelawards جۇلدەسى وزىندىك تۋريزم سالاسىنىڭ وسكارى بولىپ تابىلادى. بيىل جۇلدە سەرىكتەسى قازاقستان، ەكسپو-2017 اتاندى. قازاقستان بۇگىندە مەيلىنشە الەۋەتى زور باعىت. وعان دەگەن قىزىعۋشىلىق كۇن ارتا وسۋدە. سوندىقتان ٴبىز حالىقارالىق، رەسەيلىك تۋريزم مەن ساياحات تۋرالى جەتەكشى باسىلىم رەتىندە وعان نازار اۋدارماي تۇرا المادىق»، - دەدى ٴوز سوزىندە ولگا ياكوۆينا «national geographic traveler» باس رەداكتورى.
ارنايى جوبا ەكى بايقاۋدى قوسادى. ٴبىرى – «قازاقستان – جاڭا اشىلىم ۋاقىتى»، ەكىنشىسى – «قازاقستان – بولاشاق ەنەرگياسى».
«قازاقستان – جاڭا اشىلىم ۋاقىتى» مارشرۋتتار بايقاۋى 8 قىركۇيەك پەن 6 قاراشا ارالىعىندا وتكىزىلۋدە. قاتىسامىن دەۋشىلەر nat-geo.ru قازاقستاننىڭ كورىكتى جەرلەرى تۋرالى ٴوز وقيعالارىن جولداۋلارىنا بولادى. قازىرگى كۇننىڭ وزىندە 26 ٴوتىنىم بەرىلدى. باس جۇلدە ەكسپو-2017 حالىقارالىق مامانداندىرىلعان كورمەسىنە جولداما الادى. ٴارى ول 17 قاراشا كۇنى مىسكەۋ قالاسىندا وتكىزىلەتىن national geographic traveler awards 2016 سالتاناتتى شاراسىندا تابىس ەتىلەدى.
«قازاقستان – بولاشاق ەنەرگياسى» فوتوبايقاۋى 28 قىركۇيەكتە باستالىپ، 28 قازانعا دەيىن وتكىزىلەدى. وعان دا قاتىسامىن دەۋشىلەر nat-geo.ru سايتىنا قازاقستاننىڭ سۋرەتتەرىن جولداۋى ٴتيىس. بايقاۋ ٴادىلقازىلارى ەڭ ۇزدىك جۇمىس يەلەرىن 1 قاراشا كۇنى اتايتىن بولادى. جەڭىمپازدىڭ ەڭبەگى national ٴgeographic-تىڭ الەۋمەتتىك جەلىلەرىندە ورنالاستىرىلادى. سونداي-اق جەڭىمپاز national geographic كومانداسى جانە شەف-فوتوگراف اندرەي كامەنەۆپەن بىرگە 2017 جىلدىڭ مامىر ايىندا قازاقستانعا فوتوەكسپەديسياعا بارا الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي