ارەكەت بولماي بەرەكەت جوق - ەكونوميكا|25 تامىز 2016، 14:04
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ارەكەت بولماي بەرەكەت جوق

ەلباسى نۇرسۇلتان نازار­بايەۆ بيز­­نەستىڭ كەڭ ٴورىس الۋى­نا جاعداي جاساۋ كەرەكتىگىن ۇنە­­­­مى ايتىپ كە­لە­دى. سوعان وراي ٴقا­­زىر شاعىن جا­نە ور­تا كاسىپ­كەر­­لىكتى دامىتۋعا اي­رىقشا ٴمان بەرىلە باستادى. قان­داي دا ٴبىر ٴىستى قولعا الامىن دەۋ­شىلەر ٴۇشىن مەم­­لەكەت تاراپى­نان قول­داۋ­­لار جا­سا­لىپ، دەمەۋ كور­سە­تىلۋدە. ناتيجە­سىن­دە ويعا ال­عان ىستەر رەتىمەن جۇ­زەگە اسىپ، بۇل باعىتتاعى جۇمىستار جاڭا­­­­شا جاندانۋدا.

بۇگىندە «بيزنەستىڭ جول كارتاسى – 2020» مەملەكەتتىك باعدارلاماسىنىڭ ارقاسىندا كاسىپپەن اينالىسۋدىڭ قىر-سىرىن جەتە ٴتۇسىنىپ، پايداسىن كورىپ جات­قان­دار از ەمەس. سول سەبەپتى كاسىپ بار جەردە ٴناسىپتىڭ بولا­تىنىن مىقتاپ ەسكەرگەندەر جىل ساناپ ٴوسۋ ۇستىندە. قانات جايعان بۇل ٴۇردىس تەك قالادا عانا ەمەس، اۋىل-ايماق­تار­دا دا جالعاسۋدا. سونىڭ ٴبىرى قاراساي اۋ­دانىنا قاراستى اباي اۋىلىندا ىسكە قوسى­لىپ، تالاي ادامنىڭ ەڭبەكپەن قامتىلۋىنا مۇمكىندىك بەرىپ وتىرعان «chocoland» جاۋاپ­كەرشىلىگى شەكتەۋلى سەرىك­تەستىگى. وعان ارنايى ىسساپارمەن بارعاندا كوز جەتكىزدىك. ٴوندىرىس الاڭىنا كىرگەن مەزەتتە ٴبىزدى «الماتى تات­تىلەرى» جاۋاپكەرشىلىگى شەكتەۋلى سەرىك­تەس­تىگىنىڭ باسشىسى داۋرەنبەك كۋداروۆ قارسى الدى.

ول سەح جۇمىسىمەن تانىستىرىپ، ون­داعى قىزۋ تىرلىكتى كورسەتتى. وعان كۋا بولعان ٴبىز ٴوندىرىستى تۇتاستاي ارالاپ، تىرشىلىكتىڭ قاۋىرت ٴجۇرىپ جاتقانىن بايقادىق. بۇل جەردەگى ەڭبەككەرلەردىڭ باسىم بولىگى جاستار. قىز-جىگىتتەر وزدەرىنە جۇكتەلگەن مىندەتتى ٴمىنسىز اتقارۋعا تىرىسۋدا. ٴبىرى پەچەنە جاساۋمەن اينالىسىپ جاتسا، كە­لەسىسى دايىن بولعاندا­رىن ارنايى قوراپ­قا سالىپ، ٴتيىستى ورىندارعا جونەلتۋدە. جۇمىس ٴۇردىسى ارنايى قۇرىلعى­لار­دىڭ كومەگىمەن اۆتوماتتى تۇردە جۇزەگە اسىرىلىپ جاتىر. قول ەڭبەگى دە پايدالا­نىلۋدا. داۋرەنبەكتىڭ ايتۋىنشا، ٴوندىرىس وشاعى بىلتىر «دامۋ» قورىنىڭ كومەگىمەن ىسكە قوسىلىپتى. ٴوندىرىس وشاعىنىڭ ايىنا 200 توننا ٴونىم وندىرۋگە قاۋقارى جەتەدى. الداعى ۋاقىتتا تۇ­تاستاي ٴداندى داقىلداردان جاسالعان بيو­پە­چەنە شىعارۋ جوسپارعا ەنگىزىل­گەن.

ٴقازىر مۇندا ٴتاتتى پەچەنەنىڭ ون ٴتۇرى دايىن­دالادى. ال ونى ازىرلەۋ ٴۇشىن استىق تۇ­قىمدارى پايدالانىلادى. ساپاسى دا ٴجىتى باقىلاۋعا الىنعان. دايىن ٴونىم ٴتۇرى ەلدىڭ تۇكپىر-تۇكپىرىنە تارالادى. سونىمەن بىرگە قى­تاي، رەسەي سياقتى شەت مەملەكەتتەردىڭ نارى­عىندا دا ساۋدا­لا­نۋدا. بۇل جەردە جيىر­ما­دان اسا ادام ەڭبەك ەتەدى.

قالاي دەسەك تە مەملەكەتتىڭ قولداۋىنسىز بيزنەستى اياققا تۇرعىزۋ مۇمكىن ەمەس. وسى رەت­تە اتال­مىش سەرىكتەستىك يەسى «بيزنەستىڭ جول كار­تاسى – 2020» باعدارلاماسى اياسىندا 47 ميل­ليون تەڭگە نەسيەگە قول جەتكىزگەن. 14 پايىزبەن بەرىلگەن نەسيەنىڭ 10 پايىزىن مەملەكەت سۋبسيديالايدى، قالعانىن سەرىك­تەس­تىك تولەۋدە. بۇل اقشا ٴوندىرىستى ىسكە قو­سىپ، ٴونىم وندىرەتىن قۇرىلعىلار ساتىپ الۋعا جۇمسالعان. عيما­رات­قا دا كۇردەلى جوندەۋ جۇ­مىستارى جۇرگىزىلىپتى. ٴسويتىپ، ٴىستى جىل­جىتۋعا اتالعان باعدارلاما­نىڭ ايتار­لىق­تاي پايداسى تيگەن.

قازىرگى كەزدە ٴدامى ٴتىل ۇيىرەرلىك ٴتاتتى پەچەنەلەرگە دەگەن سۇرانىس جامان ەمەس. ويت­كەنى، مۇندا ساننان گورى ساپاعا كوپ ٴمان بەرى­لەدى. ٴونىم ٴتۇرى دە ۇلعايعان. ايتا كەتەيىك، ستاتيستيكا مالىمەتتەرى بويىنشا ٴاربىر ٴۇشىن­شى ادام ازىق-تۇلىك دۇكەندەرىنە بار­عاندا ٴبىر قوراپ پەچەنە ساتىپ الادى ەكەن. سون­دىق­تان، ونى تۇتىنۋ كولەمى ەلدە جىل سايىن ار­تىپ كەلەدى. سول سەبەپتى ٴتاتتى تاعام ٴتۇرىن دايىن­­داۋ­شىلار قاتارى ٴوسۋ ۇستىندە. وسىنى ەس­كەرگەن كاسىپكەر باسەكەگە قابىلەتتى بولۋعا ەرەكشە كوڭىل ٴبولىپ، ەڭبەك ەتۋدە.

ايگۇل بايبوسىنوۆا

اباي اۋىلى،

قاراساي اۋدانى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي