6 يندۋستريالىق ايماق قۇرۋعا 4،5 ملرد. تەڭگە قاراستىرىلعان - ەكونوميكا|28 قىركۇيەك 2016، 12:16
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

6 يندۋستريالىق ايماق قۇرۋعا 4،5 ملرد. تەڭگە قاراستىرىلعان

«بيزنەستىڭ جول كارتاسى-2020» باعدارلاماسى اياسىندا 6 يندۋستريالىق ايماق قۇرۋعا 4،5 ملرد. تەڭگە قاراستىرىلعان. بۇل تۋرالى بۇگىن قر ۇكىمەتى وتىرىسىندا قر ۇلتتىق ەكونوميكا ٴمينيسترى قۋاندىق بيشىمبايەۆ ٴمالىم ەتتى، دەپ حابارلادى قازاقپارات.
«بۇگىنگى كۇنى ەلدە 42 يندۋستريالىق ايماق بار. ولاردىڭ ٴ27-سى سالىنىپ جاتسا، 15 قولدانىستا. 25 يندۋستريالىق ايماقتى قۇرۋعا «بجك-2020» باعدارلاماسىنىڭ اياسىندا 24،4 ملرد. تەڭگە ٴبولىنىپ، ولاردىڭ ىشىنەن 12 يندۋستريالىق ايماق جۇمىس ىستەۋدە. وندا 700 ملرد. تەڭگەدەن اسا ينۆەستيسيالار سوماسىنا 273 ٴوندىرىس ورنالاستىرىلعان جانە 626 ملرد. تەڭگە سوماسىنا ٴونىم شىعارىلعان»، - دەدى مينيستر.
ونىڭ اتاپ وتۋىنشە، اعىمداعى جىلى «بجك-2020» اياسىندا 6 يندۋستريالىق ايماقتى قۇرۋعا اقتوبە، قىزىلوردا، الماتى، وڭتۇستىك قازاقستان جانە قوستاناي وبلىستارىندا 4،5 ملرد. تەڭگە كولەمىندە قاراجات قاراستىرىلعان.
وڭىرلەرمەن قاراجاتتىڭ يگەرىلۋى جوسپارلى تارتىپتە جۇزەگە اسىرىلادى. تەك قوستاناي وبلىسىندا عانا قۇرىلىس ٴالى باستالعان جوق. اتالعان ٴوڭىر كونكۋرستىق راسىمدەردى جۇرگىزۋدى جىلدامداتۋى قاجەت»،- دەدى ق.بيشىمبايەۆ.

kyzylorda-news.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي