BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ماڭىزدى ماسەلەلەر تالقىلاندى

بەيسەنبى كۇنى اۋدان اكىمى جانىنداعى ايەلدەر ىستەرى جانە وتباسى دەموگرافيالىك ساياسات جونىندەگى كەڭەستىڭ كەزەكتى ٴماجىلىسى ٴوتتى. ونى اتالمىش كوميسسيانىڭ ٴتوراعاسى، اۋدان اكىمىنىڭ ورىنباسارى س. كەنجەبايەۆ اشىپ، جۇرگىزىپ وتىردى. -وتباسى - ادامزاتتىڭ باعا جەتپەس بايلىعى. ول بارلىق زاماندا دامۋ مەن تۇراقتىلىقتىڭ نەگىزگى فاكتورى، مەملەكەتتىڭ نىعايۋى مەن حالىقتىڭ ٴال-اۋقاتىنىڭ جاقسارۋىنا تىكەلەي اسەر ەتۋشى جانە كومەكشى قۇرال بولىپ تابىلدى،- دەي كەلىپ، ساعىندىق جۇماعۇل ۇلى كوكتال اۋىلدىق وكرۋگىندە تۇراتىن، وتباسىندا ونەگەلى ۇرپاق وسىرگەن، كوپ بالالى انا ر.راپيشەۆاعا العىس حاتتى تابىستادى. كۇن تارتىبىندەگى ٴبىرىنشى ماسەلە- “ادامگەرشىلىك جانە جىنىستىق جاعىنان تاربيەلەۋ مەن ەرتە جۇكتىلىكتىڭ الدىن الۋ شارالارى تۋرالى” اۋداندىق اۋرۋحانا باس دارىگەرىنىڭ ورىنباسارى گ. مامىربايەۆا، “وتباسىنداعى جانە جۇمىس ورنىنداعى زورلىقتى جويۋعا ەرلەرگە، ايەلدەرگە جانە بالالارعا قاتىستى زورلىقتىڭ الدىن الۋ ماقساتىنداعى شارالار جونىندە” اۋداندىق ىشكى ىستەر ٴبولىمىنىڭ جەرگىلىكتى پوليسيا قىزمەتىنىڭ ايەلدەردى زورلىق زومبىلىقتان قورعاۋ بويىنشا اعا ينسپەكتورى، پوليسيا اعا لەيتەنانتى ت. نۇرعاليقىزى باياندادى. بايانداماشى ٴوز سوزىندە اۋداندىق ىشكى ىستەر بولىمىندە ايەلدەرگە قاتىستى قىلمىس قۇرامى بار قۇقىق بۇزۋشىلىقتاردى تالداۋ جانە ستاتيستيكالىق مالىمەتتەردى سارالاۋ بارىسىندا 2016 جىلدىڭ 1 قاڭتارىنان باستاپ، بارلىعى 44 (2015 جىلى -65) قىلمىس تىركەلگەندىگىن، ال قر قك-نىڭ 120 بابىنىڭ 1 بولىگى بويىنشا 3 قىلمىس، قر قك-نىڭ 107 بابىنىڭ 1 بولىگى بويىنشا 1 قىلمىس سوتقا دەيىنگى تەرگەپ تەكسەرۋ امالدارى ٴجۇرىپ جاتقاندىعىن تىلگە تيەك ەتتى. جالپى ايەلدەرگە قاتىستى جاسالعان قىلمىستار وتباسىنداعى جانجالدار مەن ەر- ازاماتتاردىڭ ماسكۇنەمدىككە سالىنۋ، قىزعانشاقتىق پەن جۇمىسسىزدىقتان ورىن الاتىندىعىن باسا ايتىپ، زورلىق- زومبىلىققا ۇشىراعان ايەلدەرگە پسيحولوگيالىق كومەك بەرەتىن اۋداندا 7 پسيحولوگقا، سونداي-اق، اۋداندىق ەمحانادا “جاستار دەنساۋلىعىن قورعاۋ ورتالىعىندا” 7-91-34 ٴنومىرلى سەنىم تەلەفونى جۇمىس جاسايتىن بولعاندىقتان، سوعان جۇگىنۋگە بولاتىندىعىن جەتكىزدى. ٴماجىلىس بارىسىندا “بالالار مەن جاسوسپىرىمدەردىڭ دەنساۋلىعىن نىعايتۋ، بوس ۋاقىتتارىن ٴتيىمدى پايدالانۋ ماقساتىندا جاستاردى سپورت مەكتەپتەرىنە تارتۋ شارالارى جايىندا” اۋدان اكىمدىگى دەنە شىنىقتىرۋ جانە سپورت ٴبولىمىنىڭ باسشىسى ٴا.وماروۆ، “قازاقستان جاڭا جاھاندىق احۋالدا: ٴوسىم، رەفورمالار، دامۋ” اتتى جولداۋىن ىسكە اسىرۋعا ايەلدەردىڭ قاتىسۋ بەلسەندىلىگى تۋرالى” اۋدان اكىمدىگى ىشكى ساياسات ٴبولىمىنىڭ باسشىسى مماحامبەتوۆ حابارلاما جاسادى. كۇن تارتىبىندە قارالعان ماسەلەلەر جان -جاقتى تالقىلاندى، ٴتيىستى قاۋلى قابىلداندى.

ٴوز ٴتىلشىمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي