BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالعىندار ماز-مەيرام بولدى

تاۋەلسىزدىكتىڭ 25 جىلدىعى شەڭبەرىندە “25 قايىرىمدى ٴىس: سابيلەرگە تۋعان ەل شۋاعى” اتتى قايىرىمدىلىق اكسياسى حالىقارالىق بالالاردى قورعاۋ كۇنىنە وراي “ەراسىل” بالالار باقشاسىندا ٴوتتى. شارانى باقشا مەڭگەرۋشىسى ق.وحاشەۆا اشىپ، بالالاردى قورعاۋ كۇنىنىڭ ماڭىزىنا توقتالىپ، جاس ورەندەرگە جاقسىلىقتار تىلەدى. ودان سوڭ ٴسوز العان جالعىزتوبە اۋىلدىق وكرۋگىنىڭ اكىمى س. مەدەۋبەكوۆ، ارداگەر ۇستازدار ا. مامىراليەۆ، ج.قازىبايەۆتار تاۋەلسىز ەلىمىزدە بالالارعا جاسالىپ جاتقان قامقورلىقتاردى ٴسوز ەتە وتىرىپ، وزدەرىنىڭ جۇرەكجاردى لەبىزدەرىن ٴبىلدىردى. كەزەك ٴان مەن بيگە كەلدى. “ەركەتاي” توبى “ تەڭىزشىلەر”، “ ايگولەك” توبى “تاجىك”، “ ماداگاسكار” بيلەرىن، “ق ۇلىنشاق” توبىنىڭ مۇشەسى ك. ەرعالي يسپان ٴبيىن بيلەدى. ە. مىرزابايەۆ “اق مامام”، ا. ديداربەك “بالدىرعان” اندەرىن تامىلجىتا ورىندادى. اكسيا اياسىندا “قوش بول، سۇيىكتى بالاباقشام!” اتتى ەرتەڭگىلىك ٴوتىپ، دايارلىق توبىنىڭ 15 ورەنى باقشامەن قوشتاستى. تاربيەشىلەر د.ورىنبايەۆا، ج.بايشەكيەۆا جانە گ. ۇمبەتاليەۆالار تاربيەلەگەن بالعىندار “قۋانىش” ٴانىن حورمەن ورىنداپ قانا قويماي، قازاق، ورىس، اعىلشىن تىلدەرىندە تاۋەلسىزدىك، وتان، بالاباقشا، بالالىق شاق تۋرالى تاقپاقتار ايتىپ، جىرلاردى مانەرىنە كەلتىرىپ وقىدى.قوناققا كەلگەن گۇلدەر حانشايىمىنىڭ سىيلىعىن قابىل العان بالاقايلار تاقپاقتار ايتىپ، ماراپاتقا يە بولدى. “ساياحاتشى دارا مەن ديەگو” اتتى كورىنىس كورسەتىلدى. بالالاردىڭ مەرەيىن وسىرگەن مەرەكە سوڭىندا بالعىندارعا ٴبالمۇزداق، تاتتىلەر تاراتىلدى. “قوش بول، بالاباقشا!” ٴانى شىرقالدى.

ٴوز ٴتىلشىمىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي