BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتادان دارىعان تەكتى ونەر («سولتۇستىك قازاقستان» گازەتى)

فوتو: ашық дереккөзден

قازاق حالقىنىڭ «ونەرلىدەن ونەگە ال، تالانتتىدان ٴتالىم ال» دەۋىنىڭ ٴمانىسى تەرەڭدە جاتىر. ونەر ون ىسپەن تەڭ، ونەرپاز ون كىسىمەن تەڭ دەگەندى دە ەستىپ جاتامىز. كورەرمەن وسىنداي جوعارى باعا بەرگەن كيەلى ونەردىڭ قۇدىرەتى دە كەز كەلگەن ادامعا بەرىلە قويماسى انىق.

الايدا، جاس تا بولسا، ونەردىڭ قىر-سىرىنا تەرەڭ ٴۇڭىلىپ، قاسيەتىن ۇعىنىپ، ونى باعالاپ جۇرگەن تالانتتى جاستارىمىز از ەمەس. سولاردىڭ ٴبىرى – ەسىل اۋدانىنداعى ورنەك اۋىلىنىڭ تۋماسى، وبلىس ورتالىعىنداعى ونەر كوللەدجىنىڭ ٴتورتىنشى كۋرس ستۋدەنتى ٴادىلحان تىلەۋبايمەن سۇحباتىمىزدى نازارلارىڭىزعا ۇسىنىپ وتىرمىز، دەپ جازادى «سولتۇستىك قازاقستان» گازەتى.

– ونەر كەز كەلگەن ادامعا داري بەرمەيتىن قاسيەت قوي. وسى جولدى تاڭداۋىڭىزدىڭ ٴبىر سەبەبى بار بولار؟

– ارينە. ونەر ماعان اتامنان دارىعان بولار دەپ ويلايمىن. ويتكەنى، ول جاس كەزىندە تالاي جيىنداردا دومبىرامەن ٴان شىرقايتىن. اعامنىڭ دا ونەرگە جاقىندىعى بار. الايدا، ول باسقا جولدى تاڭداپ، الماتىعا وقۋعا ٴتۇستى. بۇگىندە قۇقىق قورعاۋ ورگاندارىندا قىزمەت ەتۋدە. ەكەۋىمىز كىشكەنتايىمىزدان اتامنىڭ اندەرى جازىلعان ٴۇنتاسپالاردى تىڭداپ وستىك. سودان دا بولار، دومبىرا شەرتىپ، ٴان ايتۋعا دەگەن قىزىعۋشىلىعىم وياندى. ال مۋزىكا ٴپانىنىڭ ٴمۇعالىمى زامزاگۇل راحيموۆا ونەرگە دەگەن قۇشتارلىعىمدى بايقاپ، ونى جەتىلدىرۋگە كومەكتەسىپ، بىلگەندەرىن ۇيرەتۋدەن ايانبادى. تومەنگى سىنىپتاردان باستاپ اۋداندىق، وبلىستىق دەڭگەيدەگى ٴتۇرلى بايقاۋلارعا قاتىسا باستادىم.

– ەڭ العاش قاتىسقان بايقاۋ ەسىڭىزدە مە؟

– ٴيا، ەسىمدە. ورنەك ورتا مەكتەبىندە ەكىنشى سىنىپتا وقىپ جۇرگەن كەزىم. ٴ“انشى. تەرمەشى. جىرشى” اتتى سايىستىڭ اۋداندىق كەزەڭىندە جەڭىمپاز اتاندىم. وبلىستىق سايىستا تەرمە ورىنداپ، “كورەرمەن كوزايىمى” اتالىمى بويىنشا ماراپاتتالدىم. بۇل، ارينە، قولىنا دومبىرا الىپ، ساحناعا شىققان جاس بالا ٴۇشىن ۇلكەن جەتىستىك بولدى. وسىدان كەيىن ونەرىمدى شىڭداپ، بۇدان دا بيىك ساحنالاردى باعىندىرۋعا بەل بۋدىم. وسىلايشا، ٴتورتىنشى سىنىپتا “تاڭشولپان” وبلىستىق فەستيۆالىنە قاتىسۋ مۇمكىندىگىنە يە بولدىم. ودان كەيىن “ەسىل ٴوڭىرىنىڭ جۇلدىزدارى” بايقاۋىنىڭ وبلىستىق كەزەڭىندە ٴبىرىنشى ورىندى يەلەندىم. مەكتەپتى تامامداعان سوڭ، وبلىس ورتالىعىنداعى ونەر كوللەدجىنە “ەسترادالىق ٴان سالۋ” ماماندىعى بويىنشا وقۋعا ٴتۇستىم. ۇستازىم مۇرات ىبىرايەۆتىڭ ۇيرەتكەنى كوپ. بۇل ٴبىلىم ورداسىنداعى بايقاۋلار مەن ٴۇشىن ٴۇشىنشى كۋرستان باستالدى. بىلتىر الماتى قالاسىندا قاۋكەن كەنجەتايەۆ جانە شابال بەيسەكوۆا اتىنداعى حالىقارالىق بايقاۋعا، استانا قالاسىنداعى رەسپۋبليكالىق كونكۋرسقا قاتىسىپ، ديپلومانت اتاندىم. پەتروپاۆل قالاسىندا وتكەن حiii ۇلتتىق دەلفيي ويىندارىندا كۇمىس جۇلدە بۇيىردى.

– اۋدانداردا ۇيىمداستىرعان قايىرىمدىلىق كەشتەرگە قاتىسقانىڭىزدى كوردىك. وسى شارالار تۋرالى ايتىپ بەرىڭىزشى.

– توبىمىزدا الىبەك زابەنوۆ، نۇرلان قامزين، جانات مۇحامەدجانوۆ، تامەرلان ساحاتوۆ، فارحات تاستامبەكوۆ، مەيرامبەك جانە نۇربولات وسپانوۆتار، ميراس شورمانبايەۆ سەكىلدى ٴبىرقاتار ونەرلى جىگىتتەر بار. ٴبىرىمىز اسپاپتا ويناساق، كەلەسىمىز ٴان سالامىز. بىلتىر تامىز ايىندا شال اقىن اۋدانىنداعى سەرگەەۆكا قالاسىنا بارىپ، تەگىن كونسەرت بەردىك. كونسەرتىمىز ويداعىداي ٴوتىپ، كورەرمەندەر جىلى قارسى الدى. وسىدان كەيىن اقپان ايىندا جاستار باستامالارى ورتالىعىنىڭ، سەرگەەۆكاداعى مادەنيەت ٴۇيىنىڭ قولداۋىمەن العاشقى قايىرىمدىلىق كەشىمىزدى وتكىزدىك. كەشكە ۇستازىم مۇرات ىبىرايەۆ پەن م.قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى، ٴانشى قىز ەركەجان قىدىبەك قاتىسىپ، قولداۋ جاسادى. جينالعان قارجىنى سول اۋدانداعى كومەككە مۇقتاج جانداردىڭ قاجەتىنە جۇمسادىق. مادەنيەت ٴۇيىنىڭ قولداۋ كورسەتكەنىنە العىس بىلدىرەمىز. كەلەسى كەشىمىزدى الداعى ۋاقىتتا قىزىلجار اۋدانىنداعى بەسكول اۋىلىندا وتكىزبەكپىز. سۇرانىس بولسا، كەز كەلگەن اۋدانعا بارىپ، قايىرىمدىلىق كەشتەرىن وتكىزۋگە دايىنبىز.

– بولاشاققا قانداي جوسپارلارىڭىز بار؟

– بيىل، اللا جازسا، ونەر كوللەدجىن تامامداپ، ديپلومىمدى قولىما الامىن. ٴبىراق ونەرىمدى ٴارى قاراي شىڭداعىم كەلەدى. ونەردىڭ قىر-سىرىن جەتىك بىلەتىن اعا-اپالارىمىزدان ٴدارىس السام دەيمىن. سول ٴۇشىن الماتى قالاسىنداعى ت.جۇرگەنوۆ اتىنداعى قازاق ۇلتتىق ونەر اكادەمياسىنا تۇسسەم دەپ ارماندايمىن. ونى اياقتاعان سوڭ، پەتروپاۆل قالاسىنا قايتىپ كەلىپ، دارىندى جاستار تاربيەلەسەم دەگەن دە ويىم بار.

– سۇحباتىڭىزعا راحمەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي