BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

امەريكانى باعىندىرعىسى كەلەتىن قايرات ٴاشىم («اق جول» گازەتى)

فوتو: әлеуметтік желіден алынған

وسىدان ەكى اي بۇرىن brif research group اگەنتتىگى جاستاردىڭ ومىرلىك ۇستانىمى مەن كوزقاراسىنا قاتىستى زەرتتەۋ جۇرگىزگەندە قازاقستاندىق جاستاردىڭ باسىم بولىگى قاراپايىم جانە كونسەرۆاتيۆتىك سيپاتتاعى ومىرلىك ماقساتتارعا ۇمتىلادى دەگەن بايلام جاساعان ەدى. ساۋالناماعا تارتىلعانداردىڭ جاۋابىنا قاراي ولاردىڭ جۇمىستى – بۇل تەك اقشا تابۋ كوزى دەپ ەسەپتەيتىنى، كوپ جاعدايدا كەيىنگى تولقىننىڭ ەڭبەكتەنگىسى كەلمەيتىنى، ٴبىراق جاقسى تابىس تابۋدى كوكسەيتىندەرى ايتىلعان. سونىمەن قاتار وسكەلەڭ ۇرپاق وقىپ، ٴبىلىم الۋدى ۇناتپايدى جانە كوپشىلىگى بولاشاق ماماندىعىن دۇرىس تاڭدامايدى دەيتىندەر دە جوق ەمەس، دەپ جازادى «اق جول» گازەتى.

مەنىڭشە، بۇل – ٴبىرجاقتى جاسالعان تۇجىرىم. سەبەبى ەلىمىزدە العا قويعان ماقساتى ايقىن، ٴبىلىم قۋعان ارمانشىل جەتكىنشەكتەر كوپ. ٴبىر عانا جامبىل ٴوڭىرىنىڭ وزىندە جىل سايىن 40-قا جۋىق جاس دارىن حالىقارالىق ٴبىلىم باسەكەلەرىندە ۇزدىك شىعىپ، ولجالى ورالادى. ٴبىرازى بۇگىندە الەمنىڭ وزىق وقۋ ورىندارىندا جوعارى ٴبىلىم الىپ، ەڭبەك ەتىپ ٴجۇر. سونىڭ ٴبىرى – اقش-تا ماسساچۋسەتس تەحنولوگيالىق ينستيتۋتىندا وقىپ، ٴقازىر سان-فرانسيسكو قالاسىندا جۇمىس ىستەپ جاتقان تارازداعى دارىندى ۇلدارعا ارنالعان «ٴبىلىم-يننوۆاسيا» ليسەيىنىڭ تۇلەگى قايرات ٴاشىم. جاقىندا قايراتپەن حابارلاسىپ، سۇحباتتاسۋدىڭ ٴساتى ٴتۇستى.

– قايرات، مەكتەپتە وقىپ جۇرگەنىڭدە-اق الەمنىڭ بىرنەشە قالالارىن ارالاپ كوردىڭ. قاتەلەسپەسەم، 2012 جىلى اقش-تىڭ ۆاشينگتون قالاسىنا بارىپ، 78 مەملەكەتتىڭ ۇزدىك وقۋشىلارى باق سىناعان 44-حالىقارالىق حيميا وليمپياداسىنا قاتىسىپ، جەڭىمپاز اتاندىڭ. وسى ەلدە جوعارى ٴبىلىم الدىڭ، ەندى ەڭبەك ەتىپ ٴجۇرسىڭ. شەتەلدە وقۋ بالا كۇنگى ارمانىڭ با ەدى؟
– تاراز قالاسىندا «ٴبىلىم-يننوۆاسيا» ليسەيىندە وقىپ جۇرگەنىمىزدە ٴبىز كوپتەگەن حالىقارالىق ٴبىلىم باسەكەلەرىنە قاتىساتىنبىز. سونىڭ ارقاسىندا الەمنىڭ ٴبىرقاتار ەلدەرىن ارالاپ كورۋگە مۇمكىندىك تۋدى. ٴبىراق شەتەلگە شىعۋ ٴۇشىن وقۋعا اقش-قا كەتكەن جوقپىن. وزدەرىڭىزگە بەلگىلى، الەمدە ٴىت سالاسى بويىنشا تەرەڭ ٴبىلىم بەرەتىن امەريكا قۇراما شتاتتارىنىڭ ماسساچۋسەتس تەحنولوگيالىق ينستيتۋتىنا تەڭ كەلەتىن وقۋ ورنى جوق. سوندىقتان تاڭداۋىم وسى ينستيتۋتقا ٴتۇستى.

– ٴقازىر قاي قالادا تۇراسىڭ، وقۋىڭدى اياقتاعان سوڭ جۇمىسقا ورنالاسۋ قيىن بولعان جوق پا؟
– وقۋىمدى اياقتاعان سوڭ، ۇلىبريتانيانىڭ لوندون قالاسىندا «safari mobile» دەگەن كومپانيادا 3 اي جۇمىس ىستەدىم. ٴقازىر اقش-تىڭ سان-فرانسيسكو قالاسىنداعى «yelp.com» كومپانياسىنىڭ ينجەنەر پروگرامميسىمىن. وسى قالادا تۇرىپ جاتىرمىن. مۇنداعى جۇمىسىم 2017 جىلدىڭ قىركۇيەك ايىندا باستالدى.

– كومپانياداعى نەگىزگى مىندەتىڭ تۋرالى ايتىپ بەرسەڭ…
– مەن كومپانيانىڭ تولەم جاسايتىن جۇيەلەرىنە جاۋاپتىمىن. مىسالى، ساتىپ الۋشى ٴبىزدىڭ سايتتى قولدانىپ، تاماققا جانە باسقا دا قىزمەت تۇرلەرىنە تاپسىرىس جاسادى دەلىك. ەلەكتروندى تۇردە ولاردىڭ تولەم جاساۋعا قولدانعان بانك كارتاسىنان اقشانى اۋدارۋعا قاجەتتى جۇيە جۇمىس ىستەيدى. مىندەتىم – وسى جۇيەنىڭ دۇرىس جۇمىس ىستەۋىن باقىلاۋدا ۇستاۋ. وسى كومپانيادا جۇمىس ىستەپ جاتقانىما 8 ايدان استى.

– شەتەلدە، ياعني اقش-تا جاس مامانداردى قالاي باعالايدى ەكەن؟
– اقش-تا جاس ماماندارعا سۇرانىس كوپ. اسىرەسە ٴىت سالاسىندا. اقپاراتتىق تەحنولوگيا – الەمدە وتە ۇلكەن جانە تەز دامىپ جاتقان سالالاردىڭ ٴبىرى. بۇل ەلدە عىلىممەن اينالىساتىن، تەحنولوگيانى جەتىك مەڭگەرگەن ستۋدەنتتەرگە 3 جىلعا دەيىن جۇمىس ىستەپ، تاجىريبە جيناۋعا ۇلكەن مۇمكىندىك بەرىلەدى. مەن ينستيتۋتتا وقىپ جۇرگەنىمدە-اق تەحنولوگيالىق لابوراتوريالاردا جۇمىس ىستەدىم. اتاپ ايتقاندا، ٴmit-تىڭ مەديالابوراتورياسىندا (media lab) كوپتەگەن زەرتتەۋ جۇمىستارىن جۇرگىزدىم. ماقساتىم – وسى سالانى باعىندىرۋ. سوعان جەتسەم دەيمىن.

– ٴبىزدىڭ ەلدە جاس مامانعا اتا-اناسى قولداۋ كورسەتپەسە، باستاپقىدا تاپقان تابىسى جەتپەي جاتادى، شەتەلدە ٴومىر ٴسۇرۋ قيىن ەمەس پە؟
– اقش-تا بىلىكتى (كۆاليفيسيروۆاننىي) ماماندارعا سۇرانىس جوعارى بولعان سوڭ، جالاقىنى وتە جاقسى تولەيدى. سوندىقتان ٴوز تاجىريبەمنەن ٴومىر ٴسۇرۋ قيىن دەپ ايتا المايمىن.

– بىلىكتى مامان رەتىندە ٴوزىڭدى مويىنداتقان كەزدە ەلگە كەلىپ قىزمەت ەتۋ جوسپاردا بار شىعار؟
– ٴيا، ارينە. اقش-تا پايدالى جانە ماڭىزدى تاجىريبە جيناپ، ەلگە ورالىپ، سول تاجىريبەمدى قازاقستاندا ەنگىزىپ، قىزمەت ەتۋ جوسپاردا بار.

– تىلەگىڭە جەت!

ارداق ۇسەيىنوۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي