BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اعزالاردىڭ ىشكى جاعدايىنان «حابار» بەرەدى («ورال ٴوڭىرى»)

فوتو: «Орал өңірі» газеті

وبلىس تۇرعىندارى اراسىندا كەزدەسەتىن تەرى پسوريازى اۋرۋى «جاسارىپ» كەلەدى. بۇگىندە 665 باتىسقازاقستاندىق وسىنداي اۋرۋ كورسەتكىشىمەن ەسەپكە الىنعان. ولاردىڭ ىشىندە ٴبىر جاستاعى ٴسابي دە بار. وبلىستىق تەرى-ۆەنەرولوگيالىق ديسپانسەرىنىڭ دارىگەرلەرى تەرى پسوريازىنان تولىقتاي قۇتىلۋدىڭ ازىرگە مۇمكىن ەمەستىگىن ايتادى، دەپ جازادى «ورال ٴوڭىرى» گازەتى.

ەل-جۇرتتىڭ نازارىن سوزىلمالى، قايتالانبالى دەرتكە اۋدارتۋ ماقساتىندا ديسپانسەردە «اشىق ەسىك» كۇندەرى وتكىزىلەدى. ونداي شارا بارىسىندا كەز كەلگەن ادام الدىن الا تىركەۋگە تۇرماي-اق، تەگىن ٴارى ٴاتى-جونىن ايتپاي، جاسىرىن تۇردە تەرى جانە جىنىستىق جولمەن جۇعاتىن اۋرۋلارعا، اقتق-جۇق-پاسىنا تەكسەرىلە الادى. وسىنىڭ بارلىعى تۇرعىنداردىڭ ارنايى مەديسينالىق كومەككە قولجەتىمدىلىگىن ارتتىرۋ، سالاۋاتتى ٴومىر سالتىن قالىپتاستىرۋ، اۋرۋلاردىڭ الدىن الۋ، ادامداردىڭ ٴوز دەنساۋلىقتارىنا دەگەن جاۋاپكەرشىلىگىن ارتتىرۋعا باعىتتالعان.

تەرى-ۆەنەرولوگيالىق ديسپانسەر مامانداندىرىلعان ەمدەۋ-پروفيلاكتيكالىق مەكەمەسى رەتىندە تۇرعىندارعا تەرى ارۋلارىنا قاتىستى كەڭەستىك-دياگنوستيكالىق جانە ەمدەۋ كومەگىن كورسەتەدى. سونىمەن قاتار جۇقپالى تەرى جانە جىنىستىق جولمەن بەرىلەتىن اۋرۋلاردىڭ شىعۋىنىڭ جانە تارالۋىنىڭ الدىن الۋعا باعىتتالعان شارالاردى جۇرگىزەدى. ديسپانسەردە نەگىزىنەن پسوريازعا، ەكزەماعا، ٴتۇرلى باكتەريالاردىڭ جۇقپالارىنا، ۆەنەرولوگيالىق اۋرۋلارعا تەكسەرەدى. ەمدەۋ مەكەمەسىنىڭ مالىمەتىنە سۇيەنسەك، بۇگىندە پسوريازبەن 282، ارتروپاتيالىق پسوريازبەن 106 ادام ەسەپتە تۇر. ماماندار سوڭعى جىلدارى تەرى پسوريازىنىڭ «جاسارىپ» كەتكەنىنە، ياعني جاس ادامدار اراسىندا جيىلەگەنىنە الاڭداۋلى. ادەتتە پسوريازدىڭ العاشقى بەلگىلەرى 16-25 جاستاعى جالىنداعان جاستاردا بىلىنەتىن بولسا، ٴقازىر پسورياتيكالىق تۇيىنشەكتەر تۋعانىنا بىرنەشە اپتا بولعان كەيبىر سابيلەردە كەزدەسەدى. مەديسينا بۇل دەرتتىڭ الدىندا ٴالى وسالداۋ، ويتكەنى پسوريازدىڭ دامۋ سەبەپتەرى ناقتى اشىلماعان.

– پسورياز اۋرىنىڭ دامۋىنا قاتىستى مەديسينا عىلىمىندا بىرنەشە تەوريا بار. دەرتتىڭ ٴتۇپ-تامىرى اتا-انا اعزاسىنىڭ دۇرىس بولماۋىنان، يممۋندىق جۇيەنىڭ السىزدىگىنەن، زات الماسۋ ۇردىستەرىنىڭ بۇزىلۋىنان، تۇقىم قۋالاۋشىلىقتان بولۋى ىقتيمال. ٴسوزدىڭ رەتى كەلگەندە ايتا كەتسەك، نەگىزى گەندىك بەيىمدىلىك بۇل اۋرۋدىڭ دامۋىنا تۇرتكى بولادى. تەرى پسوريازى كوبىنە ۇرپاقتان ۇرپاققا بەرىلەدى. ەگەر اتا-انانىڭ بىرەۋى اۋىرسا، وندا بالاسىنىڭ اۋرۋ ىقتيمالدىلىعى 10 پايىزدى، ال اكە-شەشەسىنىڭ ەكەۋى دە اۋىرسا، وندا اۋرۋ ىقتيمالدىلىعى 40 پايىزدى قۇرايدى. بۇل دەرتتىڭ باستاۋ الۋىنا كۇيزەلىس تۇرتكى بولادى. بۇگىندە مەديسينا عىلىمىندا كۇيزەلىس پەن تەرى اۋرۋلارى اراسىندا بايلانىس بارى انىقتالعان. دەرماتولوگيالىق ەمحانالاردا ەمدەلۋشىلەردىڭ 80 پايىزى تەرى اۋرۋلارىنان جۇيكە اۋرۋلارى نەگىزىندە ەمدەلەدى. قاتتى كۇيزەلىس كەزىندە اعزاداعى قابىنۋدى قوزدىراتىن گورموندار دەڭگەيى كوتەرىلىپ، تەرى وزگەرىستەرىنە سوقتىرۋى ىقتيمال، – دەدى وبلىستىق تەرى-ۆەنەرولوگيالىق ديسپانسەردىڭ ديرەكتورى ەكاتەرينا ولحوۆسكايا.

مامانداردىڭ ايتۋىنشا، قازىرگى ۋاقىتتا اتوپيالىق پسورياز كەڭ تاراپ وتىر. بۇل – اسا اۋىر ٴارى تەرىنىڭ اللەرگيالىق زاقىمدانۋىمەن ەرەكشەلەنەتىن دەرت. ستاتيستيكالىق مالىمەتتەر كورسەتكەندەي، اتوپيالىق دەرماتيت اۋرۋىنىڭ تارالۋى 12 پايىزدان اسادى نەمەسە 100 ادامنىڭ ٴ12-سى وسى اۋرۋمەن اۋىرادى. سوڭعى جىلدارداعى بۇل دەرتكە قاتىستى ىزدەنىستەرگە قاراماستان، اتوپيالىق دەرماتيتتى ەمدەۋ كۇردەلى ماسەلە، ول دارىگەردىڭ، ناۋقاستىڭ جانە ونىڭ وتباسىنىڭ بىرلەسكەن جۇمىسىن قاجەت ەتەدى. اۋرۋدىڭ بەلگىلەرى كوپ جاعدايدا سابيلەردە 6-12 ايلىق شاماسىندا بايقالادى، ال 1-5 جاس ارالىعىنداعى بالالاردا سيرەكتەۋ كەزدەسەدى.

ە. ولحوۆسكايانىڭ ايتۋىنشا، تەرى اۋرۋلارى – اۋرۋ ادامنىڭ ىشكى اعزالارى جاع-دايىنىڭ ايناسى. سوندىقتان تەرىدەگى داقتاردىڭ، ويىق جارالاردىڭ، بورتكەندەردىڭ نەلىكتەن پايدا بولاتىنىن ٴتۇسىنۋ ٴۇشىن، ٴبىرىنشى كەزەكتە، ادام اعزاسىنىڭ باستى تازارتقىشتارى بۇيرەك پەن باۋىردى تەكسەرتكەن دۇرىس.

– اۋىرعان جاعدايدا ٴوز بەتىمەن ەمدەلىپ، اۋرۋدى اسقىندىرىپ جىبەرمەي، مىندەتتى تۇردە ماماننىڭ كەڭەسىنە جۇگىنۋ كەرەك. ەكىنشىدەن، دەنە شىنىقتىرۋ جاتتىعۋلارىن جاساعان ٴجون. سپورت تەرىس ويلاردان ارىلتادى. مەدياسيامەن اينالىسۋدىڭ پايداسى كوپ. ۇشىنشىدەن، باۋىرلارمەن، تۋماتۋىسقاندارمەن ٴجيى ارالاسىپ، جۇيكەگە سالماق تۇسكەندە جاقىن ادامداردىڭ قولداۋىن سەزىنگەننىڭ كومەگى بار. سونداي-اق پسيحوتەراپەۆت نەمەسە پسيحولوگ ماماننىڭ قىزمەتىنە جۇگىنۋگە بولادى. ولار پسيحولوگيالىق اۋىر جاعدايدان شىعۋعا كومەكتەسەدى، – دەدى ەكاتەرينا ولحوۆسكايا.

ديرەكتوردىڭ سوزىنە سۇيەنسەك، ديسپانسەردە بۇدان باسقا جىنىستىق جولمەن بەرىلەتىن جۇقپالارعا قاتىستى كەڭەستىك-دياگنوستيكالىق جانە ەمدەۋ-پروفيلاكتيكالىق كومەك كورسەتىلەدى. سوڭعى بەس جىلدا وڭىردە مۇنداي اۋرۋلار كورسەتكىشى ازايىپ كەلەدى. 2016 جىلى ۆەنەرولوگيالىق اۋرۋدىڭ 554، بىلتىر 516 جاعدايى تىركەلگەن. جۇقپالى اۋرۋلاردى ەرتە كەزىندە انىقتاۋ، جاستار اراسىندا قاجەتسىز جۇكتىلىكتى بولدىرماۋ باعىتىندا جاستار دەنساۋلىق ورتالىقتارى جۇمىس ىستەيدى. وندا گينەكولوگ، دەرماتوۆەنەرولوگ، پسيحولوگ دارىگەرلەر قابىلدايدى. دەنساۋلىق ورتالىقتارى قالاداعى №4، 6 ەمحانالاردا، وبلىستىق سالاۋاتتى ٴومىر سالتىن قالىپتاستىرۋ ورتالىعىندا، زەلەنوۆ اۋدانىنىڭ ورتالىعى پەرەمەتنىي اۋىلىندا ورنالاسقان.

ودان باسقا وبلىستىق اقتقنىڭ الدىن الۋ جانە وعان قارسى كۇرەس جونىندەگى ورتالىعى جانىندا دوستىق كابينەتى جۇمىس ىستەيدى. وندا دەرماتوۆەنەرولوگتىڭ كەڭەسىن الۋعا جانە جىنىستىق جولمەن بەرىلەتىن اۋرۋلارعا تەكسەرىلۋگە بولادى. وڭىردە جىنىستىق جانە تەرىنىڭ پارازيتتىك اۋرۋلارى بويىنشا تۇرعىندار اراسىندا سانيتارلىق-اعارتۋشىلىق جۇمىستارى كەڭىنەن جۇرگىزىلۋدە.

گۇلبارشىن اجىگەرەەۆا


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي