استانا: 
1197 
0
جىل سوڭىنان باستاپ زىريان اۋدانى ٴوزىن-وزى تولىقتاي سۇتپەن قامتاماسىز ەتپەك. بيىلعى جىلى 400 باسقا ارنالعان ٴسۇت فەرماسىن ىسكە قوسۋدى جوسپارلاعان «بورودينو» شارۋا قوجالىعى كەلەر جىلى تاعى 200 باسقا ارنالعا فەرما اشپاقشى - دەپ حابارلايدى baq.kz.
شقو اقپاراتتىق ورتالىعىنىڭ مالىمەتىنشە، ٴقازىردىڭ وزىندە قوجالىقتا 320 باس ساۋمال سيىر بار. كۇنىنە 4 توننا ٴسۇتتى وندىرىسكە تاپسىرىپ وتىرعان قوجالىق ٴسۇت فەرماسىن ىسكە قوسقاننان كەيىن ٴونىم كولەمىن 10 تونناعا دەيىن ۇلعايتپاق.
– جاڭا ٴسۇت فەرماسىنا رەسەيدەن اكەلىنگەن زاماناۋي قۇرالدار ورناتىلۋدا. كۇن سايىن ٴسۇتتى ٴبىق ٴوزىمىزىدىڭ اۋداندا ورنالاسقان «ۆوستوك-مولوكو» جشس فيليالىنا تاپسىرىپ وتىرامىز. ەگەر الداعى ۋاقىتتا شارۋاشىلىق تولىق قۋاتىنا ەنگەن جاعدايدا، ٴبىز اۋداندى دا ٴوزىمىزدىڭ ٴسۇت ونىمدەرىمىزبەن قامتاماسىز ەتە الامىز، – دەدى «بورودينو» شق باسشىسى قايرات بوكەجانوۆ.
قوجالىقتا بۇگىندە 80 ادام جۇمىس ىستەۋدە. فەرماسى ىسكە قوسىلعاننان كەيىن جۇمىسسىشىلاردىڭ سانىن 150-گە دەيىن جەتكىزۋ جوسپارلانعان. سونداي-اق، جاڭا فەرماعا ۆەتەرينار دارىگەرلەر مەن جاس ماماندار قاجەت. ال جەرگىلىكتى اكىمدىك كەلۋشى ماماناردى باسپانامەن قامتاماسىز ەتەتىندىكتەرىن جەتكىزدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0