BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جىلىوي اۋدانىندا جىلىجاي اشىلدى

اتىراۋ وبلىسىنىڭ جىلىوي اۋدانىندا اۋماعى 2 گەكتار بولاتىن جىلىجاي اشىلدى. جىلىجايدىڭ وندىرىستىك قۋاتى جىلىنا 1100 توننا كوكونىس ونىمدەرىن جيناۋعا مۇمكىندىك بەرەدى، دەپ حابارلايدى baq.kz اقپارات اگەنتتىگى.

جاڭا نىساندا قۇلسارى قالاسىنىڭ تۇرعىندارى ٴۇشىن 30 جۇمىس ورنى قاراستىرىلعان. جىلىجايدىڭ جالپى اۋماعى 2 گەكتاردى قۇرايدى.

مامانداردى گوللانديانىڭ تاجىريبەلى اگرونومدارى مەن تەحنولوگتارى دايىندادى. زاماناۋي قۇرىلعىلارمەن تولىق جابدىقتالعان جىلىجاي تامشىلاتىپ سۋارۋ ٴادىسىن قولدانادى. جىلىجايعا ارنالعان جابدىقتى ساتىپ الۋ تشو-نىڭ مەردىگەر ۇيىمدارىنىڭ قولداۋىمەن جۇزەگە اسقان، وعان 2 ملن ەۆرودان استام قارجى ٴبولىندى. ال قۇرىلىستىڭ ىسكە اسۋىن كاسىپكەر جەكە قاراجات ەسەبىنەن قارجىلاندىردى. العاشقى ٴونىم بىرنەشە ايدان كەيىن جەمىسىن بەرە باستايدى.

«جىلىجايدا وسىرىلگەن كوكونىستەردىڭ جاقسى ساپاسى جاڭا جابدىقتاردى، كوشەتتەرگە قوسىمشا كۇتىم جاساۋدى، سۋدى تازارتۋ جۇيەسىن، تامشىلاتىپ سۋارۋدى كەپىلدەندىرەدى. ٴبىزدىڭ باستى ماقساتىمىز – جەرگىلىكتى ونىمدەردىڭ حالىققا قولجەتىمدىلىگىن قامتاماسىز ەتۋ»، - دەدى «اتىراۋ – ساۋدا» جشس ديرەكتورى ٴالىمجان بايجىگىتوۆ.

وبلىس باسشىسى نۇرلان نوعايەۆ جىلىوي اۋدانىنا كەلگەن ٴىسساپارىندا جىلىجاي جۇمىسىمەن تانىستى. اكىم جاۋاپتى قىزمەتكەرلەرگە وڭىردەگى اۋىل شارۋاشىلىعىن دامىتۋ باعىتىندا ناقتى تاپسىرمالار بەردى.

سونداي-اق، اتىراۋ وبلىسىندا جىلىجاي اشقىسى كەلەتىن كاسىپكەرلەر جىل سايىن ٴوسىپ جاتىر. جاقىن ارادا ماحامبەت اۋدانىندا 10 گەكتار ونەركاسىپتىك جىلىجاي سالۋ جوسپارلانىپ وتىر، ول ٴۇشىن جەر ۋچاسكەسىن ٴبولۋ ينفراقۇرىلىم جۇمىستارى جۇرگىزىلۋدە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي