استانا: 
بۇل تۋرالى بۇگىن وكق-دا جەر كودەكسىنە ەنگىزىلگەن جاڭا وزگەرىستەرگە بايلانىستى ٴباسپاسوز كونفەرەنسياسىندا قر اشم جەر رەسۋرستارىن باسقارۋ كوميتەتى ٴتوراعاسىنىڭ ورىنباسارى ەركەبۇلان داۋىلبايەۆ مالىمدەدى، دەپ حابارلايدى baq.kz اقپارات اگەنتتىگى.
"كورسەتىلەتىن تارتىپپەن اۋىل شارۋاشىلىعىن جۇرگىزۋ ٴۇشىن جەر ۋچاسكەلەرى اكىمدىكپەن بەكىتىلگەن كونكۋرسقا قويىلاتىن جەرلەر تىزبەسىنە سايكەس بەرىلەدى. تىزبەنى اۋداننىڭ جەر قاتىناستارى جونىندەگى بولىمدەرى قالىپتاستىرىپ، مىندەتتى تۇردە قوعامدىق كەڭەستەرمەن جانە «اتامەكەن» ۇلتتىق كاسىپكەرلەر پالاتاسىمەن كەلىسىلىپ، اۋداننىڭ اتقارۋشى ورگانى بەكىتەدى. كونكۋرستىڭ ايقىندىلىعىن قامتاماسىز ەتۋ ٴۇشىن كونكۋرستىق كوميسسيانىڭ قۇرامىنا كوميسسيا مۇشەلەرىنىڭ كەمىندە 50%-ىن قۇرايتىن قوعامدىق كەڭەستەر مەن ۇيىمداردىڭ وكىلدەرىن قوسۋ كوزدەلگەن» - دەيدى ەركەبۇلان داۋىلبايەۆ.
ونىڭ ايتۋىنا قاراعاندا بۇل نورمالار جەر ٴبولۋ بارىسىندا جەرگىلىكتى تۇرعىنداردىڭ قوعامدىق پىكىرىن ەسكەرۋ ٴۇشىن ەنگىزىلەدى.
«سونىمەن بىرگە، كونكۋرستىڭ جاريالىلىعى مەن وعان بارلىق قاتىسۋشىلاردىڭ تەڭ قول جەتكىزۋىن قامتاماسىز ەتۋ ماقساتىندا ەندى جاڭا ٴتارتىپ بويىنشا كونكۋرس وتكىزىلەتىندىگى تۋرالى حابارلاندىرۋ بۇقارالىق اقپارات قۇرالدارىندا، اۋىل شارۋاشىلىعى مينيسترلىگى مەن اكىمدىكتەردىڭ رەسمي ينتەرنەت-رەسۋرستارىندا ورنالاستىرىلادى. سونىمەن قاتار، اتالعان حابارلاندىرۋ وزدەرىنىڭ رەسمي سايتتارى مەن اقپاراتتىق ستەندتەرىنە ورنالاستىرۋ ٴۇشىن اۋدان اكىمدىكتەرىنە جىبەرىلەدى» - دەدى اشم وكىلى.
ال كونكۋرسقا قاتىسۋشىلاردىڭ كونكۋرستىق ۇسىنىس بەرۋى كونكۋرسقا قاتىسۋ ٴۇشىن مىندەتتى شارت بولماق. ولاردان تومەندەگىدەي ۇسىنىس تالاپ ەتىلەدى.
- اۋىل شارۋاشىلىعى ٴوندىرىسىن جۇرگىزۋدىڭ بيزنەس-جوسپارىن;
- شارۋاشىلىق ىشىندەگى جەرگە ورنالاستىرۋ جوباسىن جاساۋ مەن يگەرۋ جونىندەگى مىندەتتەمەلەردى;
- جەرگىلىكتى حالىق ٴۇشىن جۇمىس ورىندارىن اشۋ بويىنشا مىندەتتەمەلەردى;
- ٴوڭىردىڭ ماماندانۋىنا سايكەس اۋىل شارۋاشىلىعى داقىلدارىنىڭ قۇرىلىمىن ٴارتاراپتاندىرۋ بويىنشا ينديكاتيۆتىك كورسەتكىشتەردى ورىنداۋ جونىندەگى مىندەتتەمەلەردى قامتيدى.
اتالعان تالاپتار بەرىلەتىن جەرلەردىڭ ٴتيىمدى جانە ۇتىمدى پايدالانىلۋىن قامتاماسىز ەتۋ ٴۇشىن قويىلادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2646 
0
ەرجان جاۋباي 
3000
0