استانا: 
1254 
0
ٴتۇرلى جاڭا تەحنولوگيالار ارقىلى بۇگىندە باۋ-باقشانى جايقالتىپ وتىرعان ازاماتتار از ەمەس. سونىڭ ىشىندە قارجى ماسەلەسىنىڭ شەشىمىن قازاقستانداعى بۇۇ-نىڭ «دامۋ» باعدارلاماسى اياسىندا ارنايى گرانت ارقىلى شەشىپ، شارۋاسىن جولعا قويعان تۇركىستاندىق كاسىپكەر الداعى ۋاقىتتا كوپتەگەن جوبالاردى ىسكە اسىرماق نيەتتە – دەپ حابارلايدى baq.kz ٴتىلشىسى تۇركىستان قالاسى اكىمىنىڭ ٴباسپاسوز قىزمەتىنە سىلتەمە جاساپ.
تاراتىپ ايتساق، تۇركىستان قالاسىنا قاراستى ورانعاي اۋىلىنداعى «بيوگەن» قوعامدىق قورىنىڭ مەنشىگىندەگى جەردە «كليماتتىڭ قۇرعاقشىلىعى جاعدايلارىندا «جاسىل» سۋ ۇنەمدەۋ تەحنولوگيالارىن ىلگەرىلەتۋ ماقساتىندا ۇساق شارۋا قوجالىقتارى كووپەراسياسىنىڭ وڭ تاجىريبەسىن كورسەتۋ» جوباسى جۇزەگە اسىرىلۋدا. اتالعان اۋىلدا 0،78 گا جەرگە تامشىلاتىپ جانە جاڭبىرلاتا سۋارۋدى پايدالانا وتىرىپ، 20 پارنيكتەن تۇراتىن يننوۆاسيالىق جۇيە ەنگىزىلگەن.
پارنيكتەردە بۇگىنگى تاڭدا قىزاناق پەن بۇرىش جايقالا ٴونىم بەرىپ تۇر. «جىلىنا ەكى رەت ٴونىم الامىز. وسى جوبا اياسىندا گرانتتى جەڭىپ الىپ، جۇمىسىمىزدى جىلدامداتۋدامىز. ٴقازىر العاشقى ٴونىم بىتۋگە تايادى. ەندى كوپ ۇزاماي كەلەسى ماۋسىمعا دايىندىق جاسايمىز. اۋىل شارۋاشىلىعىنداعى باقشا ونىمدەرىن وسىرۋدە وسىنداي گرانتتار بولىپ تۇرسا، كاسىپكەر شارۋالار ٴونىمدى مولىنان الادى دەپ ويلايمىن»، – دەيدى شارۋاسىن دوڭگەلەتىپ وتىرعان كاسىپكەر س.ماقاشەۆ. پارنيكتەردە قىزاناق پەن بۇرىشتىڭ ٴتۇرلى سورتتارى وسىرىلەدى.
ولاردىڭ دەنى جولعا ٴتوزىمدى تۇقىم تۇرلەرىنەن. باستىسى ەكولوگيالىق تازالىقتى ۇستاعان كاسىپكەر الداعى ۋاقىتتا وسىنداي تازا، ساپالى ونىمدەردىڭ ٴدامىن ەلىمىزدىڭ وزگە ايماقتارىنا كوبىرەك تاتتىرسام دەگەن نيەتتە.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0