BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

سقو-دا 5 ملن توننادان اسا استىق جينالدى

فوتو: интернеттен

الماتى، baq.kz. ٴوڭىر ديقاندارى قامباعا 5 ملن 300 مىڭ توننا استىق قۇيعان، ەندى مايلى داقىلداردى جيناپ جاتىر. بۇل تۋرالى 24 حابار تەلەارناسى حابارلادى.

بيىلعى ناۋقاننىڭ باسى قاتتى بولىپ، ارتى ٴتاتتى بولعان. ەگىن پىسكەن كەزدە جاڭبىر جاۋىپ، ارتىنان اۋا رايى اشىلىپتى. ىرىس ٴدانىن ىسىراپسىز جيناپ العانداردىڭ ٴبىرى – الەكساندر حيتروۆ، وبلىستاعى ەڭ جاس شارۋا. 26 جاستاعى جىگىت بيىل دا مول ٴونىم العانىن ايتادى.

«ٴبىر القاپتان 45 سەنتنەردەن استىق الدىق. وتكەن جىلى جەرگە كوپ قارجى قۇيدىق. بيدايدىڭ جاڭا سۇرىپتارىن ەكتىك. كەلەر جىلى مايلى داقىلدارعا باسىمدىق بەرەمىز. ونىڭ شىعىمدىلىعى دا، باعاسى دا جاقسى»، - دەدى شارۋاشىلىق باسشىسى الەكساندر حيتروۆ.

«بيداي بەرەكەلى»، – دەيدى ديقاندار. بيىل گەكتارىنان 19 سەنتنەر استىق الىنعان. كۇزگى جيىن-تەرىمگە 8 مىڭداي كومباين شىعىپ، جۇمىس ىستەگەن.

«استىقتى شارۋالار ساتىپ جاتىر. ويتكەنى بىلتىرعىعا قاراعاندا بيىل باعاسى جاقسى دەپ سانايمىز. مىسالى، ارپانىڭ باعاسى ساپاسىنا قاراي 45 مىڭ تەڭگەدەن باستالادى. ال بيدايدىڭ باعاسى 50 مىڭ تەڭگەدەن باستالادى»، - دەيدى وبلىستىق اۋىل شارۋاشىلىعى باسقارماسىنىڭ ٴبولىم باسشىسى قاتىران قارمانوۆ.

وڭىردە 58 ەلەۆاتور كۇنى-تۇنى جۇمىس ىستەپ تۇر. قازىرگى تاڭدا ولاردىڭ جارتىسى استىققا تولدى. وسىلايشا دالانى دۇبىرگە بولەگەن ديقاندار تاعى ٴبىر ەڭبەك مايدانىن ارتتا قالدىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي