BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شوكەەۆ وڭتۇستىكتەگى ماقتا القابىن ارالادى

ماقتاارال اۋدانىنا قازاقستان رەسپۋبليكاسى پرەمەر-مينيسترىنىڭ ورىنباسارى، اۋىل شارۋاشىلىعى ٴمينيسترى ٴومىرزاق شوكەەۆ پەن تۇركىستان وبلىسىنىڭ اكىمى جانسەيىت تۇيمەبايەۆ جۇمىس ساپارىمەن باردى. ماقتالى ولكەدەگى اۋىل شارۋاشىلىعى سالاسىنىڭ دامۋ بارىسىمەن تانىسقان مينيستر بىرنەشە نىساندى ارالادى، دەپ حابارلايدى ۆaq.kz اقپارات اگەنتتىگى.

ەڭ الدىمەن مينيستر دوستىق اۋىلدىق وكرۋگى، گۇلىستان اۋىلىنداعى «دارمون» شارۋا قوجالىعىنا باردى. قوجالىق باسشىسى داۆرون تۋيماتوۆ بيىل 46،38 گەكتار جەرگە ەگىن ەككەن. ونىڭ 5 گەكتارى داندىك جۇگەرى بولسا، قالعان 41،38 گەكتارى ماقتالىق القاپ. 15 ادامدى جۇمىسپەن قامتىپ وتىرعان «داۆرون» شارۋا قوجالىعىنىڭ تەحنيكالىق جاعدايى دا جاقسى. اتاپ ايتقاندا، 2 دانا التاي (ت-4)، 2 دانا متز، 1 دانا ماقتا تەرۋ كومباينى، 3 دانا تىركەمەسى مول ٴونىم جيناۋعا مۇمكىندىك بەرىپ وتىر.

جالپى ماقتاارال اۋدانىندا 38 593 گەكتاردان اسا جەرگە ماقتا ٴشيتى سەبىلگەن. بيىل ورتاشا ەسەپپەن گەكتارىنان 21-24 سەنتنەردەن ٴونىم الۋ كوزدەلىپ وتىر. بۇگىندە اۋدانداعى ماقتا قابىلداۋ بەكەتتەرىنە 20 مىڭ توننادان استام اق التىن كەلىپ تۇسكەن بولسا، ديقاندار تەرىم بىتكەنشە 80 مىڭ توننا اق ۇلپا جيناپ الۋدى جوسپارلاۋدا. ول ٴۇشىن 365 تەرىمشىلەر بريگاداسى، 100-گە جۋىق كومباين ماقتا تەرۋ ناۋقانىنا جۇمىلدىرىلعان.

ماقتانىڭ تەزىرەك اشىلۋى ٴۇشىن اۋداندا ٴقازىردىڭ وزىندە 33 مىڭ گەكتاردان استام ماقتالىق القاپقا دەفولاسيا شارالارى جاسالعان. «دروب پليۋس»، «اۆگۋرون ەكسترا»، «كوتتون»، «رەگلون-سۋپەر» حيميكاتتارىنىڭ ماقتا جاپىراعىن تۇسىرۋدگە ٴتيىمدى اسەرى بايقالۋدا.

«كوسەكتەرگە كۇن جاقسى تيگەن سوڭ تەزىرەك اشىلىپ جاتىر. كوپتەگەن شارۋالار دەفولياسيانىڭ پايداسىن بىلمەيدى. «ماقتا سالماق جوعالتادى» دەپ ونى جاساۋدان قاشادى. كوك كوسەكتەر كۇزدە ۇسىك شالعاندا ٴبىر-اق اشىلادى. ونداي ماقتانىڭ ساپاسى دا بولمايدى» - دەدى تۋيماتوۆ.

مۇنان سوڭ مينيستر ٴو.شوكەەۆ قازاقستان-وزبەكستان رەسپۋبليكالارىنىڭ شەكاراسىندا ورنالاسقان «دوستىق» كانالىنداعى №73 سۋ رەتتەگىش كولدەنەڭ توسپاسىنىڭ جاعدايىمەن جانە اۋداندا جۇزەگە اسقالى تۇرعان پۋيد-2 باعدارلاماسىنىڭ بارىسىمەن تانىستى.

ماقتاارال اۋدانىندا 40 مىڭعا گەكتارعا جۋىق جەر پۋيد-2 باعدارلاماسىنا ەنگەن. جوبانىڭ ٴبىرىنشى ەتاپى بويىنشا ەڭبەكشى جانە جاڭاجول اۋىلدىق وكرۋگىنە قاراستى 8 مىڭ گەكتار جەردە تىك درەناجدى ۇڭعىمالاردى سالۋ، كوللەكتورلىق جۇيەلەر مەن كانالداردى تازالاۋ جۇمىستارى باستالعالى تۇر. ول ٴۇشىن مەردىگەر انىقتالىپ، قۇرىلىستىڭ باستالۋى ٴۇشىن دايىندىق جۇمىستارى جاسالۋدا. سونداي-اق، جوبانىڭ ەكىنشى كەزەڭى ٴيىرجار مەن جامبىل اۋىلدىق وكرۋگتەرىنىڭ 16 مىڭ گەكتارىن قامتىسا، ٴۇشىنشى كەزەڭ بويىنشا اتاكەنت كەنتى، ماقتاارال جانە ا.قالىبەكوۆ اۋىلدىق وكرۋگتەرىنىڭ 15 مىڭ گەكتاردان استام ەگىستىك القابى جەر استى سۋلارىنان ارىلىپ، تۇزدانۋدان ساقتالماقشى.

وسىلايشا مينيستر وڭىردەگى اۋىل شارۋاشىلىعى سالاسىنا قاتىستى اتقارىلىپ جاتقان جۇمىستارعا وڭ باعا بەرىپ، كەيبىر ماسەلەلى جاعدايلاردان دا قۇلاعدار بولدى. اۋدان اكىمى باقىت اسانوۆ ج.نۇرلىبايەۆ اۋىلدىق وكرۋگىنە قاراستى ك-17 كانالى مەن جاڭا جول اۋىلدىق وكرۋگىنە قاراستى ك-15 كانالدارىن جانە 57 دانا تىك درەناجدى ۇڭعىمالاردى رەسپۋبليكالىق مەنشىككە وتكىزۋ جانە «سەۆەرنىي» سۋ قاشىرتقىسىنىڭ سۋ وتكىزۋ قابىلەتىن ارتتىرۋ ماقساتىندا مەحانيكالىق تازالاۋدان وتكىزۋ جۇمىستارىن جاساۋ كەرەكتىگىن ايتىپ، مينيستردەن ماسەلەلەردى شەشۋگە ىقپال ەتۋدى سۇرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي