شقو-دا شەگىرتكە قاپتاپ كەتتى

جەلىدە شقو-نىڭ اياگوز اۋدانىندا قالىڭ شەگىرتكەنىڭ كوشىپ بارا جاتقانى تۇسىرىلگەن ۆيدەو تارادى، دەپ حابارلايدى baq.kz yk-news.kz-عا سىلتەمە جاساپ.

قر اشم وكىلدەرى ەگىس القاپتارىنا ەشقانداي زيان كەلمەگەنىن، ٴتيىستى الدىن الۋ شارالارى جۇرگىزىلىپ جاتقانىن مالىمدەگەن.

ال وبلىستىق اگروونەركاسىپتىك كەشەن سالاسىنداعى اۋماقتىق ينسپەكسياسى وكىلدەرى بيىل شەگىرتكەنىڭ كوپ ەكەنىن، ولارمەن كۇرەس ٴجۇرىپ جاتقانىن ايتىپ وتىر.

«اياگوز اۋدانىنىڭ اۋماعىندا سۋ جينالاتىن قامىستى ورىندار كوپ. سوندىقتان مۇنداي جەرلەردە شەگىرتكەلەر تەز كوبەيەدى. ٴقازىر ٴبىز اۋماقتى زيانكەستەردەن تازالاۋدامىز. اياگوز اۋدانىندا 26 مىڭ گەكتار جەردە ٴتيىستى شارالار جۇرگىزدىك. شەگىرتكەنى جويۋ جۇمىستارى جالعاسۋدا»، - دەيدى وسىمدىكتەردى قورعاۋ ٴبولىمىنىڭ باس مامانى گۇلجان قۇسايىنوۆا.

سونىمەن قاتار، اتالعان ينسپەكسيا ٴبولىمى ٴۇرجار اۋدانىندا دا شەگىرتكەمەن كۇرەستى جالعاستىرۋدا. قازىرگى تاڭدا 7،2 مىڭ گەكتار جەر زالالسىزداندىرىلعان.

تەگي
• اۋىل شارۋاشىلىعى، اگرو، شەگىرتكە، شقو، اياگوز اۋدانى

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!