استانا: 
شاردارالىق شارۋالار بيىل باۋ-باقشادان مول ٴونىم الىپ وتىر. اۋدان بويىنشا وسى ماۋسىمدا 59 مىڭ گەكتار جەرگە اۋىل شارۋاشىلىعى ونىمدەرى ەكسە، سونىڭ 11 مىڭ گەكتارعا جۋىعى باۋ-باقشا داقىلدارى بولىپ تابىلادى.
اسىرەسە، كۇننىڭ كوزى جىلىنىسىمەن ەگىستىك القاپقا شىعىپ كەتكەن ديقاندار قاۋىمى قاۋىن-قاربىز سەكىلدى ەرتە پىسەتىن ونىمدەرىن پۇلداپ ۇلگەردى.
اۋداندىق اۋىلشارۋاشىلىعى جانە جەر قاتىناستارى ٴبولىمىنىڭ مالىمەتىنە سايكەس، بۇگىنگى تاڭعا دەيىن شاردارالىق شارۋالاردىڭ 3338 گەكتار ەگىس القابىنان 83450 توننا قاۋىن-قاربىز ساتىلىمعا شىعارىلعان. ونىڭ ىشىندە، ٴوزىمىزدىڭ نارىقتان بولەك، 50 000 تونناسى رەسەي مەملەكەتىنە ەكسپورتتالسا، قالعانى ٴوزىمىزدىڭ سولتۇستىك وبلىستارعا جونەلتىلىپتى.
مامانداردىڭ ەسەبى بويىنشا گەكتارىنان ورتاشا 250 سەنتنەردەن ٴونىم العان اۋدان ديقاندارىنىڭ كوڭىلدەرى توق دەپ ايتۋعا بولادى. باۋ-باقشا ونىمدەرىنىڭ باسىم بولىگى ەندى ٴپىسىپ جاتقانىن ەسكەرسەك، بۇل كورسەتكىش كۇن سايىن ارتا تۇسەتىنى بەلگىلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1166 
0
3000
0