1759 
0
شاردارادا 1 مىڭ گەكتاردان استام ەگىستىك القابى قايتا اينالىمعا قوسىلماق، دەپ حابارلايدى وقو اكىمدىگىنىڭ ٴباسپاسوز قىزمەتى.
3000
0 
استانا: 
شاردارادا 1 مىڭ گەكتاردان استام ەگىستىك القابى قايتا اينالىمعا قوسىلماق، دەپ حابارلايدى وقو اكىمدىگىنىڭ ٴباسپاسوز قىزمەتى.
اتاپ ايتار بولساق، ق.تۇرىسبەكوۆ، قوسسەيىت، كوكسۋ اۋىلدىق وكرۋگتەرىندە جالپى ۇزىندىعى 94،4 شاقىرىم كانالدى جوندەۋدەن وتكىزۋ جوسپارلانىپ، بۇگىنگە دەيىن ونىڭ 76،9 شاقىرىمى قايتا قالپىنا كەلتىرىلدى. سونىمەن قاتار، 110 دانا اعىن سۋ توسپالارىنىڭ ٴ61-ى جاڭارتىلدى.
بۇگىنگى تاڭدا ونداعى قوسسەيىت اۋىلىنداعى «1-ر-2» كانالىندا 2 ەكسكوۆاتور مەن 1 بۋلدوزەر، كوكسۋ اۋىلدىق وكرۋگىندەگى «2-ر-1» جانە «2-ر-2» كانالدارىندا 3 ەكسكوۆاتور، ق.تۇرىسبەكوۆ اۋىلدىق وكرۋگىندەگى «رك-1» جانە «رك-2» كانالدارىندا 2 ەكسكوۆاتور مەن 1 «متز-80» تراكتور تەحنيكالارى ۋاقىتپەن ساناسپاي جۇمىس ىستەۋدە. ال مەملەكەت تاراپىنان بولىنگەن 151 ملن. تەڭگەگە 4 مەردىگەر كومپانيا جوندەۋ جۇمىستارىن جۇرگىزىپ كەلەدى.
جۇمىستاردىڭ بارىسىن اۋدان اكىمى ا.ابدۋللايەۆ ۇدايى قاداعالاپ، اۋىلدىق وكرۋگتەردەگى اعىن سۋ نىساندارىنىڭ جوندەۋ جۇمىسىنا ايرىقشا كوڭىل بولۋدە. ٴتيىستى سالا ماماندارىنا جۇمىستىڭ ساپالى جانە كەستەگە سايكەس اتقارىلۋىن قاتاڭ تۇردە قاداعالاپ وتىرۋ تاپسىرىلدى.
ديقاندار يگىلىگى ٴۇشىن جاسالىنىپ جاتقان مەحانيكالىق جوندەۋ جۇمىستارى شىلدە مەن قازان ايلارى ارالىعىندا تولىقتاي جۇرگىزىلىپ، بىتەدى. وسىنىڭ ناتيجەسىندە، شاردارا اۋدانىنداعى 1112 گەكتار ەگىستىك القاپ قايتا اينالىمعا قوسىلماق.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
