1153 
0
بۇل تۋرالى وقو ايماقتىق كوممۋنيكاسيالار قىزمەتىندە وتكەن بريفينگتە سارىاعاش اۋدانىنىڭ اكىمى بۇحارباي پارمانوۆ ٴمالىم ەتتى، دەپ حابارلايدى baq.kz.
2998
0 
استانا: 
بۇل تۋرالى وقو ايماقتىق كوممۋنيكاسيالار قىزمەتىندە وتكەن بريفينگتە سارىاعاش اۋدانىنىڭ اكىمى بۇحارباي پارمانوۆ ٴمالىم ەتتى، دەپ حابارلايدى baq.kz.
ٴباسپاسوز ٴماسليحاتىندا اۋدان اكىمى جىل باسىندا ەلباسىنىڭ بەس ينستيتۋسيونالدىق رەفورمانى جۇزەگە اسىرۋ جونىندەگى «100 ناقتى قادام» - ۇلت جوسپارى اياسىندا ٴبىرقاتار مىندەتتەمەلەر جۇكتەلگەنىن ايتىپ، بۇل باعىتتا اۋداندا ناقتى جۇمىستار ىسكە اسىرىلىپ جاتقانىن جەتكىزدى.
ونىڭ ايتۋىنشا، اۋداندا كاسىبي مەملەكەتتىك اپپارات قۇرۋ بويىنشا اتقارۋشى ورگاندار ٴۇشىن ٴبىرىڭعاي كونكۋرستىق كوميسسيا قۇرىلىپ، بوس لاۋازىمعا كونكۋرستار اشىق تۇردە بايقاۋشىلاردىڭ قاتىسۋىمەن وتكىزىلۋدە. سونىمەن قاتار، ۇلت جوسپارى اياسىندا حالىققا ەسەپ بەرەتىن جەرگىلىكتى پوليسيا قىزمەتى قۇرىلىپ، وعان سارىاعاش جانە كەلەس ٴوڭىرى بويىنشا ەكى باسشى تاعايىندالعان. ونىڭ قۇرامىندا 200-گە جۋىق قىزمەتكەر بار. ال قۇقىق بۇزۋشىلىقتىڭ الدىن الۋ ماقساتىندا 200 «ساقشى-سارباز» ەرىكتىلەر جاساعى دا قۇرىلعان. وسىنىڭ ناتيجەسىندە مال ۇرلىقتارى مەن قۇقىق بۇزۋشىلىق دەرەكتەرى اشىلعان.
بريفينگتە، سونداي-اق، اۋدان اكىمى سارىاعاشتا 1 كولىك لوگيستيكالىق ورتالىعىنىڭ جۇمىس ىستەپ تۇرعانىن ايتىپ، جىل سوڭىنا دەيىن قۇنى 750 ملن. تەڭگە بولاتىن تاعى ٴبىر لوگيستيكالىق ورتالىقتىڭ اشىلاتىنىن جەتكىزدى.
«سارىاعاش – اگرارلى باعىتتاعى اۋدان بولىپ تابىلادى. مۇندا ٴونىمنىڭ نەگىزگى ۇلەسىن اۋىل شارۋاشىلىعى سالاسى الادى. 2015 جىلى اۋماقتىق جالپى وندىرىلگەن ٴونىم 130،3 ملرد. تەڭگە بولسا، ونىڭ ىشىندە، اۋىل شارۋاشىلىعى سالاسىنىڭ ۇلەسى 60،6 ملرد. تەڭگە نەمەسە 46،5% قۇرادى. سوڭعى 5 جىلدا ونىڭ كولەمى 35،4 ملرد تەڭگەگە ٴوسىپ، 2،4 ەسەگە ارتتى»، -دەدى ب.پارمانوۆ.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
