استانا: 
2250 
0
وڭتۇستىك قازاقستان وبلىسى سايرام اۋدانىنىڭ ديقانى شاۆكات حاكيمبايەۆ ەگىستىكتەن جينالعان ٴبىرىنشى ٴونىمىن استانا قالاسىندا وتەتىن ەكسپو-2017 كورمەسىنە وراي 4 توننا قۇلپىنايدى جونەلتتى. «زەبو-1» شارۋا قوجالىعىنىڭ 2 گەكتار ەگىستىك جەرىندە بۇگىندە جيىن-تەرىم جۇمىستارى قىزا تۇسكەن. 40-قا جۋىق ادامدى ماۋسىمدىق جۇمىسپەن قامتىپ وتىرعان قوجالىق باسشىسى بيىل 13-14 تونناعا جۋىق ٴونىم الامىن دەپ وتىر.
«قازىرگى تاڭدا ٴبىزدىڭ قۇلپىنايىمىزعا سۇرانىس مول. اتالعان ٴونىمدى نەگىزىنەن الماتى جانە استانا قالالارىنا ساتىلىمعا شىعارامىز. ماۋسىمدىق جۇمىستار كەزىندە 30-40 ادامدى جۇمىسپەن قامتيمىز. قۇلپىنايدى تەرىپ، ٴشوبىن ج ۇلىپ، باپتاعان جۇمىسشىلارعا كۇندىگىنە – 1700 تەڭگەدەن تولەپ جاتىرمىز»، - دەيدى قوجالىق ٴتوراعاسى.
مۇندا وسىرىلگەن قۇلپىنايدىڭ سورتى «ۆيكتوريا» دەپ اتالادى. ٴىرى بولعانىمەن، سالماعى جەڭىل كەلەدى. سوندىقتان ۇلكەن شەلەگىنىڭ ٴوزى 9 كەلى تارتادى. ٴبىر كەلىسىنىڭ باعاسى - 350 تەڭگە. ايتا كەتەيىك، قۇلپىنايدان 1 ايدا 1 رەت ٴونىمىن الىنسا، ونى 3 كۇندە 1 رەت سۋعارىپ وتىرۋ قاجەت. سوندىقتان ەگىستىك القابىندا اعىن سۋ ۇزىلمەۋى ٴتيىس.
قۇلپىناي ەگۋمەن 17 جىلدان بەرى ۇزبەي اينالىسىپ كەلە جاتقان شاۆكات احماتقۇل ۇلى وزىنە تيەسىلى 2 گەكتار اۋىل شارۋاشىلىعى جەرىنىڭ كۇتىمىنە باسا ٴمان بەرگەن.
«ٴونىمدى مول الۋ ٴۇشىن ٴبىز القاپتىڭ توپىراعىن قۇنارلاندىرۋعا ۇلكەن كوڭىل بولەمىز. قۇلپىنايدى ىلعالدى توپىراقتا ەگىپ، اعىن سۋدان تارىقتىرمايمىز. توپىراقتىڭ ىلعالدىلىعىن ساقتاۋ ٴۇشىن ٴشىرىندى كوڭ توگىلەدى»، - دەيدى شاۆكات حاكيمبايەۆ.
مۇنداعى ٴار اتىزدىڭ ۇزىندىعى 75 مەتر. سولاردىڭ ٴارقايسىسى 1 اۆتوكولىك ٴشىرىندى كوڭ ارقىلى قۇنارلاندىرىلعان. قۇلپىنايدىڭ ەرەكشەلىگى، ونى وتىرعىزعان توپىراقتى 5 جىلعا دەيىن قوزعامايدى ەكەن. سونىمەن قاتار، تامىرىن ٴبىر قاتىرىپ، ٴبىر بوساتىپ وتىرعاسىن، قۇلپىنايدىڭ بەرەتىن ٴونىمى دە وتە ۇساق بولادى.
بۇگىندە سايرام اۋدانىنا قاراستى مانكەنت اۋىلدىق وكرۋگىندە 1200 شارۋا قوجالىعى جۇمىس ىستەيدى. ولاردىڭ ەگىستىك القابىنداعى قۇلپىناي جەمىسىنىڭ كولەمى 100 گەكتارعا جۋىقتايدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0