BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار باسقا وڭىرلەردى كارتوپپەن قامتاماسىز ەتىپ وتىر 

استانا، baq.kz ٴتىلشىسى. پاۆلودار وبلىسىنىڭ اكىمى بولات باقاۋوۆ ٴوڭىردىڭ اگروونەركاسىپ كەشەنىنە بولىنگەن 12 ملرد استام تەڭگە قالاي جۇمسالىپ جاتقانى تۋرالى ايتتى.

«وبلىستىڭ اگروونەركاسىپ كەشەنىن دامىتۋعا بيىل 12 ملرد استام تەڭگە ٴبولىندى. مەملەكەتتىڭ قولداۋىنىڭ ارقاسىندا ينۆەستيسيالار كولەمى 1،6 ەسە ارتتى. وڭىردە 35 اگرارلىق جوبا جۇزەگە اسىرىلدى. ەگەر، ٴىرى جوبالار تۋرالى ايتار بولساق، «group ksm» جشس سىيىمدىلىعى 37 مىڭ توننانى قۇرايتىن ەلەۆاتور، «گرينلاند» جشس كۇنباعىس مايىن وندىرەتىن زاۋىت قۇرىلىسى ٴجۇرىپ، ال، «انداس» شارۋا قوجالىعى 20 مىڭ توننالىق كوكونىس قويماسىن سالىپ جاتىر. سونىمەن بىرگە، وبلىستا 11 مىڭ باس مالعا ارنالعان ٴۇش بورداقىلاۋ الاڭى سالىنۋدا»، - دەدى ٴوڭىر باسشىسى.

سونداي-اق، وبلىس اكىمى 720 باس مالعا ارنالعان ەكى ٴسۇتتى-تاۋارلى فەرمانىڭ جانە قۇرىلىسى اياقتالاتىنىن اتاپ ٴوتتى. وعان قوسا تاعى ٴۇش ٴسۇتتى-تاۋارلى فەرما سالىنىپ جاتىر.

«پاۆلودار وبلىسىنىڭ اگروونەركاسىپ كەشەنىنىڭ دامۋىنىڭ نەگىزىن سۋارمالى القاپتار قۇرايدى. بيىل 4 مىڭ گا سۋارمالى القاپ ىسكە قوسىلدى. وبلىستا جينالعان ٴداندى داقىلداردىڭ جالپى كولەمى 900 مىڭ توننادان ارتتى. استىقتىڭ ورتاشا شىعىمدىلىعى گەكتارىنا 12،4 سەنتنەردى قۇرايدى. كارتوپتىڭ جالپى ٴونىمى 7%-عا ارتتى. پاۆلودارلىق كارتوپ ەلىمىزدىڭ وڭتۇستىك وڭىرلەرى مەن جاقىن شەتەلگە ەكسپورتقا شىعارىلادى. ىشكى تۇتىنۋ 100 مىڭ توننانى قۇراسا، ٴبىز 517 مىڭ توننا كارتوپ وندىرەمىز»، - دەدى وبلىس اكىمى بولات باقاۋوۆ.

ەسكە سالا كەتسەك، وسىعان دەيىن وبلىس اكىمى 2019 جىلى پاۆلوداردا جاڭا "دوستىق" اۋدانى قۇرىلىسى باستالاتىنىن ايتقان بولاتىن. سونىمەن قاتار ول جۇمىسشىلاردىڭ جالاقىسى وسەتىنى تۋرالى ايتقان بولاتىن. سونداي-اق، پاۆلودار وبلىسىنىڭ جالپى وڭىرلىك ٴونىمىنىڭ كولەمى 4،2%-عا، ال ەكسپورتتىق تاۋار اينالىمى ەكى ەسەگە ارتقانى ايتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي