1755 
0
وڭتۇستىكتەگى ديحاندار جازدايعى تابان ەت، ماڭداي تەرىمەن وسىرگەن ونىمدەرىنەن ايىرىلىپ قالۋى مۇمكىن – دەيدى baq.kz ٴتىلشىسى.
استانا: 
وڭتۇستىكتەگى ديحاندار جازدايعى تابان ەت، ماڭداي تەرىمەن وسىرگەن ونىمدەرىنەن ايىرىلىپ قالۋى مۇمكىن – دەيدى baq.kz ٴتىلشىسى.
وعان سەبەپ وقو ماقتارال اۋدانىنىڭ ديحاندارى ٴۇشىن كۇرەتامىرعا اينالعان «دوستىق» كانالىندا سۋ تاپشى. قازاقستان، وزبەكستان، تاجىكستان سەكىلدى ٴۇش ۇلكەن ەلدىڭ ديحاندارىنا سۋ جەتكىزىپ وتىرعان كانالدىڭ 70 تەكشە مەترگە ەسەپتەلگەن سۋى ٴقازىر تومەندەپ كەتكەن. سونىڭ سالدارىنان شىجىعان شىلدەدە 50 مىڭ گەكتار القاپ سۋسىز قاڭسۋدا.
سۋعا ٴزارۋ بولىپ وتىعان القاپتىڭ 28 مىڭ گەكتارىنا ماقتا ەگىلگەن. قاۋىن-قاربىز ەككەن القاپتارداعى سۋ تاپشىلىعى الدەن بىلىنە باستادى. حايدار تۋگۋشەۆ اۋىلىنا قاراستى ماقتالىقتىڭ يەلەرى ەتكەن ەڭبەكتەرى دالاعا كەتە مە دەپ الاڭداۋلى.
- ونىمدەردىڭ ناعىز سۋدى تالاپ ەتىپ جاتقان كەزىندە ٴبىز ٴتيىستى مولشەردە سۋمەن قامتاماسىز ەتە الماي وتىرمىز. ٴبىراق بۇنى دا بۇگىن، ەرتەڭ شەشەمىز دەگەن. ونىمەن قۇزىرەتتى ورگان، ۇكىمەت، ٴتيىستى ازاماتتار اينالىسىپ جاتىر. مىنە، شەشىلەدى دەگەن جاقسى حابار ەستىپ وتىرمىز – دەيدى ماقتارال اۋدانىنىڭ اكىمى جامانتاي بەيسەنبايەۆ.
ال ٴمىرزاشولدىڭ ٴشول قىسقان وڭىرلەرى تۋرالى قر اشم سۋ رەسۋرستارى كوميتەتىنىڭ ٴتوراعاسى يسلام ابىشەۆ وڭىرگە سۋدىڭ دەر كەزىندە جەتپەي قالۋىنا قىرعىزداردى كىنالى سانايدى.
«ٴتورت مەملەكەتتىڭ اراسىنداعى كەلىسىمنىڭ ىسكە اسپاۋىنىڭ باستى سەبەبى. سىرداريانىڭ ەڭ جوعارىسىندا وتىرعان قىرعىز رەسپۋبليكاسىنىڭ ازاماتتارى. بىزگە مۇمكىن ەمەس تالاپتار قويىپ وتىر. سونىڭ ٴبىرى. ول سۋدى الۋ ٴۇشىن قىرعىزستاننىڭ ەلەكتر ەنەرگياسىن ٴبىز الۋىمىز كەرەك. سوندا سۋدى كوبەرەك قوسادى. ەگەر ٴبىز ونى الساق، قاراشا، جەلتوقساندا قايتارىپ بەر دەپ وتىر» - دەيدى ٴتوراعا 24.kz ارناسىنا بەرگەن سۇحباتىندا.
قالاي دەگەنمەن، جەرگە تەرىن ٴسىڭىرىپ، جەردەن ٴناپاقا ايىرىپ وتىرعان شارۋالار دەر كەزىندە سۋدان تارشىلىق كورۋى ادال ەڭبەكتىڭ جەلگە ۇشۋى ما دەپ الاڭداۋلى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0