استانا: 
1336 
0
وقو-دا جوعارى ساپالى «تۇركىستان» ماقتا سۇرىبى شىعارىلدى. مۇنداي جاڭالىق تۇركىستاندا ٴداستۇرلى تۇردە وتەتىن «اق كەرۋەن» ماقتا تەرىمى شاراسى كەزىندە ايتىلىپ، جۇرتشىلىققا تانىستىرىلدى. وسىلايشا، قاراشىق اۋىلدىق وكرۋگىندەگى «تۇران» شارۋا قوجالىعىندا وتكەن جيىنعا كەلگەن قاتىسۋشىلار، الدىمەن، ماقتا القاپتارىن ارالاۋدان باستادى، دەپ حابارلايدى وقو اكىمدىگىنىڭ ٴباسپاسوز قىزمەتى.
بيولوگيا عىلىمدارىنىڭ دوكتورى a.سۇلتانوۆ پەن اۋىل شارۋاشىلىعى عىلىمدارىنىڭ كانديداتى ٴا.اليەۆ سورتتاردىڭ ەرەكشەلىكتەرى تۋرالى اڭگىمەلەپ بەردى. ەرەكشەلىگى سول، بۇل ماقتا تالشىعىنىڭ ۇزىندىعى كادىمگى سۇرىپتاعى ماقتاعا قاراعاندا الدەقايدا جوعارى. ياعني، «تۇركىستان» ماقتاسىنىڭ تالشىعى 4-ۇلگىگە جاتادى. ماقتانىڭ بۇل ٴتۇرى توقىما ونەركاسىبىندە كەڭىنەن پايدالانىلادى. ەندى تۇركىستاندىق كاسىپكەرلەر وڭتۇستىكتەگى توقىما كاسىپورىندارىن جەرگىلىكتى شيكىزاتپەن قامتۋعا تولىق كەپىلدىك بەرە الادى.
ايتا كەتەيىك، تۇركىستاندىق ماقتاشىلار بيىل 17 مىڭ توننا ٴشيتتى ماقتا جيناۋعا نيەتتى. قالا اكىمىنىڭ ورىنباسارى ت.مۇسايەۆتىڭ ايتۋىنشا، تۇركىستاندا وتكەن جىلى 3500 گەكتار جەرگە ماقتا ەگىلسە، بيىل بۇل كورسەتكىش 6600 گەكتارعا ۇلعايعان.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0