استانا: 
2726 
0
وسىدان ٴبىر جىل كۇركەتاۋىق ەتىنەن قازى شىعارۋدى قولعا العان «ورداباسى قۇس» فابريكاسى، ەندى قازاقتىڭ وزگە دە ۇلتتىق تاعامدارىن كۇركەتاۋىق ەتىمەن ارالاستىرىپ، ەلىمىزدە بۇرىن-سوڭدى بولماعان ٴونىم ٴوندىرۋدى ماقسات ەتىپ وتىر، دەپ حابارلايدى baq.ٴkz-تىڭ وڭىردەگى ٴتىلشىسى.
«ورداباسى قۇس» فابريكاسى رەسپۋبليكا بويىنشا اگروونەركاسىپ سالاسىنداعى كۇركەتاۋىق ەتىنىڭ ونىمدەرىن العاشقى جوبا. فابريكا جىلىنا 10 مىڭ توننا ٴونىم ٴوندىرىپ، ونىڭ 40 پايىزى رەسەي مەن قىرعىزستان ەلدەرىنە ەكسپورتتالسا، قالعانى قازاقستان نارىعىنا ساتىلىمعا شىعارىلىپ كەلەدى. ٴوندىرىس ورنىندا بالاپان اشۋ، قۇستارعا قاجەت جەم ٴوندىرۋ مەن قۇس بورداقىلايتىن ايماقتار جۇمىس ىستەيدى. ال قۇس سويۋ بولىمىندە تاۋلىگىنە ٴارقايسىسىنىڭ سالماعى ورتا ەسەپپەن 20 كەلى بولاتىن 2400 كۇركەتاۋىق سويىلىپ، 25-35 توننا ەت وندىرىلەدى.
«بالاپان اشىلعاننان كەيىن ول ٴوسىرۋ ايماعىندا بولادى. كۇركەتاۋىقتىڭ قورازى 120 كۇننەن سوڭ، مەكەنى 105 كۇن وتكەننەن كەيىن ٴبىزدىڭ بولىمگە جەتكىزىلەدى. مۇندا ونى سوياتىن ارنايى قۇرىلعىمىز بار. ٴبىر مينۋتتا 8 كۇركەتاۋىقتى سويۋعا بولادى. كەيىن ونىڭ ەتى جىلىكتەۋ، شۇجىق ٴوندىرۋ جانە مۇزداتقىش سەحتارىنا جىبەرىلەدى. ال قالعان ىشەك-قارنى مەن سۇيەگى قالدىقتاردى قايتا وڭدەۋ سەحىنا جونەلتىلەدى. وندا قايتا وڭدەۋدەن وتكەن قالدىقتار جەم ەسەبىندە پايدالانىلادى»، - دەدى قۇس سويۋ ٴبولىمىنىڭ باسشىسى باقتيار جۇماحانوۆ.
«ورداباسى قۇس» فابريكاسى 420 ادامدى تۇراقتى جۇمىسپەن قامتىپ وتىر. ونىڭ ٴ180-ى ٴبىر عانا قۇس سويۋ بولىمىندە جۇمىس ىستەيدى. بارلىق قىزمەتكەر تەگىن اۆتوبۋسپەن تاسىمالدانادى. ەڭبەگىن ەلەپ، فابريكا ەسەبىنەن ٴتۇرلى دەمالىستارعا جىبەرىپ تۇرادى.
«فابريكا اشىلعالى بەرى وسىندا ەڭبەك ەتىپ كەلەمىن. مەنىڭ مىندەتىمە شۇجىق ەتىن تارتقىشتان وتكىزۋ جۇمىسى كىرەدى. جۇمىس ۋاقىتى تاڭعى ساعات 8:00-دەن كەشكى 17:00-گە دەيىن. جۇمىسىم وزىمە ۇنايدى، جالاقىمىزدى دا ۋاقىتىلى الامىز. ويتكەنى جۇمىس ىزدەپ وزگە اۋدان-قالالارعا ساندالمايمىز»،-دەدى ايگۇل التىنبەكوۆا.
"ورداباسى قۇس" جشس-ىندە بۇگىنگى تاڭدا ورنىندا كۇركەتاۋىق ەتىنەن وندىرىلگەن 70-كە جۋىق ٴونىم ٴتۇرى شىعارىلادى. ناقتىراق ايتقاندا، كۇركەتاۋىقتىڭ ٴتوسى، موينى، جۇرەگى، قاناتى سەكىلدى ەتتىڭ 35، ال شۇجىق ٴونىمىنىڭ وراما، قازى، جىڭىشكە شۇجىق (سوسيسكا)، سۇرلەنگەن شۇجىق سىندى تاعى 35 ٴتۇرى وندىرىلەدى. فابريكا باسشىلىعى الداعى ۋاقىتتا قازاقتىڭ ۇلتتىق تاعامدارىمەن بايلانىستىرىپ، قارتا، جال-جايا، ۇلپىرشەك سىندى دەليكاتەس تۇرلەرىن ٴوندىرىپ، ٴونىم سانىن جۇزگە جەتكىزۋدى جوسپارلاپ وتىر. ايتپاقشى، مۇندا جىلقىنىڭ ىشەگىنە مايى مەن كۇركەتاۋىقتىڭ سان ەتى سالىنعان قازىنىڭ نارىققا شىققانىنا ٴبىر جىل تولىپتى. سوعان قاراماستان نارىقتاعى سۇرانىس كۇن ساناپ ارتىپ كەلەدى.
ٴوندىرىس ورنىنداعىلار ەندى ٴونىمىن ەۋروپا ەلدەرىنە شىعارۋدى كوزدەپ وتىر. بۇگىنگى تاڭدا ٴبىرقاتار ەلدەرمەن كەلىسسوزدەر جۇرگىزىپ تە جاتىر ەكەن. ول كەزدە جىلىنا مۇندا 20 مىڭ توننا ەت وندىرىلەتىن بولادى.
فوتو: اۆتور
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0