وقو-نىڭ اۋىل شارۋاشىلىعىندا 8 ٴىرى ينۆەستيسيالىق جوبا جۇزەگە اسىرىلىپ جاتىر

فوتو: ОҚО әкімінің баспасөз қызметінен алынды

وڭتۇستىك قازاقستان وبلىسىندا شيكىزات سەكتورىنان دايىن ٴونىم سەكتورىنا ٴوتۋ باعىتىندا 8 ٴىرى ينۆەستيسيالىق جوبا جۇزەگە اسىرىلۋدا. بۇل تۋرالى بۇگىن وڭىرلىك كوممۋنيكاسيا قىزمەتىندە وتكەن بريفينگتە وبلىستىق اۋىل شارۋاشىلىعى باسقارماسىنىڭ باسشىسى سەرىك تۇربەكوۆ ٴمالىم ەتتى، دەپ حابارلايدى baq.kz.

ونىڭ ايتۋىنشا، وبلىستا ينۆەستيسيا سوماسى 18،5 ملرد تەڭگەنى قۇرايتىن، قۋاتتىلىعى جىلىنا 30 مىڭ توننا قۇس ەتىن وندىرەتىن «اk kazyna» ٴجشس-نىڭ جوباسىن ىسكە اسىرۋ جۇمىستارى باستالعان. ال، «ورداباسى-قۇس» جشس كۇركە تاۋىق ەتىن ٴوندىرۋ قۋاتتىلىعىن جىلىنا 25 مىڭ تونناعا جەتكىزۋ بويىنشا كەلىسىمگە قول قويعان. مۇنان بولەك، شاردارا اۋدانىندا بالىق ونىمدەرىن قايتا وڭدەيتىن ەكى زاۋىتتى ىسكە اسىرۋ جۇمىستارى جۇرگىزىلسە، ينۆەستيسيا سوماسى 7،8 ملرد. تەڭگەنى قۇرايتىن، تۇيە ٴسۇتىن قايتا وڭدەيتىن زاۋىت سالۋ جۇمىستارى باستالعان.

سونداي-اق، قىتاي ينۆەستورلارىمەن ينۆەستيسيا سوماسى 21،6 ملرد. تەڭگە بولاتىن تومات زاۋىتىن سالۋ جوباسى كەلىسىلسە، 1 مىڭ گا اۋماققا قارقىندى جاڭعاق باۋىن وتىرعىزۋ جوباسىن جۇزەگە اسىرۋ ينۆەستورلار تاراپىنان كەلىسىمىن تاپتى. اتالعان جوبا بويىنشا جەردى تاڭداپ، قۇجاتتاردى راسىمدەۋ جۇمىستارى جۇرگىزىلۋدە. بۇدان باسقا، بىرنەشە ينۆەستوردىڭ قاتىسۋىمەن شىمكەنتتە ينۆەستيسيا سوماسى 51،2 ملرد. تگ. قۇرايتىن، 136 گا اۋماقتا وندىرىستىك جىلىجايلار سالۋ جوباسىن («تەپليچنىي راي») جۇزەگە اسىرۋ جوسپارلانۋدا. ال، قازىعۇرت اۋدانىندا «اسىل باستاۋ» جشس ينۆەستيسيا سوماسى 603 ملن. تگ. قۇرايتىن قۇرعاق ٴسۇت جانە سارى ماي شىعارۋ زاۋىتىن سالىپ جاتىر.

«مەملەكەت باسشىسى جىل سايىنعى قازاقستان حالقىنا ارنالعان جولداۋىندا ەلدىڭ اگرارلىق سالاسىنا اسا باسىمدىق بەرىپ، جىلدان-جىلعا سالا قارقىندى دامۋ ۇستىندە. وعان دالەل، وتكەن جىلى اۋىل شارۋاشىلىعىنىڭ جالپى ٴونىم كولەمى 480،4 ملرد.تگ، ناقتى كولەم يندەكسى 105 % قۇرادى. سوڭعى بەس جىلدا شامامەن 2 ەسەگە ۇلعايدى. جالپى ٴونىمنىڭ رەسپۋبليكاداعى ۇلەسى 13 % قۇرادى. بۇل وبلىستىڭ الداعى ۋاقىتتا رەسپۋبليكا حالقىن نەگىزگى ازىق-تۇلىك ونىمدەرىمەن قامتاماسىز ەتەتىن ورتالىققا اينالۋ الەۋەتىنىڭ جوعارى ەكەنىن كورسەتەدى»، - دەدى باسقارما باسشىسى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!