استانا: 
وڭتۇستىك قازاقستان وبلىسى سايرام اۋدانىندا العاش رەت يراندىق ينۆەستورلاردىڭ قاتىسۋىمەن ٴىرى كولەمدە ەت جانە ەت ونىمدەرىن دايىندايتىن جاڭا كومبينات اشىلدى. مۇندا تاۋلىگىنە 3000 باس ۇساق مال مەن 200 باس ٴىرى قارا سويىلىپ، ازىرلەنەدى، دەپ حابارلايدى baq.kz ٴتىلشىسى.
«قايىپ اتا» دەگەن اتاۋمەن تانىلعان سەرىكتەستىكتىڭ ەنشىلەس قوجالىعى بولىپ تابىلاتىن «يۋكو-ەكو-food» ەت كومبيناتى بۇل جوبانى يران يسلام مەملەكەتىمەن بىرلەسە باستاپ وتىر.
تاماق ونەركاسىبىن دامىتۋعا سەپتىگىن تيگىزەتىن «يۋكو-ەكو-food» ٴجشس-نىڭ اشىلۋ سالتاناتىنا وبلىس اكىمى ج.تۇيمەبايەۆ پەن يراننان كەلگەن سەرىكتەستەر، ياعني يران يسلام رەسپۋبليكاسىنىڭ اۋىل شارۋاشىلىعى ٴمينيسترىنىڭ كەڭەسشىسى ميرلوگي سەيەدالياكبار اگارەزا قاتىستى.
كولەمى 15 گا قۇرايتىن ەت كومبيناتىنىڭ 2000 شارشى مەتردەن استام اۋماعى وندىرىستىك قۇرىلىمعا نەگىزدەلگەن. كاسىپورىن تولىق قۋاتتىلىعىنا شىققاندا 5 مىڭ ۇساق مال ەتى ٴوندىرىلىپ، جەرگىلىكتى 350 ادامدى جۇمىسپەن قامتاماسىز ەتپەك. گەرمانيالىق تەحنولوگيامەن جابدىقتالعان كومبيناتتا مال سويۋ پروسەسى ساتى-ساتىمەن جۇرگىزىلەدى. ايتا كەتۋ كەرەك، جوبانىڭ ينۆەستيسيالىق قۇنىنىڭ 75 پايىزىن يراندىق ينۆەستورلار سالعان.
يران يسلام مەملەكەتىندەگى جىلدىق ەتكە قاجەتتىلىك 2 ملن. 400 توننانى قۇرايدى. وسى قاجەتتىلىكتىڭ ٴبىر بولىگىن قامتۋ ماقساتىندا، ەكى تاراپ كۇنىنە 3000 باس ۇساق مال ەتى مەن 100 باس ٴىرى قارا ەتىن الۋ ٴۇشىن كەلىسىم شارت جاساستى. ياعني، كۇنىنە 60 توننادان استام ەكولوگيالىق تازا ەت يرانعا ەكسپورتتالماق. بۇل، ٴوز كەزەگىندە، ەل ەكونوميكاسىنا وڭ ىقپالىن تيگىزىپ، ەلباسىنىڭ ەت ەكسپورتىن ارتتىرۋ مىندەتىن جۇزەگە اسىرۋدىڭ ايقىن دالەلى بولىپ تابىلادى.2:46
وسى كۇنى ەكى جاقتى ساۋدا-ەكونوميكالىق ىنتىماقتاستىق قارىم-قاتىناستى نىعايتۋ ماقساتىندا ايماق باسشىسى جانسەيىت تۇيمەبايەۆ يران يسلام رەسپۋبليكاسىنىڭ اۋىل شارۋاشىلىعى ٴمينيسترىنىڭ كەڭەسشىسى ميرلوگي سەيەدالياكبار اگارەزا باستاعان دەلەگاسيامەن كەزدەستى. جيىن بارىسىندا تاراپتار بىرلەسكەن كاسىپورىندار قۇرۋ، تەحنولوگيالاردى جەتىلدىرۋ، اۋىلشارۋاشىلىعى سالالارىن دامىتۋ جايىن ٴسوز ەتتى.
ٴوڭىر باسشىسى قوناقتارعا ايماقتاعى ىسكەرلىك جانە ينۆەستيسيالىق احۋال مەن شەتەلدىك ينۆەستورلارعا كورسەتىلەتىن جەڭىلدىكتەردى ٴتۇسىندىردى.
«وبلىسىمىزدا شاعىن جانە ورتا بيزنەستى دامىتۋ ماقساتىندا مەملەكەت تاراپىنان ٴتۇرلى ٴتيىمدى جەڭىلدىكتەر قاراستىرىلىپ، ينۆەستورلارعا قولايلى جاعدايلار جاسالىنۋدا. اكىمشىلىك كەدەرگىلەر دە مەيلىنشە ازايتىلىپ وتىر. يران يسلام رەسپۋبليكاسى اۋىل شارۋاشىلىعى سالاسىندا ۇلكەن مۇمكىندىكتەرگە يە مەملەكەت ەكەنىن جاقسى بىلەمىن. سوندىقتان بۇل باعىتتاعى بىرلەسكەن جوبالار بولاشاقتا ٴوز جەمىسىن بەرەدى دەپ سەنەمىن»،- دەدى اكىم.
ٴوز كەزەگىندە، مارتەبەلى مەيمان، يران ەلىنىڭ قازاقستاندىق ەكولوگيالىق تازا ونىمگە سۇرانىستىڭ جوعارى ەكەنىن ايتىپ، ەكى ەل ٴۇشىن دە ٴتيىمدى بولاتىن جوبالاردى جۇزەگە اسىرۋعا نيەتتى ەكەنىن جەتكىزدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2165 
1
2998
0