وڭتۇستىك قازاقستان وبلىسىندا ساياق شەگىرتكەسىنە قارسى جۇمىستار 26،7 مىڭ گا جەرگە جۇرگىزىلىپ، بۇگىندە جۇمىستار تولىعىمەن اياقتالدى. ٴۇيىرسىز ساياق شەگىرتكەسىنە قارسى كۇرەس جۇمىستارىنا وبلىستىق بيۋدجەتتەن 48 ملن. تەڭگە قارجى قارالعان. بۇگىندە بۇل شەگىرتكە تۇرىنەن شارۋالارعا كەلەر ٴقاۋىپ جوق،-دەپ مالىمدەدى وبلىستىق اۋىل شارۋاشىلىق باسقارماسىنىڭ باسشىسى سەرىك تۇربەكوۆ ايماقتىق كوممۋنيكاسيالار قىزمەتىندە وتكەن بريفينگتە، دەپ حابارلايدى وقو اكىمدىگىنىڭ ٴباسپاسوز قىزمەتى.
ونىڭ ايتۋىنشا، وبلىستا شەگىرتكەلەردىڭ 122 ٴتۇرى بولسا، سونىڭ 4 تۇرىنە زالالسىزداندىرۋ جۇمىستارى جۇرگىزىلۋدە. قالعان تۇرىنەن شارۋالارعا كەلەر ٴقاۋىپ جوق. ساياق شەگىرتكەلەردىڭ شىعۋ ورىندارىندا ماروككالىق شەگىرتكەلەردىڭ ارالاس بولۋىنا بايلانىستى وڭدەۋ جۇمىستارى «وسىمدىك قورعاۋ» جشس بىرلەسە جۇرگىزىلدى. وڭدەۋ جۇمىستارىنا 22 بىرلىكتەن اسا تەحنيكا جۇمىلدىرىلىپ، ناتيجەسىندە 26،7 مىڭ گا جەر زالالسىزداندىرىلدى.
سونداي-اق، ٴباسپاسوز ٴماسليحاتىندا باسقارما باسشىسى وقو اۋماقتىق ينسپەكسيا تاراپىنان 91،37 مىڭ گا جەرگە ماروككو شەگىرتكەسىنە قارسى حيميالىق وڭدەۋ جۇمىستارى جۇرگىزىلگەنىن ايتتى.
بريفينگتە قر اشم اوك ميك وقو اۋماقتىق ينسپەكسيانىڭ وكىلى وسى جىلى كوكتەم ايلارى وتە قولايسىز بولىپ، ٴجيى جاۋعان جاڭبىر مەن ٴشوپتىڭ بيىك ٴوسۋى اسەرىنەن جۇرگىزىلگەن وڭدەۋ جۇمىستارى كۇتىلگەن ناتيجەنى بەرمەگەنىن ايتتى.
وسىنىڭ سالدارىنان ماروككالىق شەگىرتكەلەر قونىستانعان الاڭدار 27،6 مىڭ گا دەيىن ۇلعايعان. بۇگىندە زيانكەستەردى جويۋ باعىتىنداعى جۇمىستار ەسەلەنىپ، رەسپۋبليكادان قوسىمشا قارجى ٴبولىندى. ماماندار شەگىرتكەمەن كۇرەس جۇمىستارىن اۋا-رايى قولايلى بولىپ تۇرسا 3-4 كۇننىڭ ىشىندە اياقتاۋدى جوسپارلاپ وتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
استانا: 
1171 
0
2998
0 
