وقو-دا 415 ملرد تەڭگەنىڭ اۋىل شارۋاشىلىعى ٴونىمى ٴوندىرىلدى

وڭتۇستىك قازاقستان وبلىسىندا 2016 جىلدىڭ 11 ايىندا اۋىل شارۋاشىلىعىنىڭ جالپى ٴونىم كولەمى 415،8 ملرد. تەڭگەنى قۇرادى. بۇل وتكەن جىلمەن سالىستىرعاندا 3 پايىزعا ارتىق. ونىڭ ىشىندە ەگىن شارۋاشىلىعى 232،1 ملرد. تەڭگەنى قۇراسا، مال شارۋاشىلىعى 182،7 ملرد. تەڭگەگە جەتىپ وتىر، دەپ حابارلايدى baq.kz.

وبلىستىڭ بارلىق شارۋاشىلىق ساناتتارىندا 184،6 مىڭ توننا ەت، 663،6 مىڭ توننا ٴسۇت، 278،1 ملن. دانا جۇمىرتقا ٴوندىرىلدى.

ال وبلىس ديقاندارى 260 مىڭ گەكتارعا ٴداندى داقىلدار، 80،8 مىڭ گا مايلى داقىلدار، 40،4 مىڭ گا كوكونىس ەكسە، 59 مىڭ گەكتارعا باقشا، 15،3 مىڭ گا كارتوپ، 109،6 مىڭ گا ماقتا جانە 30 مىڭ گا جەرگە جەمىس-جيدەك پەن ٴجۇزىم ەكتى. ناتيجەسىندە اگرارلى ايماقتىڭ شارۋالارى وسى جىلى گەكتارىنا ورتاشا تۇسىمدىلىگى 26 سەنتنەر بولاتىن 676 مىڭ توننا ٴداندى داقىل جينادى. سونىمەن قاتار، 963 تن. كوكونىس، 1413 تن. باقشا، 277 مىڭ تن. كارتوپ، 281 مىڭ تن. ماقتا، 125،8 مىڭ تن. جەمىس-جيدەك پەن 64،2 مىڭ تن. ٴجۇزىم ٴونىمىن الدى.

وقو اكىمدىگى ٴباسپاسوز قىزمەتىنىڭ مالىمەتىنشە، تامشىلاتىپ سۋعارۋ ٴادىسى قوسىمشا 6،9 مىڭ گەكتارعا ەندىرىلىپ، جالپى كولەمى 51 مىڭ گەكتارعا، ال جىلىجايلار قوسىمشا 96 گا سالىنىپ، جالپى 1121 گا. جەتتى. ياعني ەلىمىز بويىنشا جىلىجايلاردىڭ 87% وڭتۇستىك ۇلەسىندە. وسى جىلىجايلاردان 160 مىڭ توننا كوكونىس ونىمدەرى جينالىپ وتىر.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!