1105 
0
وڭتۇستىك قازاقستان وبلىسىندا اۋىل شارۋاشىلىعى داقىلدارىنىڭ جيىن تەرىم ناۋقانى باستالدى.
2998
0 
استانا: 
وڭتۇستىك قازاقستان وبلىسىندا اۋىل شارۋاشىلىعى داقىلدارىنىڭ جيىن تەرىم ناۋقانى باستالدى.
بۇگىندە وبلىستا كوكونىس، كارتوپ، باقشا داقىلدارىنىڭ جيىنى باستالدى. قازىرگى تاڭدا ديقاندار 350 مىڭ توننا كوكونىس، 120 مىڭ توننا كارتوپ، 240 مىڭ توننا باقشا ونىمدەرىن جينادى. ولار وزدەرىنىڭ ونىمدەرىمەن ەلىمىزدىڭ بارلىق وڭىرلەرىن قامتىپ، ارتىق ونىمدەردى رەسەي مەملەكەتى مەن سولتۇستىك وبلىستارعا جونەلتۋدە.
اگرارلى ايماقتا وسى جىلى كوكونىس پەن كارتوپ داقىلدارى جالپى 52،3 مىڭ گەكتارعا، ال باقشا ٴونىمى 59،1 مىڭ گەكتار جەرگە ەگىلگەن.
جوسپار بويىنشا جىل سوڭىنا دەيىن 890 مىڭ توننا كوكونىس، 1،4 ملن. توننا باقشا، 256 مىڭ توننا كارتوپ جينالادى دەپ كۇتىلۋدە.
ەكونوميكامىز اۋىل شارۋاشىلىعىنا بەيىمدەلگەن وڭىردە اۋىل شارۋاشىلىعى داقىلاردىن ٴارتاراپتاندىرىپ، ەگىس، سۋارمالى جەرلەردىڭ كولەمىن ۇلعايتۋ، ٴونىم كولەمىن ارتتىرۋ ماقساتىندا ٴبىرقاتار جۇمىستار اتقارىلۋدا.
وبلىستان نەگىزىنەن ەكسپورتقا: كارتوپ، كوكونىس، باقشا، بيداي، ۇن، بالىق جانە بالىق ونىمدەرى، وسىمدىك مايى، قۇس ەتى جانە ماقتا تالشىقتارى شىعارىلادى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
