استانا: 
الماتى وبلىسىندا قۇرىلعان «مايتوبە-ەت» اۋىلشارۋاشىلىق وندىرىستىك كووپەراتيۆىنىڭ جۇمىسىمەن تانىسىپ، وڭىردەگى ەت ٴوندىرۋ مەن مال بورداقىلاۋ جۇمىستارىنىڭ بارىسىنا بايلانىستى پرەسس-تۋر ٴوتتى، دەپ حابارلايدى baq.kz ٴتىلشىسى.
بۇگىندە 26 شارۋاشىلىقتى بىرىكتىرىپ وتىرعان كووپەراتيۆ «اۋىل شارۋاشىلىعىن قارجىلاي قولداۋ قورى» اق قارجىلاندىرۋىن وبلىستا ٴبىرىنشى بولىپ قولعا العان. سونىڭ ناتيجەسىندە «بەرەكە» باعدارلاماسى بويىنشا كووپەراتيۆتىڭ 24 مۇشەسى 61،5 ملن تەڭگە نەسيە الىپ، 340 ٴىقم باسىن ساتىپ الىپ، بورداقىلاۋمەن اينالىسىپ وتىر.
«مايتوبە-ەت»ٴ-تىڭ تىنىس-تىرشىلىگىمەن تانىسقان باق وكىلدەرى شاعىن شارۋاشىلىقتار شىعارعان ونىمدەرىن كووپەراتيۆكە تاپسىرىپ، ٴبىرىنشى تابىستارىنا قول جەتكىزىپ وتىرعانىنىڭ كۋاسى بولدى.
كووپەراتيۆ ەت پەن شۇجىقتى الماتى، قاپشاعاي قالالارىنداعى ساۋدا ورىندارى ارقىلى وتكىزەدى. بۇگىنگى تاڭدا بۇل كووپەراتيۆتە 1200 توننا شۇجىق وندىرىلگەن.
«مەن 2،1 ميلليون تەڭگەنى مەملەكەتتەن تومەن پايىزبەن الدىم. بۇل اقشاعا بورداقىلاۋعا 11 بۇقا، مال ازىعىن ساتىپ الدىم. نەسيە مەرزىمى – 7 جىل، ۇستەمەسى – 6 پايىز. مۇنداي كومەك بۇرىن-سوڭدى بولماعان» - دەيدى قاراشوقى اۋىلىنىڭ تۇرعىنى الدانىش ساندۋعاش.
بۇل جۇمىس اگروونەركاسىپ كەشەنىن دامىتۋ باعدارلاماسىنىڭ اياسىندا اۋىلشارۋاشىلىق ٴونىم كولەمىن ارتتىرۋ جانە اۋىلدى جەرلەردە جاپپاي كاسىپكەرلىكتى دامىتۋ ماقساتىندا جۇرگىزىلۋدە.
«ٴبىز بىرنەشە ٴۇي بولىپ، كووپەراتيۆكە كىردىك. نەسيەگە العان مالدى كووپەراتيۆكە تاپسىرامىز، اقشاسىن كەشىكتىرمەي ەرتەڭىنە تولەيدى. باعاسى دا جاقسى. مەن وسىعان دەيىن جۇمىسسىز بولعانمىن. ٴقازىر تۇراقتى تۇردە تابىس كوزىنە يە بولىپ وتىرمىن. اۋىلداستارىمىز دا ٴبىزدىڭ جۇمىسىمىزدى كورىپ، كووپەراتيۆكە كىرەمىز دەپ جاتىر» - دەيدى قاراشوقى اۋىلىنىڭ تۇرعىنى جاكۋپوۆ ەربول.
سونىمەن قاتار، كووپەراتيۆ اينالىمدىق كاپيتالدى تولىقتىرۋ ماقساتىندا 6،5 ملن. تەڭگە نەسيە العان.
«قاراشوقى اۋىلىنان كووپەراتيۆكە 26 شارۋا كىردى. وسىعان دەيىن ٴبىز اۋىسىمعا 2 توننا ٴونىم بەرسەك، ٴقازىر ودان 2 ەسە كوپ شۇجىق شىعارامىز. جەرگىلىكتى تۇرعىنداردان ەتتى جاقسى باعامەن – كيلوگراممىنا 1250 تەڭگەدەن – قابىلدايمىز. ال ٴبىز ٴوزىمىزدىڭ جۇمىسىمىز ٴۇشىن قاجەتتى ەتتى تۇراقتى تۇردە الامىز. مال سويۋ جانە شۇجىق سەحتەرىن جالعا الىپ وتىرمىز. «اۋىل شارۋاشىلىعىن قارجىلاي قولداۋ قورىنان» 6،5 ملن الدىق. بولاشاقتا تاعى نەسيە الىپ، تەحنيكا مەن قۇرال-جابدىقتاردى ساتىپ الۋ جوسپارىمىز بار. قاجەتتى قۇرالداردىڭ باعاسى 2 ەسە بولادى، سەبەبى باعاسىنىڭ 50 پايىزىن مەملەكەت سۋبسيديالايدى» - دەيدى «مايتوبە-ەت» اۋىلشارۋاشىلىق وندىرىستىك كووپەراتيۆىنىڭ باسشىسى اقباسوۆ باياسىل.
جالپى، وتكەن جىلى قور فيليالى تاراپىنان ٴىقم باسىن بورداقىلاۋ بويىنشا 2،4 ملرد. تەڭگە باعىتتالدى، بۇل قارجىعا 16 مىڭ مال باسى ساتىپ الىنىپ، 700 مال بورداقىلاۋ الاڭى اشىلدى.
«الماتى وبلىسىندا 11 اۋىلشارۋاشىلىق وندىرىستىك كووپەراتيۆ قۇرىلىپ، 300-گە جۋىق جەكە شارۋاشىلىقتى بىرىكتىردى. قۇرىلعان كووپەراتيۆتەردىڭ ٴ7-ى – ٴسۇتتى جانە ٴ4-ى - ەتتى باعىتتا جۇمىس جاسايدى. 230 كووپەراتيۆ مۇشەسى قوردان جەڭىلدەتىلگەن نەسيە الدى. وبلىس بويىنشا 600 ملن تەڭگەگە 3000 جۋىق ٴىرى قارا مال باسى ساتىپ الىندى. بۇل جۇمىستىڭ ارقاسىندا 416 ادام جۇمىسپەن قامتىلىپ، تۇراقتى تابىس كوزىن الىپ وتىر. ال وندىرىلگەن ٴونىم وبلىستىڭ ٴسۇت زاۋىتتارى مەن ەت كومبيناتتارىنا جەتكىزىلۋدە» - دەيدى «اۋىل شارۋاشىلىعىن قارجىلاي قولداۋ قورى» اق الماتى فيليالىنىڭ ديرەكتورى يبادۋللايەۆ ٴمادي.
جالپى، وتكەن جىلى قوردىڭ الماتى وبلىس بويىنشا فيليالى 18 000 مال باسىن بورداقىلاۋ جوبالارىنا جالپى سوماسى 4،5 ملرد تەڭگە نەسيەلەدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2419 
0
3000
0