BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

مۇحتار تايجان ٴبىرىڭعاي اگرارلىق سالىقتى بەكىتۋدى ۇسىندى

استانا، baq.kz. بۇگىن «قازمەديا ورتالىعىندا» اۋىل شارۋاشىلىعى مينيسترلىگىنىڭ باستاماسىمەن اگروونەركاسىپ كەشەنى فورۋمىنىڭ العاشقى كۇنى ٴوتتى.

فورۋم اياسىندا اۋىلداعى ۇكىمەتتىك ەمەس ۇيىمداردى (ۇەۇ) دامىتۋ ماسەلەلەرى بويىنشا «ازاماتتىق قوعام جانە مەملەكەت: سەرىكتەستىك، ديالوگ جانە جاۋاپكەرشىلىك» اتتى رەسپۋبليكالىق كونفەرەنسيا ۇيىمداستىرىلدى.

سونداي-اق شارا اياسىندا اۋىلدىق ۇەۇ كواليسيانىڭ قۇرىلتاي كونفەرەنسياسى مەن تۇقىم ٴوسىرۋ شارۋاشىلىعىن دامىتۋ بويىنشا ديالوگ الاڭى ٴوتتى. اتالعاندارمەن قوسا اگروونەركاسىپ كەشەنىنىڭ سالالىق، ايماقتىق جانە ينفراقۇرىلىمدىق باعدارلامالارى، اگرارلىق عىلىم مەن بيزنەستى بىرىكتىرۋ بويىنشا ٴبىرقاتار سەسسيالار ۇيىمداستىرىلدى. جەردى ٴتيىمدى پايدالانۋ بويىنشا سەسسيادا مودەراتور رەتىندە مۇحتار تايجان ٴسوز سويلەدى.

قوعام بەلسەندىلەرىنىڭ باستاماشىل توبىنىڭ اتىنان ٴسوز سويلەگەن ول تەك قازاقستان تۇرعىندارى ٴۇشىن جەكەمەنشىك مۇلىك ينستيتۋتىنىڭ ورنىنا جالعا الۋ ينستيتۋتىن ەنگىزۋدى، ٴبىرىڭعاي اگرارلىق سالىقتى ورناتىپ، جەردى جەرسەرىك ارقىلى باقىلاۋدى زاڭداستىرۋدى ۇسىندى.

جينالعاندار ونى تولىق قولدادى. شارانى قورىتىندىلاي كەلە، قر اۋىل شارۋاشىلىعى ۆيسە-مينيسترى ب.بيسەنعاليەۆ قر جەر كودەكسىنە ەنگىزىلىپ وتىرعان تۇزەتۋلەر قوعام بەلسەندىلەرىنىڭ قاتىسۋىمەن جانە جازىلعان شارالاردى كەزەڭ-كەزەڭمەن ىسكە اسىرۋى ارقىلى وتەتىنىن ايتتى.

سونىمەن قاتار، بۇگىن استانادا «kazagro/kazfarm-2018» حالىقارالىق اۋىل شارۋاشىلىعى كورمەسى اشىلدى. ٴۇش كۇنگە جالعاساتىن شاراعا قازاقستاندىق جانە شەتەلدىك 300-گە جۋىق كومپانيا قاتىسىپ وتىر


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي