استانا: 
1305 
0
وبلىس اۋماعىندا وندىرىلەتىن مايلى ٴداندى داقىلداردىڭ تۇقىمى ەندى ەلىمىزدە عانا ەمەس، سونداي-اق، رەسەي مەن قىتاي نارىعىنا دا شىعارىلاتىن بولادى. بۇل تۋرالى وبلىس اكىمى دانيال احمەتوۆ تۇرعىندارعا ەسەپ بەرۋ كەزدەسۋىندە مالىمدەدى، دەپ حابارلايدى baq.kz.
گلۋبوكوە اۋدانىنىڭ وپىتنوە پولە اۋىلىنداعى ماي داقىلدارىنىڭ تاجىريبەلىك شارۋاشىلىعى ەلباسى نۇرسۇلتان نازاربايەۆتىڭ «قازاقستاننىڭ ٴۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىندا كورسەتىلگەن نەگىزگى باسىمدىلىقتاردى ىسكە اسىرۋعا كىرىسىپ كەتتى. حالىقارالىق يننوۆاسيالىق تەحنولوگيالاردى قولدانا وتىرىپ، گيبريدتى مايلى ٴداندى داقىلداردىڭ جاڭا سۇرپىن ويلاپ تاپقان كاسىپورىن اتالمىش جوبا اياسىندا ٴۇش جىل جۇمىس ىستەگەن. وسى ورايدا، مامانداردىڭ زاماناۋي ەۋروپالىق جانە امەريكالىق تەحنولوگيالاردى قولدانعانىن ايتا كەتكەن ورىندى.
وتكەن جىلى كۇنباعىس گيبريدىنىڭ ٴۇش سۇرىپى تۇقىمدىق سىنامادان وتكىزىلدى. بولاشاقتا كۇنباعىس تۇقىمىنىڭ بۇل ٴتۇرى قازاقستان، رەسەي، قىتاي نارىعىنىڭ 20 پايىزىن جاۋلاپ الۋى مۇمكىن.
بۇگىندە شىعىسقازاقستاندىق ماماندار شەتەلدىك ارىپتەستەرىمەن بىرگە ٴداندى داقىلداردىڭ جاڭا سۇرپىن ٴوندىرۋدى قولعا الدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0