كوكتەمگى ەگىس جۇمىستارىنا دايىندىق قانداي؟

فوتو: Фото: Казах-Зерно

«ەگىستىكتى ٴبىر رەت سىيلاماساڭ، ول سەنى توعىز رەت قينايدى». قازاقتا وسىنداي ماقال بار. سوندىقتان كوكتەمگى ەگىستىك جۇمىستارىنا مۇقيات بولعان ٴجون.

اۋىل شارۋاشىلىعى مينيسترلىگى تاراتقان مالىمەتكە سۇيەنسەك، كوكتەمگى ەگىس القابىنىڭ كولەمى 18،5 ملن گا جۋىقتايدى ەكەن.

كوكتەمگى ەگىس القابىنىڭ كولەمى 18،5 ملن گا جۋىقتايدى. ٴداندى داقىلدار 15،1 ملن گا جەرگە ەگىلەدى، ونىڭ ىشىندە بيداي – 12،1 ملن گا القاپقا سەبىلەدى، بۇل وتكەن جىلعى دەڭگەيمەن سالىستىرعاندا 339 مىڭ گا القاپقا ازايتىلعان.

«ٴداندى داقىلدار 15،1 ملن گا جەرگە ەگىلەدى. ونىڭ ىشىندە بيداي – 12،1 ملن گا القاپقا سەبىلەدى. بۇل وتكەن جىلعى دەڭگەيمەن سالىستىرعاندا 339 مىڭ گا القاپقا ازايتىلعان.سونىمەن قاتار سۋ سىڭىرەتىن داقىلدار القابىن ازايتۋ كوزدەلىپ وتىر: كۇرىش القابى – 1،9 مىڭ گا، ماقتا القابى – 4،6 مىڭ گا قىسقارتىلىپ، باسىمدىقتى داقىلدار القابى ارتتىرىلادى»، – دەيدى قر اۋىل شارۋاشىلىعى ۆيسە-مينيسترى قايرات ايتۋعانوۆ.

ونىڭ ايتۋىنشا، اعىمداعى جىلى اوك سۋبەكتىلەرىمەن كوكتەمگى ەگىس جانە ەگىن جيناۋ جۇمىستارىن جۇرگىزۋگە بيۋدجەتتەن 60 ملرد تەڭگە نەسيە بولىنگەن. وسى قاراجاتتىڭ شەڭبەرىندە جالپى 3 ملن گا ەگىستىك القاپتى قامتي وتىرىپ، 1500 اوك سۋبەكتىسىن قارجىلاندىرۋ كوزدەلىپ وتىر ەكەن. ٴبىرىنشى كەزەكتە مايلى داقىلدار مەن مال ازىعى داقىلدارى قارجىلاندىرىلادى.

"مەملەكەتتىك باعدارلامانىڭ اياسىندا اۋىل شارۋاشىلىعى تاۋار وندىرۋشىلەرىن جوعارى ساپالى تۇقىممەن قامتاماسىز ەتۋ ماقساتىندا تۇقىم شارۋاشىلىعىن قولداۋ مەxانيزمى جەتىلدىرىلدى. مىسالى، بيىلعى جىلدان باستاپ، بىرەگەي جانە ەليتالىق تۇقىمداردى سۋبسيديالاۋ قايتادان باستالاتىن بولادى. ال ٴبىرىنشى رەپرودۋكسيالى تۇقىمدار تەك باسىمدى داقىلدار بويىنشا جانە ەڭ تومەنگى نورماسىز سۋبسيديالاناتىن بولادى. بۇدان باسقا جەمىس-جيدەك داقىلدارى مەن ٴجۇزىمنىڭ ەليتالىق كوشەتتەرى جانە ٴبىرىنشى ۇرپاقتى بۋىندارىن سۋبسيديالاۋ جالعاستىرىلادى"، - دەيدى ٴبىرىنشى ۆيسە-مينيستر.

سونداي-اق ق. ايتۋعانوۆ اتاپ وتكەندەي، مال ازىعى داقىلدارى (ارپا، س ۇلى، دانگە جۇگەرى، بۇرشاق، نوقات) القابى 208 مىڭ گا، جارما داقىلدارى القابى 10 مىڭ گا ارتتىرىلادى. مايلى داقىلدار القابى 2،1 ملن گا دەيىن جەتكىزىلەدى، بۇل وتكەن جىلعى دەڭگەيمەن سالىستىرعاندا 58 مىڭ گا ارتىق، جەمشوپ داقىلدارى 4،1 ملن گا دەيىن (407 مىڭ گا ارتىق)، قانت قىزىلشاسى – 19،6 مىڭ گا دەيىن (6،7مىڭ گا ارتىق) ارتتىرىلادى.

وبلىستىق اۋىل شارۋاشىلىعى باسقارمالارىنىڭ مالىمەتتەرى بويىنشا 2017 جىلى الىناتىن ٴونىم رەتىندە 2،4 ملن توننادان استام اۋىل شارۋاشىلىعى داقىلدارىنىڭ تۇقىمى (قاجەتتىدەن 1،8% ارتىق)، ونىڭ ىشىندە ٴداندى داقىلدار تۇقىمى – 2 ملن توننا (2،3% ارتىق) سەبىلگەن. ەلىمىز بويىنشا 776 مىڭ توننا تۇقىم تەكسەرىلگەن، ونىڭ ىشىندە 99% سۇرىپتالدى. تۇقىمداردى سەبۋگە سايكەستەندىرۋ جۇمىستارى جالعاسىپ جاتىر.

اۋىل شارۋاشىلىعى تاۋارلارىن وندىرۋشىلەردى جوعارى ساپالى تۇقىمدارمەن قامتاماسىز ەتۋ ماقساتىندا مەملەكەتتىك باعدارلاما اياسىندا تۇقىم شارۋاشىلىعىن قولداۋ تەتىگى جەتىلدىرىلدى. ماسەلەن، بيىلدان باستاپ تۇپكى جانە تاڭداۋلى تۇقىمداردى سۋبسيديالاۋ قايتا جانداندىرىلادى، ال العاشقى رەپرودۋكسيا تۇقىمدارى تەك باسىمدىقتى داقىلدار بويىنشا، مينيمالدى نورمالارسىز سۋبسيديالاناتىن بولادى. سونىمەن بىرگە، جەمىس-جيدەكتەر مەن جۇزىمدەردىڭ تاڭداۋلى كوشەتتەرىن، ٴبىرىنشى بۋىنداعى گيبريدتەردى سۋبسيديالاۋ جالعاسادى.

ال وسى مينيسترلىكتىڭ ٴباسپاسوز حاتشىسى جاسۇلان ٴابدىحالىق وسى جىلعى كوكتەمگى ەگىس جۇمىستارىنا ارزانداتىلعان 370 مىڭ توننا جانار-جاعارماي بولگەنىن ايتىپ وتىر. ناۋرىز ايىنا بەلگىلەنگەن جانار-جاعارماي باعاسى – 107 تەڭگە (1ليتر ٴۇشىن).

«بيىل اۋىل شارۋاشىلىعى مينيسترلىگى كوكتەمگى ەگىستىك جۇمىستارىنا ارزانداتىلعان 370 مىڭ توننا جانار-جاعارماي ٴبولدى. ناقتىراق ايتساق، ناۋرىز ايىنا – 148 مىڭ توننا، ٴساۋىر ايىنا – 106،4 مىڭ توننا، مامىرعا – 118،6 مىڭ توننا، ماۋسىم ايىنا – 2 مىڭ توننا. وسى ايعا بەلگىلەنگەن، ارزانداتىلعان جانار-جاعارماي باعاسى 1ليتر ٴۇشىن 107 تەڭگە»، - دەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!