استانا: 
قازاقستانداعى جەمىس-كوكونىس بيزنەسى. ونىڭ جاعدايى، مۇمكىندىگى مەن دامۋ پەرسپەكتيۆاسى، سونداي-اق سالاداعى الەمدىك ترەند «قازاگرو» ۇلتتىق باسقارۋشى حولدينگىنىڭ قولداۋىمەن الماتىدا وتكەن حالىقارالىق كونفەرەنسيانىڭ باستى تاقىرىبى بولدى، دەيدى baq.ٴkzتىلشىسى.
فورۋم رەسپۋبليكانىڭ جەمىس-كوكونىس سالاسىنداعى باستى قاتىسۋشىلارى - جەمىس-كوكونىس ونىمدەرىن وندىرۋشىلەر مەن وڭدەۋشىلەردى، كوتەرمە جانە بولشەك ساۋدا وكىلدەرىن، يمپورتتاۋشىلار مەن ەكسپورتتاۋشىلاردى، جابدىقتاردى، تۇقىمدى جانە وسىمدىكتى قورعاۋ قۇرالدارىن جەتكىزۋشىلەردى، قارجى جانە ينۆەستيسيالىق ينستيتۋتتاردىڭ وكىلدەرىنىڭ باسىن قوستى.
«قازاقستاننىڭ جەمىس-كوكونىس بيزنەسى-2016» حالىقارالىق كونفەرەنسياسىنىڭ باعدارلاماسى جەمىس-كوكونىس نارىعىنا شەتەلدىك قاتىسۋشىلاردىڭ اراسىندا دا ۇلكەن قىزىعۋشىلىق تۋعىزدى. جالپى ٴىس-شاراعا الەمنىڭ 11 ەلىنەن شامامەن 200 ادام قاتىستى. ولاردىڭ قاتارىندا – باقشا ٴوسىرۋ جانە كوكونىس شارۋاشىلىعىنداعى ٴوسىرۋ، وڭدەۋ جانە ساقتاۋ سەكتورىنداعى «موداعا زاڭ شىعارۋشىلار» بار» - دەيدى ۇيىمداستىرۋشىلار.
رەسپۋبليكادا، قازىرگى ۋاقىتتا جەمىس-كوكونىس ونىمدەرىنىڭ وندىرىسىمەن، ىشكى نارىقتى مولىقتىرۋمەن جانە ەكسپورتپەن بايلانىستى ٴبىرقاتار ماسەلەلەر اشىق بولىپ وتىرعانى بەلگىلى. كوكونىس پەن جەمىسكە باعا قۇرۋ، اسىرەسە ماۋسىم ارالىق كەزەڭدەردەگى پروبلەمالار اسا وزەكتى بولىپ تابىلادى. فورۋمدا قالىپتاسقان ورتاق پىكىر بويىنشا نارىقتىڭ كاسىبي قاتىسۋشىلارىنىڭ، مەملەكەتتىك ورگانداردى جانە دامۋ ينستيتۋتتارىن قوسا العانداعى قاتىسۋشىلار اراسىنداعى اقپاراتپەن جانە تاجىريبەمەن تىكەلەي الماسۋ وسى ماسەلەلەردى شەشۋ بويىنشا قابىلداناتىن شارالارعا كومەگىن تيگىزەدى.
كونفەرەنسيانى ۇيىمداستىرۋشىلارمەن («قازاگروماركەتينگ» اق جانە ۋكراينانىڭ «اپك-ينفورم» كومپانياسى) وتە تىعىز، جانە سونىمەن بىرگە تولىققاندى كۇن ٴتارتىبىنىڭ باعدارلاماسى جاسالعانىن ايتا كەتۋ قاجەت.
ٴوز كەزەگىندە، جەمىس-كوكونىس شارۋاشىلىعىنداعى جوبالاردى قولداۋدىڭ قارجى قۇرالدارى تۋرالى «قازاگرو» حولدينگىنىڭ باسقارما ٴتوراعاسى نۇرلىبەك مالەلوۆ ايتىپ بەردى. وتاندىق فەرمەرلەردى قولداۋ جانە ماۋسىم ارالىق كەزەڭدەگى قاجەتتىلىكتى وتەۋ ماقساتىندا، «قازاگرو» ۇلتتىق حولدينگىمەن كەلەسى ينۆەستيسيالىق باعىتتار قارجىلاندىرىلدى:
- جىلىجاي قۇرىلىسى بويىنشا (46،5 ملرد. تەڭگەنىڭ 41 جوباسى ماقۇلداندى، جيىنتىق ٴوندىرىس قۋاتتىلىعى جىلىنا 63 مىڭ توننا جەمىس-كوكونىس ٴونىمى، الاڭى 147 گا.، ونىڭ ىشىندە 33 جوبا ىسكە قوسىلدى). ولاردىڭ ىشىندەگى اسا تانىمالى - «green land alatau» جشس (الماتى وبلىسى)، «ادەليا» شق (وقو)، «تەپليچنىە تەحنولوگيي كازاحستانا» جشس (اقمولا وبلىسى).
- سۋارۋ جۇيەلەرىن قولدانۋ ارقىلى ٴونىم ٴوندىرۋ بويىنشا (قۇنى 19 ملرد. تەڭگەنىڭ 66 جوباسى ماقۇلداندى، جيىنتىق ٴوندىرىس قۋاتتىلىعى جىلىنا 239 مىڭ توننا جەمىس-كوكونىس ٴونىمى. سونىڭ ىشىندە، 63 جوبا ىسكە قوسىلدى). "ارعىن" شق (قاراعاندى وبلىسى)، ايداربايەۆ شق (الماتى وبلىسى.) اتاپ وتۋگە بولادى.
- باۋ-باقشالار سالۋ جانە دامىتۋ بويىنشا (قۇنى 6 ملرد. تەڭگەنىڭ 14 جوباسى ماقۇلداندى، جيىنتىق ٴوندىرىس قۋاتتىلىعى جىلىنا 31مىڭ توننا جەمىس-كوكونىس ٴونىمى. بارلىق 14 جوبا پايدالانۋعا بەرىلدى). ولاردىڭ ىشىندەگى اسا تانىمالى - «امانكەلدi» جشس (وقو)، "alma green fields" جشس (الماتى وبلىسى).
«حولدينگپەن قارجىلاندىرىلعان جوبالار جوبالىق قۋاتتىلىعىنا شىققان كەزدە جىلىنا 530 مىڭ توننادان استام جەمىس-كوكونىس ٴونىمىنىڭ ٴوندىرىسىن قامتاماسىز ەتەدى. وندىرىلگەن ٴونىمدى ساقتاۋ ينفراقۇرىلىمىن دامىتۋ شەڭبەرىندە، حولدينگ كوكونىس ساقتاۋ قويماسىنىڭ قۇرىلىسى مەن جاڭارتۋ جونىندەگى جوبانى قارجىلاندىرادى» - دەدى «قازاگور» ۇح باسقارما ٴتوراعاسى.
بۇل باعىت بويىنشا قۇنى 16،7 ملرد.تەڭگەنىڭ 44 جوباسى ماقۇلداندى، ٴبىرجولعى ساقتاۋدىڭ جيىنتىق سىيىمدىلىعى 185 مىڭ توننا، ونىڭ ىشىندە 41 جوبا پايدالانۋعا بەرىلگەن. ونىڭ قاتارىندا - «kazakh cool» جشس (الماتى وبلىسى)، «فيرما اكتوگاي-اگرو» جشس (پاۆلودار وبلىسى)
بۇگىنگى تاڭدا «قازاگرو» حولدينگىمەن كونسەرۆىلەنگەن كوكونىس پەن جەمىس ٴوندىرىسىنىڭ كولەمىن ۇلعايتۋ ماقساتىندا، اۋىلشارۋاشىلىق ٴونىمىن قايتا وڭدەۋ، سونىڭ ىشىندە جەمىس-كوكونىس بويىنشا جوبالاردى ليزينگ مەحانيزمى ارقىلى قارجىلاندىرۋ باعدارلاماسى ازىرلەندى. قازىرگى ۋاقىتتا وسى باعىتتا 650 ملن.تەڭگە سوماسىنا 3 جوبا پايدالانۋعا بەرىلدى، جالپى ٴوندىرىس قۋاتتىلىعى جىلىنا 260 مىڭ ليتر شىرىن جانە جىلىنا 50 مىڭ توننا ٴونىم شىعارادى. اڭگىمە، «التىن الما» جشس، وقو – شىرىن، «يسسىكسكيي پلودوكونسەرۆنىي زاۆود» جشس، الماتى وبلىسى – توماتتى قايتا وڭدەۋ، «اگرو قورداي» جشس، جامبىل وبلىسى – كەپتىرىلگەن جەمىستەر مەن كوكونىس ٴوندىرىسى جوبالارى تۋرالى بولدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
1298 
0
3000
0