BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستانعا الەمنىڭ ونشاقتى ەلىنەن مال تاسىمالداۋعا تىيىم سالىنعان

استانا، baq.kz. قازاقستانعا الەمنىڭ ونداعان ەلىنەن مال تاسىمالداۋعا تىيىم سالىنعان. ٴبىراق شارۋالار كەلىسىمشارت جاساساردا ونى ەسكەرە بەرمەيدى.

«حابار 24» ارناسىنىڭ جازۋىنا قاراعاندا، سالدارىنان قىرۋار شىعىنعا باتىپ، بيزنەس جوسپارلارى كۇل-تالقان بولادى. ٴدال سولاي ٴبىزدىڭ ەلدەن ٴتورت تۇلىك ساتىپ العىسى كەلەتىن شەتەلدىكتەر دە تىعىرىققا تىرەلىپ جاتادى. ەڭ قىزىعى – شەتتەن اكەلىنەتىن مال ساۋ دا بولۋى مۇمكىن. ٴبىراق سول وڭىردە اۋرۋدىڭ بەلگىلەرى بايقالىپ، ارنايى تىزىمگە الىنسا، تاۋەكەلگە بارماۋعا كەڭەس بەرەدى ماماندار. قىسقاسى، ساقتىقتا قورلىق جوق. ال شەكتەۋ قويىلعان ايماقتاردى اۋىل شارۋاشىلىعى مينيسترلىگىنىڭ سايتىنان كورۋگە بولادى. ول جەردە ٴدال ٴقازىر 182 ٴوڭىر جانە ونىڭ سەبەپتەرى تايعا تاڭبا باسقانداي كورىنىپ تۇر. ۋاقىت وتە كەي تارماقتار الىنىپ، باسقالارى قوسىلۋى مۇمكىن. ەڭ وكىشىنتىسى – شەتەلدىك ارىپتەستەرىمەن كەلىسىم جاساساردا شارۋالار وسىنى ەسكەرە بەرمەيدى.

"شەتتەن مال اكەلگىسى كەلەتىن فەرمەر ەڭ الدىمەن سول ايماقتى جاقسىلاپ زەرتتەپ، ۆەتەرينارلىق باقىلاۋ كوميتەتىمەن بىرگە ناقتى جوسپار قۇرۋ كەرەك. اسىرەسە، مالدى رەسەي جانە قازاقستان ارقىلى الىپ ٴجۇرۋدىڭ سىزباسىن جاسايدى. وعان رۇقسات بەرەتىن قۇجاتتاردى رەتتەيدى. ايتپەسە، ٴوزىڭىز بىلەسىز عوي، اۋرۋى بار مال كەلسە، باسقالارىن دا جاپپاي بۇلدىرەدى. سوندىقتان ۆەتەرينارلىق باقىلاۋ جانە قاداعالاۋ كوميتەتىنىڭ تالاپتارىنا نەمقۇرايلى قاراۋعا بولمايدى" - دەيدى «قازاگرو» ۇبح» باسقارۋشى ديرەكتورى اسىلحان جۇباشەۆ.

ٴدال وسىنداي شەكتەۋلەر تەك مال تاسىمالىنا عانا ەمەس، كەز كەلگەن اۋىل شارۋاشىلىعى ونىمدەرىنە دە قويىلادى. ماسەلەن، قازان ايىندا وسىمدىكتەر كارانتينى بويىنشا مەملەكەتتىك ينسپەكتورلار 497 توننا زاڭسىز تاسىمالدانعان وسىمدىك ونىمدەرىنىڭ جولىن كەسىپ، رەسەيگە كەرى قايتارعان بولاتىن. ونىڭ ىشىندە 43 توننا بيداي كەبەگى، 21 توننا تاعامدىق كارتوپ بار. ٴدال سولاي جۋىردا پەتروپاۆلداعى ەت وڭدەۋ كاسىپورنى دا تىعىرىققا تاپ بولدى. رەسەي شەكاراسىنان ونىمدەرى كەرى قايتىپ، كەيىن ٴتىپتى ەكسپورتتى مۇلدە توقتاتتى.

ماماندار «ەگەر الدىن الا ساقتانباساق، كەيىن زاردابى ودان دا زور بولۋى مۇمكىن» دەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي