قازاقستاندا جاڭا جىلىجاي كەشەنى ىسكە قوسىلادى

قازاقستاندا ونەركاسىپ تۇرىندەگى كەزەكتى جىلىجاي كەشەنىن ىسكە قوسۋ جوسپارلاندى، دەپ حابارلايدى baq.kz.

اقتوبە وبلىسىندا 9،5 گا الاڭدا «greenhouse kazakhstan» جشس جىلىجاي كەشەنىنىڭ قۇرىلىسىن اياقتادى. بيىلعى جىلدىڭ ٴساۋىر ايىندا رەسمي تۇردە پايدالانۋعا بەرۋ كوزدەلگەن نىسان، «قازاگرو» ۇلتتىق حولدينگىنىڭ جەلىسى بويىنشا قارجىلاندىرىلعان ٴىرى جوبالاردىڭ قاتارىنا كىرەدى. كەشەننىڭ جالپى قۇنى - 4،9 ملرد. تەڭگە، ونىڭ 3،4 ملرد. تەڭگەسى ينۆەستيسيالىق جوبالاردى ىسكە اسىرۋ شەڭبەرىندە حولدينگتىڭ قۇرىلىمىنداعى «قازاگروقارجى» اق قارجىلاندىرىلدى.

حولدينگتىڭ ٴباسپاسوز قىزمەتىنىڭ مالىمەتىنشە، قۋاتتىلىعى جىلىنا 5700 تونناعا دەيىنگى ٴونىم شىعاراتىن جوبانى ىسكە اسىرۋ ايماقتا جاڭا جۇمىس ورىندارىن قۇرۋعا ىقپالىن تيگىزەدى، ەڭبەك ونىمدىلىگىن ارتتىرادى، سونداي-اق رەسپۋبليكانىڭ ىشكى نارىعىندا ٴوزى وندىرەتىن باسەكەگە قابىلەتتى جەمىس-كوكونىس ٴونىمىنىڭ ۇلەسىن ۇلعايتادى.

بۇگىنگى تاڭدا، نەگىزگى قۇرىلىس-مونتاج جۇمىستارى اياقتالدى. جوبانىڭ شەڭبەرىندە كەشەننىڭ جانە بارلىق قاجەت مەتالل كونسترۋكسياسى قۇراستىرىلعان، 100 000 ش.م. استام اينەك ورنالاستىرىلعان، ەلەكتر كابەلدەرى مەن قۇبىرلار جۇرگىزىلگەن جانە باسقا جۇمىستار جاسالعان.

ايتا كەتەيىك، بۇگىنگى كۇنى «قازاگرو» ۇلتتىق كومپانياسى توبىمەن جىلىجاي قۇرۋ بويىنشا جالپى قۇنى شامامەن 47 ملرد.تەڭگەنىڭ 41 جوباسى قارجىلاندىرىلعان. ونىڭ جالپى الاڭى 119 گا جانە وندىرىستىك قۋاتى 47 مىڭ توننا بولاتىن 36 جىلىجايى ىسكە قوسىلدى. بۇل نىسانداردى ىسكە قوسۋ بارىسىندا 1464 جۇمىس ورنى قۇرىلدى.

تەگي
• قازاگرو، اگرو، اۋىل شارۋاشىلىق، جىلىجاي

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!