BAQ.kz - Қазақстан жаңалықтары USD 378.17 BAQ.kz - Қазақстан жаңалықтары EUR 429.11 BAQ.kz - Қазақстан жаңалықтары RUB 5.88
استانا:

قازاقستاندا ەت، ٴسۇت جانە جۇمىرتقا ٴوندىرىسى ٴوستى

فوتو: ternopil.te.ua

استانا، baq.kz. ٴبىر جىل ىشىندە ٴىرى-قارا مال سانى 5 %، تۇيە 6%، ال جىلقى سانى 7% وسكەن. بۇل تۋرالى energyprom.kz سايتى حابارلايدى.

2018 جىلدىڭ قاڭتار-قاراشا ايلارى ارالىعىندا مال شارۋاشىلىعىنىڭ جالپى ٴونىمى 13%، ياعني 1،8 ترلن تەڭگەگە وسكەن.

ەڭ جوعارى كورسەتكىش الماتى (ٴبىر جىل ىشىندە 309،1 ملرد تگ، +16،5%)، شىعىس قازاقستان (254 ملرد تگ، +11%) جانە تۇركىستان وبلىستارىندا (228،7 ملرد تگ) بولدى.

اۋىل شارۋاشىلىعى مينيسترلىگىنىڭ سالالىق باعدارلاماسى بويىنشا الداعى 10 جىلدا ٴسۇت جانە قۇس ەتىن ٴوندىرۋدى ٴۇش ەسەگە ارتتىرۋ جوسپارلانىپ وتىر. 2021 جىلعا دەيىن اقمولا جانە قاراعاندى وبلىستارىندا ەت كومبيناتى مەن 16 ٴسۇت فەرماسى سالىنادى. مۇنىڭ بارلىعى ٴسۇت ونىمدەرىنە جانە تاۋىق ەتىنە يمپورتتىق تاۋەلدىلىكتى جويۋدىڭ ناقتى قادامدارى.

مال شارۋاشىلىعى سالاسىندا سوڭعى 11 ايدا وندىرىلگەن جۇمىرتقالاردىڭ سانى 10،6% -عا،ياعني 5،1 ملرد داناعا دەيىن ايتارلىقتاي ٴوستى.

ٴتورت تۇلىك پەن قۇس ەتىنىڭ سانى دا جىلدان-جىلعا ارتىپ كەلەدى. ماسەلەن، ٴبىر جىل ىشىندە جىلقى سانى 7،3% -عا، ياعني 2،5 ميلليون باسقا دەيىن ٴوستى. تۇيە سانى 6،5%، ياعني 203 مىڭ باسقا دەيىن، ال ٴىرى-قارا مال سانى 7 ميلليون باسقا دەيىن ٴوستى.

ٴۇي قۇستارىنىڭ سانى 9%، ياعني 45،3 ميلليونعا دەيىن وسكەن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي