قازاقستاندا 204 ليسەنزيالانعان استىق قابىلداۋ كاسىپورنى جۇمىس ىستەيدى. بۇل تۋرالى بۇگىن ۇكىمەت وتىرىسىندا قر اۋىل شارۋاشىلىعى ٴبىرىنشى ۆيسە-مينيسترى قايرات ايتۋعانوۆ ٴمالىم ەتتى، دەپ حابارلايدى قازاقپارات اگەنتتىگى.
استانا: 
1118 
0
قازاقستاندا 204 ليسەنزيالانعان استىق قابىلداۋ كاسىپورنى جۇمىس ىستەيدى. بۇل تۋرالى بۇگىن ۇكىمەت وتىرىسىندا قر اۋىل شارۋاشىلىعى ٴبىرىنشى ۆيسە-مينيسترى قايرات ايتۋعانوۆ ٴمالىم ەتتى، دەپ حابارلايدى قازاقپارات اگەنتتىگى.
«قازىرگى تاڭدا رەسپۋبليكادا جالپى ساقتاۋ سىيىمدىلىعى شامامەن 13،8 ملن. توننانى قۇرايتىن 204 ليسەنزيالانعان استىق قابىلداۋ كاسىپورنى جۇمىس ىستەيدى. بۇدان باسقا، اۋىل شارۋاشىلىعى تاۋارىن وندىرۋشىلەردە 12،8 ملن. توننا استىققا ارنالعان ساقتاۋ سىيىمدىلىعى بار. وسىلايشا، قولدا بار استىق ساقتاۋ ورىندارىنىڭ جالپى كولەمى 26،6 ملن. توننانى قۇرايدى. بۇل كۇتىلىپ وتىرعان جاڭا استىق ٴتۇسىمىن ەسەپكە العاندا، استىق ساقتاۋ ٴۇشىن جەتكىلىكتى»، - دەدى ق.ايتۋعانوۆ.
بەلگىلى بولعانداي، اعىمداعى جىلعى 1 شىلدەدەگى جاعداي بويىنشا رەسپۋبليكانىڭ استىق قابىلداۋ كاسىپورىندارىندا 1،6 ملن. توننادان استام استىق ساقتالۋدا. ونىڭ ىشىندە، نەگىزگى ەگىن ەگەتىن ٴۇش وبلىستىڭ استىق قابىلداۋ كاسىپورىندارىندا 1،4 ملن. توننا استىق ساقتاۋدا. ياعني، اقمولا وبلىسى - 536،5 مىڭ توننا، قوستاناي وبلىسى - 391،5 مىڭ توننا، سونداي-اق سولتۇستىك قازاقستان وبلىسى 488،6 مىڭ توننانى ساقتاپ وتىر.
مينيسترلىك مالىمەتىنشە، 2016 جىلى بارلىق اۋىل شارۋاشىلىعى داقىلدارىنىڭ ەگىس الاڭى 21،7 ملن. گەكتاردى قۇرادى، ونىڭ ىشىندە ٴداندى داقىلدار - 15،2 ملن. گەكتاردى، بيداي 12،2 ملن. گەكتاردى قۇرايدى. مايلى داقىلدار 1،9 ملن. گەكتار، جەمشوپتىك داقىلدار - 4،0 ملن. گەكتار، ماقتا - 109،3 مىڭ گەكتار، قانت قىزىلشاسى - 12،1 مىڭ گەكتار، كارتوپ پەن كوكونىس باقشا داقىلدارى تيىسىنشە 183،7 جانە 230،0 مىڭ گەكتار القاپتا ورنالاستىرىلدى.
بۇل رەتتە، 2015 جىلمەن سالىستىرعاندا بيدايدىڭ الاڭى 441،4 مىڭ گەكتارعا، ٴداندى-بۇرشاقتى داقىلدار الاڭى 26،3 مىڭ گەكتارعا، ماقتا الاڭى 10،1 مىڭ گەكتارعا، قانت قىزىلشاسى 2،7 مىڭ گەكتارعا ۇلعايدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0