1400 
0
قازاقستان رەسپۋبليكاسىندا 204 ليسەنزيالاندىرىلعان استىق قابىلداۋ كاسىپورىنى بار، دەپ حابارلايدى baq.kz ٴتىلشىسى قر اشم ٴباسپاسوز قىزمەتىنە سىلتەمە جاساپ.
استانا: 
قازاقستان رەسپۋبليكاسىندا 204 ليسەنزيالاندىرىلعان استىق قابىلداۋ كاسىپورىنى بار، دەپ حابارلايدى baq.kz ٴتىلشىسى قر اشم ٴباسپاسوز قىزمەتىنە سىلتەمە جاساپ.
ونىڭ ىشىندە 190 جەلىلىك تۇردەگى، ال 14 – تەرەڭدىك تۇردە. استىق قابىلداۋ كاسىپورىندارىنىڭ ەلەۆاتورلىق كولەمى 8 726،2 مىڭ توننانى قۇراسا، قويمالىق كولەمى – 5 070 مىڭ توننا. جالپى اقك قۋاتى – 13 796،2 مىڭ توننا.
61 استىق قابىلداۋ كاسىپورىنى اقمولا وبلىسىندا ورنالاسقان. ولاردىڭ قۋاتى 3 865،6 مىڭ توننانى قۇرايدى. الايدا، قوستاناي وبلىسىندا استىق قابىلداۋ كاسىپورىنىنىڭ سانى از بولعانىنمەن (42 كاسىپورىن)، ولاردىڭ جالپى كولەمى 3 944،1 مىڭ تونناعا جەتەدى.
سولتۇستىك-قازاقستان وبلىسىنداعى استىق قابىلداۋ كاسىپورىنى سانى 52-گە جەتەدى (كولەمى – 3 532،5 مىڭ توننا). شىعىس-قازاقستاندا 496،6 مىڭ توننا استىق ورنالاستىرا الاتىن 10 قابىلداۋ كاسىپورنى بار.
قالعان 39 قابىلداۋ كاسىپورىندارى قازاقستاننىڭ باسقا وڭىرلەرىندە ورنالاسقان. ولار بارلىعى 1 957،4 مىڭ توننا استىق قابىلداي الادى.
ەسكە سالا كەتسەك، 2016 جىلدىڭ 23 شىلدەسىنەن باستاپ استىق قولحاتتارى ەلەكتروندى فورماتقا كوشتى.
استىق قابىلداۋ كاسىپورىندارىنىڭ ورنالاسقان جەرىن minagro.kz اتتى سايتتان بىلە الاسىزدار.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0