استانا: 
1125 
0
يران مەملەكەتى قازاقستاندىق استىقتىڭ ٴداستۇرلى يمپورتتاۋشىسى بولىپ تابىلادى. ساۋدا-ەكونوميكالىق جانە دوستاستىق قارىم-قاتىناستى ەسكەرە وتىرىپ، استىق جونەلتۋ باعىتىنداعى يران قازاقستان ٴۇشىن ۇلكەن ماڭىزى بار. ەكى ەل اراسىندا استىق ساۋداسى قارقىندى دامىپ كەلەدى، دەپ حابارلايدى baq.kz قر اشم ٴباسپاسوز قىزمەتىنە سىلتەمە جاساپ.
2011 جىلدان 2015 جىل ارالىعىندا يران مەملەكەتى قازاقستاننان 4 ملن توننادان (2011 جىلى – 401،3 مىڭ توننا، 2012 جىلى – 950،2 مىڭ توننا، 2013 جىلى – 757،6 مىڭ توننا، 2014 جىلى – 1 166،1 مىڭ توننا، 2015 جىلى – 758،3 مىڭ توننا) استام استىق ساتىپ الدى.
2016 جىلدىڭ قاڭتار-ماۋسىم ارالىعىندا يرانعا 529،7 مىڭ توننا ٴداندى داقىلدار ساتىلدى، ونىڭ ىشىندە استىقتىڭ مولشەرى 222،1 مىڭ توننا.
بۇدان باسقا ٴىس-شارالارعا توقتاي كەتسەك ۇستىمىزدەگى جىلدىڭ 11-12 ساۋىرىندە قازاقستان رەسپۋبليكاسى پرەزيدەنتىنىڭ يرانعا رەسمي ساپارى بارىسىندا يران يسلام رەسپۋبليكاسى جانە قازاقستان رەسپۋبليكاسى ۇكىمەتتەرىنىڭ اراسىندا وسىمدىكتەردى قورعاۋ جانە كارانتينى سالاسىنداعى كەلىسىمنىڭ جوباسىنا قول قويىلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
3000
0