استانا: 
1594 
0
2016-2017 جىلدارى ەكونوميكالىق ٴوسىمدى ىنتالاندىرۋ جانە جۇمىسپەن قامتۋ بويىنشا قوسىمشا شارالار شەڭبەرىندە «قازاگرو» حولدينگىنە رەسپۋبليكالىق بيۋدجەتتەن 51،7 ملرد. تەڭگە ٴبولىندى. بۇل تۋرالى بۇگىنگى بريفينگ بارىسىندا «قازاگرو» ۇلتتىق باسقارۋشى حولدينگى» اق باسقارما ٴتوراعاسىنىڭ ورىنباسارى ايگۇل مۇحاماديەۆا ايتتى، دەيدى baq.kz ٴتىلشىسى.
قاراجات اعىمداعى جىلدىڭ 1 شىلدەسىندەگى «يندۋستريالاندىرۋ قورىتىندىلارى تۋرالى» كەڭەستە مەملەكەت باسشىسىنىڭ ايتقان باعىتتارىن قارجىلاندىرۋعا جۇمسالادى. اڭگىمە ٴونىمدى جۇمىسپەن قامتۋدى جوعارىلاتۋعا جانە تۇرعىنداردىڭ تابىستارىن ارتتىرۋعا كومەك بەرۋگە باعىتتالعان جوبالاردى قولداۋ تۋرالى، سونداي-اق اۋىلشارۋاشىلىق ونىمدەرىنىڭ ەكسپورتىن ۇلعايتۋمەن بايلانىستى جوبالار تۋرالى بولدى.
«قازاگرو» ۇلتتىق حولدينگىنىڭ وكىلى اتاپ وتكەندەي، ٴقازىردىڭ وزىندە ٴسۇت قابىلداۋ پۋنكتتەرىنىڭ جەلىسىن قۇرۋعا جانە وتباسىلىق ٴسۇت فەرمالارىن قولداۋعا; وتباسىلىق بورداقىلاۋ الاڭدارىن قۇرۋعا جانە ونىڭ بازاسىندا اۋىلشارۋاشىلىق كووپەراتيۆتەرىن ۇيىمداستىرۋعا; اۋىلشارۋاشىلىق كووپەراتيۆتەرىن قۇرۋعا جانە جەمىس-كوكونىس ٴوسىرۋ بويىنشا جەكە قوسالقى شارۋاشىلىق (جقش) قۇرۋعا ارنالعان جوبالاردى قارجىلاندىرۋ بويىنشا جۇمىستار اتقارىلۋدا.
«قازاگرو» حولدينگى «جۇمىسپەن قامتۋدىڭ جول كارتاسى-2020» شەڭبەرىندە شاعىن نەسيەلەۋگە الىنعان قاراجات ەسەبىنەن، جانە حولدينگتىڭ مەنشىكتى قاراجاتى ەسەبىنەن جوبالاردى قارجىلاندىرۋ بويىنشا جۇمىستى باستاپ كەتتى. ٴقازىر، رەسپۋبليكالىق بيۋدجەتتىڭ قاراجاتىن پايدالانىپ، حولدينگ قارجىلاندىرۋعا 10،5 ملرد.تەڭگە قاراجاتتى قوسىمشا باعىتتاۋدى جوسپارلايدى" - دەيدى ايگۇل مۇحاماديەۆا.
ونىڭ ايتۋىنشا، جوبالاردى قارجىلاندىرۋ جىلدىق 6%-دان اسپايتىن جەڭىلدىكتى مولشەرلەمە بويىنشا جۇزەگە اسىرىلادى جانە 9 000-نان استام جۇمىس ورنى قۇرىلادى. بۇدان باسقا، ەت، ٴسۇت، جەمىس پەن كوكونىستىڭ ٴوندىرىسى بويىنشا 192 مىڭ جەكە قوسالقى شارۋاشىلىقتى بەيرەسمي اينالىمنان شىعارۋعا مۇمكىندىك بەرەدى، ٴسۇت زاۋىتتارى مەن ەت كومبيناتىنىڭ وندىرىستىك قۋاتتارىن ارتتىرادى، سالىق تولەمىنىڭ ٴتۇسىمىن ۇلعايتادى.
اۋىلشارۋاشىلىق ونىمدەرىنىڭ ەكسپورتىن ارتتىرۋعا كومەك بەرۋ شەڭبەرىندە «قازاگرو» حولدينگىمەن حالىقارالىق تالاپتارعا ساي سيىر ەتى، شوشقا ەتى، قۇس ەتى، سونداي-اق وسىمدىك مايى، جەمىس-كوكونىس ونىمدەرى مەن ونىڭ وڭدەلگەن ونىمدەرىنىڭ وندىرىسىنە باعىتتالعان ەكسپورتقا باعدارلانعان ينۆەستيسيالىق جوبالاردى قارجىلاندىرۋ جوسپارلانادى.
قازىرگى ۋاقىتتا وسى باعىت بويىنشا قاراستىرۋدا 43 جوبا بار. «قازاگرو» حولدينگى وتىنىمدەردى قابىلداۋدى جالعاستىرۋدا.
بريفينگتە اتاپ وتىلگەندەي، ۇلت جوسپارى – 100 ناقتى قادام بەس ينستيتۋسيونالدىق رەفورماسىن جۇزەگە اسىرۋ اياسىندا «قازاگرو» حولدينگى ەكى قادامدى ىسكە اسىرۋعا ات سالىسادى: 60 قادام – ٴسۇت جانە ٴسۇت ونىمدەرى ٴوندىرىسىن دامىتۋ ٴۇشىن ستراتەگيالىق ينۆەستورلاردى تارتۋ جانە 61 قادام – ەتتى قايتادان وڭدەۋ مەن ونىڭ ٴوندىرىسىن دامىتۋ ٴۇشىن ستراتەگيالىق ينۆەستورلاردى تارتۋ.
"ولاردى ىسكە اسىرۋ بارىسىندا حولدينگ جەمشوپ ٴوندىرىسىن دامىتۋدى، ٴسۇت جيناۋ ورتالىعى مەن ٴسۇتتى قايتا وڭدەۋ كەشەندەرى بار ٴسۇت-تاۋارلى فەرمالاردى قۇراتىن ٴسۇت كلاستەرىن قارجىلاندىرۋدى جۇزەگە اسىراتىن بولادى. بۇدان باسقا، قاراجات ٴىقم انالىق باسىن جانە قوي ساتىپ الۋعا، ٴىقم ٴۇشىن بورداقىلاۋ الاڭىنىڭ قۇرىلىسىن قارجىلاندىرۋعا، قولدانىستاعى ەتتتى قايتا وڭدەۋ كەشەندەرىن جاڭارتۋ جانە جاڭاسىن قۇرۋعا، سونداي-اق جەمشوپ ٴوندىرىسىن دامىتۋعا باعىتتالاتىن بولادى" - دەدى باسقارما ٴتوراعاسىنىڭ ورىنباسارى.
ەت پەن ٴسۇتتى قايتا وڭدەيتىن جانە وندىرەتىن جوبالاردى قارجىلاندىرۋ كوزى، ۇكىمەتتىڭ شەشىمىنە سايكەس حولدينگكە ٴبىرىڭعاي زەينەتاقى جيناقتاۋشى قورىنان بولىنەتىن قارجى ەسەبىنەن بولىپ تابىلادى.
ٴبىرىڭعاي زەينەتاقى جيناقتاۋشى قورىنان قارجى ٴبولۋ مەحانيزمى: حولدينگتىڭ وبليگاسيالارىن جىلدىق 14% مولشەرلەمە بويىنشا 10 جىلعا، جىلدىق 15 % مولشەرلەمە بويىنشا 15 جىلعا شىعارۋ جانە ورنالاستىرۋ ارقىلى جۇزەگە اسىرىلادى.
وسى رەتتە، «قازاگرو» حولدينگىنىڭ وكىلى اتاپ وتكەندەي، سوڭعى قارىز الۋشىلار ٴۇشىن (ٴاشتو) اتالعان قارجىلاردىڭ قۇنى جىلدىق 19 % مولشەرلەمەدەن تومەن بولمايدى، بۇل قاراجاتتىڭ ورنالاستىرىلماۋىنا جانە قايتارىلماۋىنا اكەپ سوقتىرادى.
سوندىقتان، نەسيە رەسۋرستارىنىڭ قۇنىن تومەندەتۋ ماقساتىندا، حولدينگ تاراپىنان بيۋدجەتتەن تىس قارجى كوزىنەن تارتىلاتىن قىمبات قارجىلاردى رەسپۋبليكالىق بيۋدجەت قاراجاتى ەسەبىنەن بولىنەتىن قارجىلارمەن رەتتەۋدىڭ مەحانيزمى پىسىقتالىپ جانە بەكىتىلدى. وسىلايشا، سوڭعى قارىز الۋشى ٴۇشىن بەلگىلەنگەن مولشەرلەمە جىلدىق 11،5 %-دان اسپايتىن بولادى.
حولدينگ كومپانيالار توبىنداعى تاعى ٴبىر ماڭىزدى باعىت – اۋىلدىق كووپەراتيۆتەردى دامىتۋدى قولداۋ.
2006 جىلدان باستاپ «اگرارلىق نەسيە كورپوراسياسىمەن» اۋىلدىق تۇتىنۋ كووپەراتيۆتەرى مەن اۋىل تۇرعىندارى ٴۇشىن بىرلەسكەن ٴوندىرىستى دامىتۋ، دايىنداۋ مەن تۇتىنۋ، ساقتاۋ، اۋىل شارۋاشىلىق ونىمدەرىن تاسىمالداۋ، تاۋارلى-ماتەريالدىق قۇندىلىقتاردى جابدىقتاۋ باعدارلاماسىن جۇزەگە اسىرۋمەن اينالىسادى. بۇل باعدارلاما بويىنشا جالپى سوماسى 12،3 ميلليارد تەڭگەگە 147 كووپەراتيۆ قارجىلاندىرىلدى.
2015 جىلى «قازاگرو» حولدينگىمەن استىق ٴوندىرۋ سالاسىنداعى ۇساق جانە شاعىن اۋىل شارۋاشىلىعى تاۋار وندىرۋشىلەرىن بىرىكتىرۋ ٴۇشىن جانە ولاردى ەكىنشى دەڭگەيلى بانكتەر ارقىلى قىرجىلاندىرۋ باعىتىندا جاڭا تاسىلدەر ۇسىنىلدى. بۇل رەتتە «ازىق تۇلىك كەلىسىم-شارت كوپوراسياسى» ۇلتتىق كومپانياسى» اق، كووپەراتيۆتەردەن كەپىلدەندىرىلگەن استىق ساتىپ الۋ مەحانيزى ارقىلى شارۋالاردىڭ قارجىنى قايتارۋىنا كەپىل بولا الادى.
بيىلعى جىلى اقمولا، سولتۇستىك قازاقستان، قاراعاندى جانە پاۆلودار وبلىستارىنداعى وسىنداي 10 بىرلەستىك قارجىلاندىرىلدى. ول جەردەگى 212 قاتىسۋشىنىڭ ەگىس القابى 726 مىڭ گەكتاردان اسا جەردى قۇرادى. قارجىلاندىرۋ سوماسى – 8،3 ميلليارد تەڭگە. كووپەراسيالاردان الىنعان بۇنداي وڭ تاجىربيەنى حولدينگ بولاشاقتا اۋىل شارۋاشىلىعىنىڭ باسقا دا سالالارىندا جۇزەگە اسىرۋدى جوسپارلاپ وتىر.
اۋىل تۇرعىندارىن جۇمىسپەن قامتۋ جانە اگروونەركاسىپ كەشەنىندەگى ونىمدەردىڭ ٴوندىرىس كولەمىن جەكە قوسالقى شارۋاشىلىقتاردىڭ مۇمكىندىگىن پايدالانۋ ەسەبىنەن ارتتىرۋ ماقساتىندا، حولدينگتىڭ ەنشىلەس كومپانياسى «اۋىل شارۋاشىلىعىن قارجىلاي قولداۋ قورى» اكسيونەرلىك قوعامى «جۇمىسپەن قامتۋ 2020 جول كارتاسى» جانە «بيزنەستىڭ جول كارتاسى -2020» باعدارلامالارىنىڭ قارجىسىن پايدالانا وتىرىپ، شاعىن نەسيە بەرۋدەگى جاڭا ونىمدەردى جۇزەگە اسىرۋعا ىسكە كىرىستى.
بۇگىنگى كۇنى «اۋىل شارۋاشىلىعىن قارجىلاي قولداۋ قورى» اۋىلدىق جەرلەردەگى 90 %-دان استام شاعىن نەسيە بەرۋ نارىعىن قارجىلاندىرىپ وتىر.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
2998
0