BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاگرو» qazaq banki-نەن 20 ملرد تەڭگەنى قايتارىپ الماق

فوتو: Atameken Business Channel

استانا، baq.kz ٴتىلشىسى. «قازاگرو» ۇلتتىق باسقارۋشى حولدينگى بانكروتقا ۇشىراعان qazaq banki-نەن 20 ملرد تەڭگەنى قايتارىپ الماق. بۇل تۋرالى qazaqstan تەلەارناسىنىڭ جاڭالىقتار قىزمەتى حابارلايدى.

اۋىل شارۋاشىلىعى سالاسىنا بولىنگەن قوماقتى قارجى اتالعان بانكتىڭ شوتتارىنا سالىنعان. الايدا بانك تە وعان سالىنعان قاراجات تا قۇردىمعا كەتكەن. ەندى بۇل اقشانى قايتارىپ الۋدىڭ ٴبىر عانا جولى - بانكتەن قالعان مۇلىكتەردى ساتۋ.

عيماراتتاردىڭ اۋكسيونى وسى اپتاعا جوسپارلانىپ وتىر. استانانىڭ ورتالىعىنداعى سارايشىق 24 مەكەن جايىندا ورنالاسقان كوتتەدجدىڭ اۋدانى 559 شارشى مەتر. 20-جەلتوقساندا كوتتەدج اۋكسيونعا شىعارىلادى. ونىڭ باستاپقى باعاسى 505 ملن تەڭگە. بۇل qazaq banki-نەن «قازاگرو» ۇلتتىق باسقارۋشى حولدينگىنە بەرىلگەن جالعىز عيمارات ەمەس.

سونىمەن قاتار اۋكسيونعا الماتى قالاسىنداعى ٴارقايسىسىنىڭ اۋدانى 150 شارشى مەتردەن، باعاسى 75 ملن تەڭگەدەن اساتىن 13 پاتەر، ٴارى 1 ملرد تەڭگەنى قۇرايتىن 6 قاباتتى اكىمشىلىك عيمارات، 2 ملرد تەڭگەگە باعالانعان بيزنەس ورتالىق پەن 3 ملرد تەڭگەنى قۇرايتىن جاتاقحانا عيماراتى شىعارىلعان. اتالعان نىساندار الماتىنىڭ ورتالىق كوشەلەرىندە ورنالاسقان.

«قازاگرو» ۇلتتىق حولدينگىنەن بولەك، qazaq banki-نەن قارىزىن الا الماي جۇرگەن 18 مىڭ جەكە جانە زاڭدى تۇلعا بار. ولاردىڭ ٴبارى 3-4 ايدان بەرى بانكروتتىق تۋرالى سوت شەشىمىن كۇتتى. ول جاقىندا عانا شىقتى»، - دەيدى «قازاگرو» ۇلتتىق باسقارۋشى حولدينگىنىڭ ٴباسپاسوز حاتشىسى اسەل عابباسوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي