BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قاراعاندى قىتايعا قوي ەتىن ەكسپورتتاي باستادى

فوتو: karaganda-region.gov.kz

قاراعاندى، baq.kz. قاراعاندى وبلىسىنان قىتاي حالىق رەسپۋبليكاسىنا 20 توننا مۇزداتىلعان قوي ەتىنىڭ ٴبىرىنشى توپتاماسى جىبەرىلدى. كەلىسىم بويىنشا، كەلەشەكتە ەت جىبەرۋ جالعاساتىن بولادى. بۇل تۋرالى وبلىس اكىمىنىڭ رەسمي سايتى حابارلادى.

ەكسپورت «اراي kz» ەت وڭدەۋ كومپانياسى ارقىلى جۇزەگە اسىرىلادى. بۇل كاسىپورىن نەمىس تەxنولوگياسى بويىنشا جابدىقتالعان جانە ەۋروستاندارتتارعا ساي كەلەتىن مال سويۋ قۇرىلعىلارى بولعاندىقتان تاڭدالعان. 1200 باس مالدى اقتوعاي جانە جاڭاارقا اۋداندارىنىڭ شارۋا قوجالىقتارى ۇسىندى.

"قاراعاندىلىق مال وسىرۋشىلەر ٴۇشىن قىتاي نارىعى اشىلىپ وتىر. وبلىسىمىز وسى ەلگە مۇزداتىلعان قوي ەتىن ەكسپورتتاۋدى باستادى. ساتۋ نارىعىن كەڭەيتۋ ايماعىمىزداعى قوي ٴوسىرۋ سالاسىن دامىتۋعا تۇرتكى بولادى. سىزدەر بىلەسىزدەر، ەلباسىمەن الداعى بەس جىلدا اۋىل شارۋاشىلىعىنىڭ وڭدەلگەن ونىمدەرىن ەكسپورتتاۋدى 2،5 ەسەگە دەيىن ۇلعايتۋ مىندەتى قويىلدى. ەل پرەزيدەنتىنىڭ اعىمداعى جىلى ماۋسىمدا قىتايعا ساپارى بارىسىندا وسى ەلگە قازاقستاندىق اۋىل شارۋاشىلىق ونىمدەرىن جەتكىزۋدى ۇيىمداستىرۋ بويىنشا كەلىسسوز جۇرگىزىلگەن بولاتىن"، - دەيدى وبلىس اكىمىنىڭ ورىنباسارى سەرىك شايداروۆ.

ونىڭ ايتۋىنشا، بولاشاقتا قوي ەتىن جەتكىزۋ جۇمىستارىنا ايماعىمىزدىڭ 200 جۋىق شارۋا قوجالىقتارى جۇمىلدىرىلۋى مۇمكىن.

جەرگىلىكتى اتقارۋشى ورگاندار اكىمشىلىك ماسەلەلەردى شەشۋگە كومەكتەسكەن، ونىڭ ىشىندە ۆەتەريناريا سالاسىندا دا.
قىتايعا ەتتى تەمىرجول ارقىلى جەتكىزەدى.

"تالاپتار وتە قاتاڭ بولدى. ٴبىر جىل بۇرىن ٴبىزدىڭ تەحنولوگيامىزدى تەكسەرۋ ٴۇشىن كوميسسيا كەلدى. قاراشانىڭ سوڭىنا دەيىن ٴبىز قىتايعا 300 توننا قوي ەتىن جانە ٴدال سونداي كولەمدە جەلتوقسان ايىندا دا جىبەرۋىمىز كەرەك"، - دەپ مالىمدەدى «اراي kz» جشس قۇرىلتايشىسى جانبولات جاقاۋوۆ.

قىتايلىق كومپانيانىڭ وكىلى قازاقستاندىق ۇكىمەتكە جاسىل ٴدالىز ۇيىمداستىرعانى ٴۇشىن العىسىن ٴبىلدىردى.

"ەڭ باستىسى – ەكى ەل باسشىلىعىنىڭ كەلىسىمى دار. ال بيزنەسمەندەر جەتكىزۋ ماسەلەسىن شەشۋدە. ينفەكسيالىق تالاپتار شەڭبەرىندە قىتاي جانە قازاقستاننىڭ اۋىل شارۋاشىلىق مينيسترلىكتەرىمەن اۋقىمدى جۇمىستار اتقارىلدى. قازىرگى تاڭدا بارلىق ماسەلەلەر شەشىلدى، جانەدە ٴبىز ارىپتەستىگىمىزدى باستادىق"، - دەيدى سينسزيان يمپورتتىق-ەكسپورتتىق كومپانياسىنىڭ وكىلى يون دجيپين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي