BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەۋروپالىق كومپانيالار قازاقستاندا مايلى داقىلدار وندىرۋشى-سەرىكتەستەردى ىزدەۋدە

فوتو: ашық дереккөзден

استانا. baq.kz. بۇل تۋرالى «kazoil 2018» حالىقارالىق ماي-توڭماي كونفەرەنسياسىنىڭ ۇيىمداستىرۋشىلارى حابارلادى.

ەۋروپالىق كومپانيالار بەلگىلى ٴبىر اۋىل شارۋاشىلىعى مايلى داقىلدارىن ٴوسىرۋ جانە وڭدەۋ بويىنشا قازاقستاندىق اگرارييلەرمەن ارىپتەستىككە مۇددەلى. اتاپ ايتقاندا، casus bio oil trading ug، leipzig/germany گەرمانيا كومپانياسى «قازاقستاندا ارىشتى اۋىل شارۋاشىلىعىنداعى ٴارتاراپتاندىرىلعان ٴونىم رەتىندە ٴوسىرۋ جانە قايتا وڭدەۋ» جوباسى اياسىندا ٴبىزدىڭ ٴىرى جانە ورتا اۋىل شارۋاشىلىعى وندىرۋشىلەرىمىزبەن جانە ينۆەستورلارمەن ىنتىماقتاستىققا دايىن.

ٴدال وسىنداي ناقتى ماقساتپەن نەمىس كومپانياسىنىڭ وكىلدەرى استانادا وتەتىن قازاقستاننىڭ «kazoil 2018» حالىقارالىق ماي-توڭماي كونفەرەنسياسىنا قاتىسۋعا نيەتتى.

گەرماندىق مامانداردىڭ ايتۋىنشا، نارىقتىق قاتىناستار جاعدايىندا وزىندىك قۇنى تومەن جانە ٴتيىمدى باعامەن گەكتاردان جوعارى قايتارىم بەرەتىن اۋىل شارۋاشىلىعى داقىلدارىن ٴوسىرۋ وتە ماڭىزدى. بۇل رەتتە ولار جوعارى رەنتابەلدىلىكتى قامتاماسىز ەتۋى ٴتيىس، ال ەكونوميكالىق داعدارىس جاعدايىندا – الەمدىك نارىقتا نەعۇرلىم جوعارى باعا بويىنشا ەكسپورتتىق ٴونىم رەتىندە سۇرانىسقا يە بولۋى ٴتيىس. گەرمانيالىق كاسىپكەرلەردىڭ پىكىرى بويىنشا مۇنداي داقىلعا ارىش جاتادى. شيكىزات رەتىندە شەت ەلدەردە ارىش مايىنا سۇرانىس زور.

«قازاقستاندىق سەرىكتەستەر تاراپىنان قىزىعۋشىلىق تانىتقان جاعدايدا ٴبىز ماي مەن شروتتىڭ 100% - ىن وتكىزۋگە كەپىلدىك بەرەمىز»، - دەيدى casus bio oil trading ug، leipzig (گەرمانيا) كومپانياسىنىڭ وكىلدەرى .

ارىش – قورشاعان ورتانىڭ فاكتورلارىنا بەيىمدەلگەن ونىمدىلىگى مەن مايلىلىعى جوعارى (42% - عا دەيىن) پەرسپەكتيۆالى مايلى داقىل. ارىش مايى تاعامدىق ماقساتتارعا ادام راسيونىنا باعالى بيولوگيالىق قوسپا رەتىندە، سونداي-اق تەحنيكالىق ماقساتتارعا پايدالانىلۋى مۇمكىن.

بۇعان دەيىن حابارلانعانداي، قازاقستانداعى مايلى داقىلدار نارىعىنىڭ جاعدايى، سونداي-اق ونىڭ دامۋىنىڭ نەگىزگى تەجەۋشى فاكتورلارى قازاقستاننىڭ «kazoil 2018» ەكىنشى حالىقارالىق ماي-توڭماي كونفەرەنسياسى بارىسىندا جەتەكشى قازاقستاندىق جانە الەمدىك ساراپشىلار مەن تالداۋشىلاردىڭ تالقىلاۋىنا اينالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي