ەلىمىزگە رەسەي مەن قىتايدان جەتكىزىلگەن 278،12 توننا ٴونىم كەرى قايتارىلدى، دەپ حابارلايدى baq.kz اقپارات اگەنتتىگى.
3000
0 
استانا: 
1412 
0
ەلىمىزگە رەسەي مەن قىتايدان جەتكىزىلگەن 278،12 توننا ٴونىم كەرى قايتارىلدى، دەپ حابارلايدى baq.kz اقپارات اگەنتتىگى.
2017 جىلعى تامىز ايىنىڭ 26-نان قىركۇيەك ايىنىڭ ٴ8-ى ارالىعىندا قۇجات تەكسەرۋ بارىسىندا قازاقستان رەسپۋبليكاسىنىڭ اۋماعىنا جوعارعى فيتوسانيتاريالىق ٴقاۋىپى بار كارانتينگە جاتقىزىلاتىن ونىمدەردى اكەلۋ كەزىندە قازاقستان رەسپۋبليكاسى جانە ەۋرازيالىق ەكونوميكالىق وداعىنىڭ وسىمدىكتەر كارانتينى سالاسىنداعى زاڭناما بۇزۋشىلىقتىڭ 19 فاكتىسى انىقتالدى.
رەسەي فەدەراسياسىنان ٴونىم 10 جاعدايدا مىندەتتى ىلەسپە فيتوسانيتارلىق سەرتيفيكاتسىز (قىزاناق 10،2 توننا، كارتوپ 21 توننا، قارا ورىك 0،04 توننا، قاربىز 0،5 توننا، كۇرىش 0،1 توننا، بانان 1،5 توننا، كەبەك 17 توننا، كەسىلگەن اعاش دايىندامالارى 50 تەكشە مەتر)، 5 جاعدايدا ماركيروۆكاسىزم (قىزاناق 6 توننا، كارتوپ 44 توننا)، 2 جاعدايدا جارامسىز سەرتيفيكاتپەن (قىزاناق 1،5 توننا، كەسىلگەن اعاش دايىندامالارى 95 تەكشە مەتر) اكەلىنگەن.
سونداي-اق، قىتاي حالىق رەسپۋبليكاسىنان سالماعى 60 توننا جەر جاڭعاق جانە 116،28 توننا كۇنباعىس تۇقىمدارى فيتوسانيتارلىق سەرتيفيكاتسىز اكەلىنگەنى انىقتالدى.
زاڭبۇزۋشىلىققا جول بەرگەن ٴونىم يەلەرى اكىمشىلىك جاۋاپكەرشىلىككە تارتىلدى. جوعارىدا كورسەتىلگەن كارانتينگە جاتقىزىلاتىن ونىمدەردىڭ جالپى سالماعى 278،12 توننا جانە 145 تەكشە مەتر ەكسپورتتاۋشى مەملەكەتتەردىڭ اۋماعىنا قايتارىلدى.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
