ەلىمىزدە تاعى ٴبىر سالا ماماندارىنىڭ جالاقىسى كوبەيەدى

بۇل تۋرالى وسكەمەندە وتكەن پارلامەنت سەناتى اگرارلىق كوميتەتىنىڭ كوشپەلى وتىرىسىندا ايتىلدى. بيولوگيالىق ٴارالۋاندىلىقتى ساقتاۋ تۋرالى زاڭ جوباسىنىڭ مۇمكىندىكتەرى تالقىلانعان شاراعا ەلىمىزدىڭ ٴبىرقاتار اۋماعىنان سالا ماماندارى جينالدى، دەپ حابارلايدى baq.kz.

شىعىس قازاقستاندا ەلىمىزدە پايدالانىلاتىن اعاش قورىنىڭ 70 پايىزى شوعىرلانعان. ٴوڭىر اۋماعىندا 1000-نان اسا وسىمدىك ٴتۇرى بار. ونىڭ ٴ100-ى قىزىل كىتاپقا ەنگەن. جاسىل جەلەكتى ٴوڭىردىڭ تۇمسا تابيعاتىن ساقتاپ قالۋ باستى نازاردا. ول ٴۇشىن زاماناۋي قۇرىلعىلاردى پايدالانۋدى تاجىريبەگە ەنگىزگەن.

مۇرات داۋلەتوۆ، «سەمەي ورمانى» رەزەرۆاتىنىڭ باس ديرەكتورى:

ٴ-ورتتى الدىن الا انىقتاۋ قۇرىلعىسىن پايدالانعالى بەرى ورماندى ٴورت شالۋ جاعدايلارى 15 پايىزعا ازايدى. ورتتەر اسىرەسە نايزاعاي سالدارىنان تۇتانىپ جاتادى. وتكەن جىلى 154 تۇتانۋ بولعانىمەن، ولاردى دەر كەزدە ٴسوندىرۋ ارقاسىندا شىعىنعا جول بەرىلمەدى.

بيولوگيالىق الۋاندىقتى ساقتاۋ، ورمان ونەركاسىبى مەن ايماقتاعى اڭشىلىق شارۋاشىلىعىن دامىتۋ – زامان تالابى.

حالىق قالاۋلىلارى: «جاسىل ەكونوميكاعا كوشۋگە نيەتتى ەلىمىزدىڭ تابيعي بايلىقتارىن قورعاۋ سالاسىندا ٴتيىمدى ساياسات قالىپتاستىرۋ قاجەت»، – دەيدى.

قۋانىش ايتاحانوۆ، پارلامەنت سەناتى كوميتەتىنىڭ مۇشەسى:

-زاڭعا وزگەرىس ەنگىزىپ جاتىر. مىسالى، فەرمەرلىك، اڭشىلىق، ورمان شارۋاشىلىعىن دامىتۋ كەرەك. سول ورمان شارۋاشىلىعىن دامىتقان ازاماتتارعا ىنتالاندىرۋ، سۋبسيديا بەرۋ ماسەلەلەرى، ورمانشىلاردىڭ ايلىعى از، ولارعا مەملەكەت تاراپىنان ايلىق كوتەرۋ جونىندە ارنايى زاڭدا قاراستىردىق.

سونداي-اق بۇل كۇنى اگرارلىق كوميتەت وكىلدەرى وڭىردەگى بىرەگەي «شىعىس ٴسۇت» كاسىپورىنىڭ تىنىسىمەن دە تانىستى. مۇندا ٴقازىر 60-تان اسا ٴسۇت ونىمدەرى وندىرىلەدى. ٴونىم تۇرلەرىن 20-عا جەتكىزۋ جوسپارى بار. دامۋدىڭ جاڭا ساتىسىنا اياق باسقان مەكەمەدە جاڭعىرۋ جۇمىستارى اياقتالىپ كەلەدى.

ۆالەنتينا مياگكوۆا، كاسىپورىننىڭ باس تەحنولوگى:

-جاڭعىرتۋ جۇمىستارى اياقتالىپ قالدى. جاڭا جابدىقتار ورناتتىق. ٴقازىر ٴونىم كولەمى مەن تۇرلەرىن ارتتىرىپ جاتىرمىز. وسى جىلى ىرىمشىك وندىرىسىنە كوڭىل بولمەكپىز. كاسىپورىندا مامانداردى دايىنداۋعا ۇلكەن كوڭىل ٴبولىنىپ وتىر. ماقسات – وتاندىق ٴونىمنىڭ ساپاسىن ارتتىرۋ.

24.kz

تەگي
• وسكەمەن

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!